Matthew 6:25 - Syin Chin Bible

²⁵ “Na nuntak thei natu in, an le tuite ahizong, na pumpi atu in puante ahizong, tuate huvau thintoi heak vun, kong ci sia hisia hang ahi hi. Nuntakna sia an sangin manpha zaw kana ngawl ziam? Pumpi sia puan sangin manpha zaw kana ngawl ziam?

Matthew 6:25 Iomraidhean Croise

Psalm Late 55:22

Na ngimna uh te Topa nusiat vun, tua hile ama in hong hung tu hi; ama in mihing thumaante bangma hunin lelna thuaksak ngeingawl hi.

Jeremiah 45:5

Nang atu a tuam vilvel a hong kivawt natu zong na hi ziam? Zong heak in! Mihing nam buppi tungah siatna ka thengsak tu a, ahihang nang sia na paina po ah thi ngawlin na suakta valiai tu hi. Keima Topa in ka ci zo hi.”

Matthew 10:19

Amate in note thu kisit tu in hong aap ciangin, na pau tu uh le na pauzia tu uhte tungtaang ah thinngim heak vun; a hun hong thet ciangin na pau tu uhte hong kipia tu hi.

Matthew 13:22

Lingphung sung a thaicii taakte sia a thu a zate ma hi a, ahihang nuntak natu thinngim in, hau tu a uukte hi a, tuate in khulup ahikom a nga a hui a nei bua uh hi.

Matthew 6:31

“Tua ahikom, ‘bang ka ne tu a, bang ka dawn tu? bang puan ka silh tu ziam?’ ci in thinngim heak vun.

Matthew 6:34

Tua ahikom zing ciang atu in, thinngim heak vun; zing ciang in ama khom tu ma thinngimna nei tu hi. Ni sim hong piang thinngimnate belap kul ngawl hi.

Mark 13:11

Tuaciang no hong kiman a, zum mai ah hong kipaipui ciangin, na pau natu uhte thinngim khol heak vun; a hun hong thet ciangin, hong kihil babangin, na pau tu uh hi. Banghang ziam cile na kammal zak tu te sia no ii pau ahi buatu hi; Thaa Thiangtho kung panin hong pai hi tu hi.

Mark 4:19

Ahihang nuntakna tu thinngimna, hau nopna le a dang deinate in deapcip ahikom nga a nga thei bua uh hi.

Luke 12:11

“Synagogue mai ah ahizong, ngam uk maangte le hong ukte mai ah ahizong, thusit tu in hong kipaipui ciang noma bangbangin kihung tu a, bang teng pau tu ci in thinngim heak vun.

Luke 8:14

Ling kawm ah thaicii a tute sia a thu za a, ahizong thinngimna, hau nopna le leitung nopsaknate in khunel a, amate min hun a nei bua hi.

Romete 8:32

Pathian in hong langpan ngawl het tu hi. Ama in a Tapa takpi khoaikhe ngawlin, ei atu in hong pia hi! A Tapa ngawngawn hong pia ahile — na theampo a thongin hong pia ngawl tu ziam?

1 Corinth te 7:32

Thinngimna pan na suatak tu sia kong deisak hi. Zi nei ngawl khat in Topa nasepna thinbot hi, banghang ziam cile ama in Topa lungkim natu hanciam hi.

Philippi te 4:6

Na khat pawpo atu in thinngim heak vun, ahihang na thungetna theampo ah na kisap uh te, Pathian tungah lungdamko nopna thin taw na ngen tawntung vun.

2 Timothy 2:4

a seam lai ngalkap khat in, a mangpa diksak tu uuk a, khua mi thawthongte ii vai sungah kihel ngawl hi.

1 Peter 5:7

Ama in note hong thinnuam maw ahikom, na thinngimna theampo ama aap vun.