Matthew 6:5 - Syin Chin Bible

⁵ “Thu na nget uh ciangin a kihisak mihingte bangin ngen heak vun! Amate lamkaa khawng le biakna innte ah ngual mu tu in ding a thungen thanuam uh hi. A tatakin ka ci ciang, amate a thaman uh a cing takin kipia zo ahi hi.

Matthew 6:5 Iomraidhean Croise

Psalm Late 5:2

Hu ngenin ka auna aw hong ngai ta'n, ka Pathian le ka kumpipa awng! Topa awng, na tungah thu kong ngen hi,

Psalm Late 55:17

Zingsang, sun le zan in ka thuumnate le ka taunate ama kungah paito a, tua ahikom ama in ka aw hong za tu hi.

Paunakte 15:8

Mihing phate thunget ciang Topa lungkim hi; ahihang mihing seksolte hong paipui sa ngaw biakpiaknate ensan hi.

Paunakte 16:5

A kisathei pawpo Topa in ensan hi; ama in amate daan thuak natu panin a suaktasak buatu hi.

Isaiah 1:15

“Thungen in na khutte na lapto ciang note kong en buatu hi. Bang zata thu na ngen ta uh zongin kong ngai buatu hi, banghang ziam cile na khutte chi taw kituam hi.

Jeremiah 29:12

Tuaciang kei nong sam tu uh hi. Kei kung hong zuanin thu nong ngen tu uh hi, tuaciang kong zo tu hi.

Daniel 6:10

Kumpipa thukham sia kumpipa in a minthu zo hi, ci thu Daniel in a heak ciang a inn ah cia hi. A inndawl tung inndoi khat sungah Jerusalem khua sang a maingat khelkite om hi. Tua munah, a vawt ngei tawntung bangma in, khelki kihongna te ah khupdin in ni khat sung thumvei veu Pathian tungah thungen hi.

Matthew 21:22

Na um uh le thungetna taw na nget uh po na nga tu uh hi,” ci hi.

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

Matthew 23:5

Mihingte mu tu in amate in na theampo seam uh hi. Amate talki tung le a baante tungah laithiangtho kammal a ki at savun pheakte bangza in beak ziam, en vun! A laktong puasilh mong a teapkaaite zongh bangza in sausak ziam!

Matthew 23:6

Poai sungah amate tona a nuambelte tungah ahizong, synagogue sungah a kikhaam sa tonate tungah ahizong amate in to nuam saap a;

Matthew 6:1

“Biakpiak vaipuakte na sep uh ciangin, mihon ii hong mu tu in, ngual sungah vawt heak vun. Tuabangin ngual sungah na vawt uh le, vantung a na Pa kung pan, thaman khat zongh na nga buatu hi.

Matthew 6:16

“Tuaciang, an na tan uh ciang, a kihisak theamte bangin maikhingin om heak vun. Amate sia a antan hunlam uh ngual heak tu in kipua ngawl lui in om hi. A tatakin ka ci ciang, amate in a thaman uh a cing takin a kipiasa ahi hi.

Matthew 6:2

“Mihing cimaw khat huna na nei uh ciangin, mihing a kihitheamsakte in lampi liante tung le biakna innte ah a vawt uh bangin, pokngaina taw vawt heak vun. Amate ahile, mihingte pok tu thangai in tuabangin ngamta hi. A tatakin ka ci ciang, amate ii a thaman uh a cing takin kipia zo hi.

Matthew 9:38

Tua ahikom anneipa tungah, anla tu mi tam mama hong sawl natu, thu na ngen vun,” ci hi.

Mark 11:25

Thungenin na din uh ciang, khat po tungah diksak ngawlna na nei uh le, maisak tavun,

Mark 12:38

Amate a hil kawmin hi bangin ci hi, “Puantual silhin sumzuakna munah, ngual in zatak vawtin a biak tu thangai in, a vak thanuam Thukham hil syate kung panin kikeam vun,

Luke 11:43

“No Phariseete atu in, bangza in lauhuai ziam! Synagogue sungah a kikhealsia tokhumte na thangai uh a, vanh zuakna munah kizatak piaknate dik na sa uh hi.

Luke 18:1

Tua zawkciang Jesus in a nungzuite tungah thinkiam ngawl a, a thunget tawntung natu a hilna in thusonteenate son hi.

Luke 18:13

Ahihang shiadongpa ahile a khualana ah ding a, vantung zongh ento ngam ngawlin, a awm beang a, ‘Pathian awng, kei mimawpa hong hesuak ta'n!’ ci hi.

Luke 20:47

Amate in meingongte zothaw uh a, a inn a lo suttol in, tuaciang, ngual ii pha a sak tu a deina in, a sau tatak thungen uh hi! Amate ii daan thuak tu sia nasia seseam tu hi!” ci hi.

Luke 6:24

“Ahizong tu laitak no a haute atu in bangza in lauhuai ziam; no sia a nuam a nungta sa hi zo nu hi!

John 16:24

Tuciang dong kei min suangin, bangma na ngen bualai uh hi; na lungdamna uh a pawlcin thei natu in, ngen vun na nga tu uh hi.

Ephesus te 6:18

Hite theampo thungetna taw seam vun a, Pathian munah huna na ngen vun. Thaa ii hong lampui bangin, hun theampo sungah thu na ngen vun. Hi thu hu in pilvangin, thinkiam ngei heak vun; Pathian ii mihingte theampo atu thu na ngen tawntung vun.

1 Thessalonica te 5:17

hun theampo sungah thu ngen tawntung vun,

James 4:6

Ahihang Pathian hong piak thuthiamna sia khohzaw kan lai hi. Laithiangtho in “Pathian in a kiphasakte nalh a, ahihang a kiniamkhiakte thuthiamna pia hi,” a ci bangma hi.