Matthew 7:11 - Syin Chin Bible

¹¹ Na phat ngawl uh kawm panin na tate atu napha piak tu na he uh hi. Tua ahile, vantung ah na Pa in a ngente tungah naphate bangza in hong pia zaw kan tu ziam?

Matthew 7:11 Iomraidhean Croise

Pianciilna 6:5

Leitung ah mihing theampo bangzata seksol a, khua ngaisut a sia bebek a nei tawntungna thu Topa in a mu ciang,

Pianciilna 8:21

Topa sia biakpiakna ngimnamtui in lungdamsak hi, tuaciang a thinsung ah, “Mihing ngamtatna hangin leitung ka haamsiat kik ngei buatu hi; a no lai pan a khuangaisutnate a siat hunlam ka he hi. Tu a ka vawt bangin nuntakna nei theampo ka mon kik ngei buatu hi.

2 Samuel 7:19

Tua hi napi tu in a nasia zaw lai in hong seam ni hi, Vaanglianpipa Topa awng; maisang hong pai lai tu kumte ah ka suan ka paalte atu dongin kamciam nong pia zo hi. Tuaciang hisia mihing khat in musak ni hi, Vaanglianpipa awng!

Job 15:16

Tuaciang, mite in siatna sia tui bang phetin dawn uh hi; hi hi, amate lal in mannei ngawl hi.

Psalm Late 84:11

Topa in ei hong sungsia pa le a minthang kumpipa hi a, ama in cikna le minphatna taw eite thupha hong pia hi. A maan a seamte tungah ama in naphate khat zongh a haza bua hi.

Psalm Late 85:12

Topa in eite hong nuamsasak tu a, ih leitang in anlaak tu tam mama piangsak tu hi.

Psalm Late 86:15

Ahihang Topa awng, nang sia, a hesuak thei le a it thei Pathian na hi a, a thin uai tawntung, a dik tawntung le a thumaan tawntung na hi hi.

Psalm Late 86:5

Ko tungah nangma na pha a, nong maisak hi, nang tungah thu hong ngente theampo atu in itna kip taw na kidim hi.

Isaiah 49:15

Tuasia ciang Topa in, “Numei khat in ama ii nausen mangil in ama ii hin le toai tasen it ngawlin om thei tu ziam? A nu in a tasen a mangil zezen tha hial zongin, keima in note kong mangil ngei buatu hi.

Isaiah 63:7

Topa ii a kip a kho hong itna thu ka son tu hi; Ei atu in ama hong sep sakte theampo hangin ama ka pok hi. Ama ii hesuakna le tawntung itna hangin Israel mite ama in thupha tam mama pia zo hi.

Jeremiah 17:9

“Akua in mihingte thinsung tel thei ziam? tuabangza a ngualtheam thei dang bangma om ngawl hi; a natna sia nasia leih ahikom dam thiang zo ngawl tu hi.

Jeremiah 33:14

Topa in, “Israel le Judah mite tungah kamciam ka piak sia ka taangtunsak tu hun hong theng tu hi.

Hosea 14:2

Topa kungah heak kik vun a, hi thungetna sia ama tungah na biakpiakna uh hisak vun: “Koma mawna theampo hong maisak ta'n a, ka thungetna uh hong saang ta'n. Tuaciang kong kamciam bangin nang hong pok tu khu hi.

Micah 7:18

Topa awng, nang bang ahi pathian dang om ngawl hi, a nungta lai na mite ii mawnate na maisak hi. A tawntungin thin uukin na om bua a, na itna kip nong lak sia nuam na sa hi.

Malachi 1:6

Vaanglianbelpa Topa in thiampite tungah, “Tapa khat in a pa thasia a, innteang khat in a topa zakta hi. Keima sia na pa ka hi a — banghangin hong patoai ngawl nu ziam? Keima sia na topa khi hi — banghang hong zakta ngawl nu ziam? Note in kei hong zawngsak napi, ‘Bangbangin hong zawngsak khu ziam?’ na ci lai uh hi.

Matthew 23:9

Tuaciangin hi leitung ah kuama ‘Pa awng’ ci heak vun, banghang ziam cile vantung a Pa khat bekma na nei uh hi.

Matthew 7:10

Tua ahibuale ngasa hong nget ciang, ngul na pia tu uh ziam?

John 3:16

Pathian in leitung mite hong it mama ahikom, khat bek a nei a Tapa hong pia a, ama a um peuma in thi nawn ngawlin tawntung nuntakna a nga natu ahi hi.

Romete 3:19

Leitung buppi Pathian thukhenna sungah a thet natu le mihingte kam zon theina theampo a bo thei natu in Thukham sungah thu omte theampo in Thukham khutnuai ah a omte atu ahi hunlam ka he uh hi.

Romete 3:9

Tua ahile ei Jew te in Gentile te sangin phazaw ih hi ziam? Hi tuan ngawl hi! Ka sonsa bangma in Jew te le Gentile te sia a kibangin mawna vaangletna nuai ah om siat hi.

Romete 8:32

Pathian in hong langpan ngawl het tu hi. Ama in a Tapa takpi khoaikhe ngawlin, ei atu in hong pia hi! A Tapa ngawngawn hong pia ahile — na theampo a thongin hong pia ngawl tu ziam?

Galatia te 3:22

Ahihang laithiangtho in leitung bup sia mawna vaangletna nuai ah om hi, ci hi; tua ahikom Jesus Christ ih upna bulphu a, a kipia kamciam sia, ama a umte tungah kipia hi.

James 1:17

A pha tel le ziakte le a cingtaak letsong theampo vantung panin hong pai hi; tua teng sia vantung khuavakte a bitphua, kikheal ngeingawl a, kihei in khua a zingsak ngawl Pathian kung pan hong paisuk hi.

1 John 3:1

Pa in ei sia bangza in hong it ziam tel tavun! Ama hong itna lian mama ahikom ei sia Pathian ii tate hong kici hi — tuabang takpi ma ih hi hi. Leitung in Pathian he ngawl ahikom leitung mite in ei hong he ngawl hi.

1 John 4:10

Itna ih ci sia in hisia ahi hi: eite in Pathian a it ih hi bua a, Pathian in eite hong it manin ih mawna a mai natu in a Tapa hong paisak hi.