Matthew 6:9 - Syin Chin Bible

⁹ Tua ahiciang hi bangin thu ngen vun: Vantung a om kote Pa awng: Na min thiangtho ki upat tahen;

Matthew 6:9 Iomraidhean Croise

2 Samuel 7:26

Na minthanna nasia tu a, tuaciang mite in a tawntungin, ‘Topa Vaanglianbelpa sia Israel ii Pathian hi,’ hong ci tu uh hi. Tuaciang nangma in ka kumpi khangngui sia a tawntung nong kepsak tu hi.

1 Kumpite 8:43

a thungetna na ngai in. Vantung na teenna pan za in a, vawtsak tu in hong nget teng vawtsak in, tua hile leitung mite theampo in Israel na mite ii hong heak bangma hong he thei in, na thu hong ni tu uh hi. Tuasia ciang amate in hi Biakinnpi ka sak sia nangma biak natu mun ahi hunlam he tu uh hi.

1 Khangtaanghthu 17:24

Na minthanna sia lian tu a, mite in a tawntungin, ‘Topa Vaanglianbelpa sia Israel ii Pathian hi,’ ci tu uh hi. Tuaciang nangma in ka kumpi khangngui sia hun theampo ah nong kepsak tu hi.

2 Khangtaanghthu 20:6

a ngingin, “Oh Topa ka taanghpupite ii Pathian awng, vantung le leitung ngam theampo na uk siat hi. Nangma sia a vaanglian a thahat na hi a, kuama in hong nalh zo ngawl hi.

Nehemiah 9:5

A nuai a Levi te: Jeshua, Kadmiel, Bani, Hashabneiah, Sherebiah, Hodiah, Shebaniah le Pethahiah te in biak sapna sam uh hi. Amate in: “Ding vun a, Topa na Pathian pok vun; a tawntung a tawntungin ama pok vun! mihing pokna sia a cingtaak zo bua zong, a minthang ama min mi theampo in pok tahen.”

Psalm Late 111:9

Ama in a mite suaktasak a, amate taw a kip tawntung thuciamna khat vawt hi. Ama thiangtho in vaanglian hi!

Psalm Late 115:3

Ih Pathian in vantung ah om hi; ama in a uuk pawpo seam hi.

Psalm Late 72:18

Israel te ii Pathian, Topa pok vun! Ama bekma in hi nalamdangte vawt hi.

Isaiah 37:20

Tu in Topa kote Pathian awng, nangma bek Topa na hina thu, leitung ngam theampo in a heak natu in, Assyria te khut sung panin kote hong suatak ta'n,” ci hi.

Isaiah 57:15

“Keima in a saang le a thiangtho, a tawntung a nungta Pathian ka hi hi. Keima in a saang le a thiangtho na munah ka teang hi, ahihang mite ii hong muanna le lametna a nga kik thei natu in mawna kisiik kik a, a kiniamkhiak vadeam mite taw zongh in ka teang khawm hi.

Isaiah 6:3

Amate khat le khat ki oksan in: “Thiangtho, thiangtho, thiangtho! Vaanglianbelpa Topa sia thiangtho hi! Ama ii minthanna in leitung zel hi,” ci in au uh hi.

Isaiah 63:16

Nangma in kote pa na hi hi. Ka taanghpupi Abraham le Jacob te in ko hong thusim ngawl uh hi, ahihang Topa, kote hong suatak tawntung pa, nangma in kote pa na hi hi.

Isaiah 64:8

Ahizong Topa awng, nangma in kote Pa na hi hi. Kote in tungman bang hi a, nang in beal seakpa bang na hi hi. Nangma in kote nong bitphua a,

Isaiah 66:1

Topa in, “Vantung sia ka tokhum hi a, leitung sia ka peang ngakna ahi hi. Tua ahiciang a koibang inn sa tu a, a koibang mun sia ka teen natu mun ahi ziam?

Ezekiel 36:23

Minamte sungah na daisak uh ka min — ka min lian ii thiangthona amate tungah ka lak ciangin — keima sia Topa ka hi hunlam amate in hong he tu uh hi. Keima, Vaanglianpipa Topa ka pau zo hi. Nangma hong zanghin minamte tungah a thiangtho ka hi sia ka lak tu hi.

Ezekiel 38:23

Hi bangin keima letna le ka thiantho na sia minam theampo ka lak tu hi. Tua hun ciang amate in Topa ka hi hunlam hong he tu uh hi,” ci hi.

Thiampite 10:3

Tuasia ciang Moses in Aaron tungah, “Topa in ‘Ka na a seamte theampo in ka thianthona zakta tu hi; ka mite tungah ka vaangletna ka pualaak tu hi’ a ci ciang a deina sia, tubang ahi hi,” ci hi. Ahizong Aaron bangma pau ngawl hi.

Habakkuk 2:14

Ahihang tuipi sia tui taw a kidim bangin leitung in Topa vaangletna heakna taw kidim tu hi.

Zechariah 14:9

Tua zawkciang Topa sia leitung theampo ii kumpipa in hong mang tu a; ama ii Pathian sia a kuama po in bia tu a, tua min taw ma in ama he tu uh hi.

Malachi 1:11

Leimong khat pan mong khat ah a om mihingte in kei hong patoai uh hi. Amate in mun theampo ah ngimnamtui hong hal a, tuaciang a saan thamman sangaw biakpiaknate hong pia hi. Amate theampo in kei hong patoai uh hi!

Matthew 10:29

Banghang ziam cile dangkasan pheak khat taw tonbawm nii kilei thei hi, ahitazong na Pa ii thukimna ngawl taw tonbawm khat zongh leitung ah taak thong ngawl hi.

Matthew 23:9

Tuaciangin hi leitung ah kuama ‘Pa awng’ ci heak vun, banghang ziam cile vantung a Pa khat bekma na nei uh hi.

Matthew 26:29

Kei kong cina pan, ka Pa Ngam sungah note taw sapittui thak ka neak mateng hi sapittui sia ka ne nawn buatu hi,” ci hi.

Matthew 26:42

Khatvei ma, Jesus pai in thu ngen hi, “Ka Pa awng, hi hai ka dawn phot ngawl peuma in, hi thuakna hai sia hong kilaaksak ngawl tu ahile nangma deina bang hi tahen,” ci hi.

Matthew 5:16

Tuasia bangma in, napha na sep uhte mihingte in a mu ciang, vantung a om na Pa uh a pok natu in, amate mai ah na khuavak uh taangsak vun.

Matthew 5:48

Vantung a na Pa uh cialcing ahi bangma in, no zongh na cialcing uh kul hi,” ci hi.

Matthew 6:14

“Ngual ii note tung a hong khialnate na maisak uh le, vantung a na Pa zongh in, note khialna zongh hong maisak tu hi.

Matthew 6:6

Ahihang no thu na nget uh ciangin, inndoi sungah tumin, inn na kha zawk uh ciang, a kimu thei ngawl, na Pa tungah thungen tavun. Tua hile noma ii heak bek a na ngamtatna uh hong mu na Pa in thaman hong pia tu hi.

Matthew 7:11

Na phat ngawl uh kawm panin na tate atu napha piak tu na he uh hi. Tua ahile, vantung ah na Pa in a ngente tungah naphate bangza in hong pia zaw kan tu ziam?

Luke 15:18

Ding in ka pa kungah zuan tong, Pa awng, Pathian tung le nang tungah kong khial zo hi.

Luke 15:21

‘Pa awng, Pathian tung le nangma tungah hong khial zo khi hi. Na tapa ci tu in ka kilawm nawn bua hi,’ ci hi.

Luke 2:14

“Van a saangbelna ah Pathian minthang tahen, ama ii dik a sak leitung mihingte tungah thinnopna om tahen!” ci uh hi.

John 20:17

“Hong len top heak in, banghang ziam cile Pa kungah paito ngawl lai khi hi. Ahihang ka suapuipate kungah pai in va son ta'n. Ka Pa le amate ii Pa, ka Pathian le amate ii Pathian kungah heak kik tu khi hi,” Jesus in ci hi.

Romete 1:7

Tua ahikom Pathian in hong it a, ama minam suak tu in, hong sapsa no Rome khua a omte theampo tungah lai kong thaak hi. Ih Pa Pathian le ih Topa Jesus Christ in thuthiamna le thinnopna hong pia tahen.

Romete 8:15

Banghang ziam cile Pathian hong piak Thaa in nang sia sila hong suaksak ngawl a, hong kiitasak ngawl hi; tua hizaw ngawlin, Thaa in Pathian ii tate hong suaksak a, Thaa vaangletna taw eite in Pathian tungah “Pa awng, ka Pa awng!” ih ci thei hi.

Galatia te 1:1

Mihingte kung pan hi ngawl, mihingte ii piansak thu zongh hi ngawl, thina pan Jesus a tho kiksak Pa Pathian le Jesus Christ kung pan sapna a nga sawltak ahi keima Paul ii tung pan laithak ahi hi.

Galatia te 4:6

Note sia ama ii tapa tanute na hina uh a lak natu in, Pathian in a Tapa ii Thaa “Pa awng, Ka Pa awng!” ci in a au Thaa sia ih thin sungah hong puak hi.

1 Timothy 6:16

Ama bek thi maw a; kuama in a nai a neak thei ngawlna khuavak sungah teang hi. Kuama in ama mu ngeingawl a; kuama in ama mu thei ngeingawl tu hi. Ama ii tungah zatakna le tawntung ukzawkna om tahen! Amen.

1 Peter 1:17

Mihing khat sim ii a sepna bangin a kibang thukhenna taw mihing theampo thu a khen Pathian tungah thu na nget uh ciang, Pa awng, na ci uh hi; tua ahiciang hi leitung ah nungta in na om uh laiteng ama thasia tavun.

Thupualaakna 4:11

“Ka Topa le ka Pathian! Minthanna, upatna le vaangletna saang tu in na kilawm hi. Banghang ziam cile nangma in na theampo na bitphua hi, tuaciangin nangma deina taw amate tungah pianna le nuntakna na pia hi,” ci uh hi.

Thupualaakna 5:12

nging takin lasa uh hi: “Tuuno a kithatlum sia in vaang letna, hauna, ciimna, le thahatna upatna, minthanna le pokna, a saang tu in kiphu hi!” ci uh hi.