Matthew 6:31 - Syin Chin Bible

³¹ “Tua ahikom, ‘bang ka ne tu a, bang ka dawn tu? bang puan ka silh tu ziam?’ ci in thinngim heak vun.

Matthew 6:31 Iomraidhean Croise

2 Khangtaanghthu 25:9

Amaziah kumpipa in kamsaangpa tungah, “Tua ahile ka piaksa ngunnte theampo a thawthong suak tu ziam?” ci in dongh hi. Kamsaangpa in, “Tuasia sangin a tamzaw Topa in nang hong pia kik thei hi!” ci in zo kik hi.

Psalm Late 111:5

Ama a zaktate atu in ama in an pia hi; ama ii thuciam a mangil ngei bua hi.

Psalm Late 37:3

Topa muangin ngamtat pha ngamta vun; tua leitang tungah teangin ngammuang tavun.

Psalm Late 55:22

Na ngimna uh te Topa nusiat vun, tua hile ama in hong hung tu hi; ama in mihing thumaante bangma hunin lelna thuaksak ngeingawl hi.

Matthew 15:33

Nungzuite in, “Hi sennealngam sungah mihing hiza neakkhom tu an, koisung pan nga thong tu khu ziam?” ci uh hi.

Matthew 4:4

Ahihang Jesus in zo a, “Laithiangtho in, ‘Mihingte sia anluum bek taw nungta thei hi ngawl a, Pathian kam sung pan a pusuak kammal khat sim nuntak pui hi,’ ” ci hi.

Matthew 6:25

“Na nuntak thei natu in, an le tuite ahizong, na pumpi atu in puante ahizong, tuate huvau thintoi heak vun, kong ci sia hisia hang ahi hi. Nuntakna sia an sangin manpha zaw kana ngawl ziam? Pumpi sia puan sangin manpha zaw kana ngawl ziam?

Matthew 6:27

Note sung pan thinngimna taw na khan uh bekno khat beak sauzawsak thei natu nu ziam?

Luke 10:41

Topa in zo kik a, “Martha, Martha awng, Na tam mama tungah thinngim in buai ni hi.

Luke 12:11

“Synagogue mai ah ahizong, ngam uk maangte le hong ukte mai ah ahizong, thusit tu in hong kipaipui ciang noma bangbangin kihung tu a, bang teng pau tu ci in thinngim heak vun.

Luke 12:22

Tua zawkciang Jesus in a nungzuite munah, “Tua ahikom nuntak natu a kisamh ante atu ahizong, pumpi atu a kisamh puante atu ahizong, tuate huvau in, thinngim heak vun kong ci hi.

Luke 12:29

“Tua ahikom bang ka ne tu, bang ka dawn tu ci in thintoi heak vun.

Philippi te 4:6

Na khat pawpo atu in thinngim heak vun, ahihang na thungetna theampo ah na kisap uh te, Pathian tungah lungdamko nopna thin taw na ngen tawntung vun.

1 Peter 5:7

Ama in note hong thinnuam maw ahikom, na thinngimna theampo ama aap vun.