Matthew 7:13 - Syin Chin Bible

¹³ “Kongbiang ciak sungah na tum vun, banghang ziam cile hell ngam kongbiang sia zai a, tua mun paina lampi sia tot ol hi, tua lampi a tawn mihing tam mama om hi.

Matthew 7:13 Iomraidhean Croise

Pianciilna 6:12

Pathian in leitung en a, a sia in mu hi, banghang ziam cile mihing theampo siatna taw kidim in nungta hi.

Pianciilna 6:5

Leitung ah mihing theampo bangzata seksol a, khua ngaisut a sia bebek a nei tawntungna thu Topa in a mu ciang,

Paunakte 16:25

A maan lampi hi ci in na up sia in thina sung hong then thei hi.

Paunakte 7:27

Ama inn ah na haw le mithi khua a zuazuan na hi hi. Tua in thi natu lamban khat ahi hi.

Paunakte 9:6

Heakna nei ngawl mihingte taw kitholna nusia vun a, nungta vun. Heakna lampi zui in” ci hi.

Isaiah 1:9

Vaanglianbelpa, Topa in mi pawlkhat hong nungtasak lai buathong le, Sodom le Gomorrah bang keakma in Jerusalem kilalsak siat zo tu hi.

Isaiah 35:8

Tua munah, “Thianthona ii lampi” a kici lampi lian khat om tu hi. Mawneite kuama in tua lampi tawn nawn ngawl tu hi; tua lampi a tawnte sia a mawmawte zongh lam pial ngawl tu hi.

Isaiah 55:7

Mi seksolte in amate ii nuntakna zia nusia tahen a, a ngaisutna zia kheal tahen. Topa ih Pathian kungah amate in zuan tahen; Topa in hong hesuak thei a, mawna hong maisak papai hi.

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

Matthew 25:41

“Tuaciangin a veisang a tote munah, ‘Kei kung pan tai vun, no Pathian ii haamsiat sate awng! Doaimangpa le a lalangte atu a kivawt kholsa tawntung meikuang sungah pai tavun.

Matthew 25:46

Tua ahikom hite sia tawntung daan thuak natu sungah kipuak tu a, ahizong a thumaan thutangte sia tawntung nuntakna sungah pai tu hi,” ci hi.

Matthew 3:2

“Na mawna uh pan kisiik kik vun, banghang ziam cile Vantung ngam hong nai zo hi!” ci hi.

Matthew 3:8

Mawna pan kisii kikna lim kilanghsak vun.

Matthew 7:14

Ahihang nuntakna sung tum natu kongbiang sia ciak a, tua mun pai natu lampi sia tot hak hi, tuaciang tua lampi a mu mihing tawm hi.

Luke 14:33

Tuabang ma in note khat pawpo in na neisa theampo na nusia bua uh le, ka nungzui na suak thei buatu uh hi” ci hi.

Luke 9:33

Tua mihingte nii in Jesus a nusiat ciangin, Peter in, “Topa hi sungah ih om sia bangza in nuam ziam? Buk thum sa tawng, nang atu khat, Moses atu khat, Elijah atu khat sa tawng,” ci hi. (Ama in bang teng pau cisia a he tak bua hi).

John 10:9

Keima in kongpi ka hi hi. A kuama po kei hong tawnin a tumte kingum tu hi; amate sungtang si, pusuak si tu a, nganthana mun mu tu hi.

John 14:6

Jesus in, “Keima in lampi ka hi hi, thumaan thutak ka hi hi, nuntakna ka hi hi; kei taw ngawlin kuama in Pa kung a theng buatu hi.

Sawltakte 3:19

Tua ahiciang kisiik kik vun a, Pathian kung zuan vun, tua hile na mawnate hong kimaisak tu hi. Tuabang na hi uh le,

Romete 9:22

Pathian nasepna zongh tuasia bangma ahi hi. Ama in a thin uukna lak nuam a, a vaangletna kihesak nuam hi. Ama a thin a uuksak, lalcipna sung a theng tu mihingte thinsauna tatak taw thuak hi.

2 Corinth te 4:4

Hi leitung pathian ngilopa in amate thinsung sia khuazing sungah keamcip ahikom um ngawl uh hi. Pathian taw a kibang linlian Christ ii minthanna huvau tua Lungdamna Thupha pan hong pai, amate tungah hong taang khuavak a mu thei ngawl natu in ama in vawt hi.

2 Corinth te 6:17

Tuaciangin Topa in, “Amate nusia nanak in a, amate taw kikhen tavun. A thiangtho ngawlte taw kipeena bangma nei heak vun, tua hile note kong saang tu hi, ci hi.

Galatia te 5:24

Tuaciang Christ Jesus ii neisa ahite in, a mihing pianzia le tua ii uukna le deinate sia thi khawmsak zo hi.

Philippi te 3:19

Amate sia a khakbel ciangin hell theng tu uh hi, banghang ziam cile cii le sa deinate sia amate ii pathian ahi hi. A maizum huai, a thasiathuaite thangphatna in la uh a, leitung neisa nate bekma ngaisun uh hi.

1 John 5:19

Simlei buppi sia Ngilopa ukna nuai ah om kale, ei sia Pathian neisa ih hi hunlam ih he hi.

Thupualaakna 12:9

Tua ciangin taangh ngulpui lian Doaimangpa ahibuale Satan a kici leitung bup a theampa ngulpui lian mama sia, ama ii lalang theampo taw leitung ah hong kisepsuk hi.

Thupualaakna 13:8

A kithatlum Tuuno ii neisa ahi leitung kibitphua ma a nuntakna laibu sungah a kikhum min neite simngawl, leitung a teang mihing theampo in a bia tu uh hi.

Thupualaakna 20:15

A nungtate min khumna laibu sungah a min a om ngawl peuma meili sungah kilawn hi.

Thupualaakna 20:3

Vantunglalang in ama sia a hawng thukpui sungah lawnsuk a, tawkalh in, kum tulkhat a cin mateng, minam tuatuamte a theam thei ngawl natu in a kongkha ah tepteena tuum hi. Tua zawkciang ama sia tawmvei sung kitha kik tu hi.