Matthew 6:24 - Syin Chin Bible

²⁴ “Kuama in to nii ii sal hi thei ngawl hi. Ama in khat ensan tu a, khat it tu hi; khat ii tungah thumaan tu a khat puavawk tu hi. Pathian le sum ii sal na seam khawm thei buatu hi.

Matthew 6:24 Iomraidhean Croise

Pianciilna 47:17

Tua ahiciang a ngannote Joseph kungah paipui uh a, ama in a siphute, a tuute, a kealte, a khuite le a laate thena in an pia hi. Tua kum in ama in a ngannote theampo a thena in an pia hi.

1 Kumpite 18:21

Elijah in mite kungah paito in, “Na thin uh na khensat natu in bang tanvei hai lai tu nu ziam? Topa sia Pathian ahile ama bia vun; ahihang Baal sia Pathian ahile bia vun!” ci hi. Ahihang mite in kam khat zongh pau ngawl uh hi.

2 Kumpite 17:41

Tua hi a, tua mite in Topa bia uh hi, ahihang amate ii a milimte zongh bia uh hi; tuni dong ma in a suan a paalte in tuabangin ngamta lai uh hi.

Ezekiel 20:39

Vaanglianpipa Topa in, “Tu in no Israel mite awng, noma lungkim babangin om vun! Na milimte ma bia tan tavun. Ahihang kidawm tavun a, hisia zawkciang ka thu nong nit uh kul tu a, na milim biakpiaknate taw ka min thiangtho na daisak uh kheal tu nu hi.

Zephaniah 1:5

Innkhum tungah kaato in, ni, tha, aksite a bia pawpo ka susia tu hi. Kei hong bia hong paai in, a thumaan tu in kiciam pia zo napi, a zawk ciang Molech pathian min suangin a kiciam theampo ka susia tu hi.

Matthew 4:10

Tuasia ciang Jesus in, “Satan awng, tai in! Laithiangtho in, ‘Na Topa Pathian bek bia vun a, Ama atu bek sepsak vun!’ ci hi,” a ci hi.

Luke 16:11

Tua ahile leitung haunate tungah na thumaan bua uh ahile hauna tatak ah bangbangin hong kimuang ngam tu ziam?

Luke 16:13

“Naseam khat po in to nii ii sila sepsak thei ngawl hi; ama in khat sia ensan tu a, khat it tu hi; khat tungah thumaan tu a, khat sia ngaimaw tu hi. No sia Pathian le sum ii sila, na seam khawm thei buatu hi,” ci hi.

Luke 16:9

Jesus in hi bang ci thua hi. “Kei kong cina pan: leitung haunate taw ngualtamh zong vun, tuaciang, tuasia a bo ciang tawntung inn ah no hong kisaang tu hi.

Galatia te 1:10

Hi bang a ka awsua sia mihingte ii diksak tu hi na sa uh ziam? Hi ngawl het hi! Pathian ii diksak tu bek ka deina hi! Mihingte maipha nga nuamin a hanciam ka hi ziam? Tuabangin hanciam lai ka hile Christ ii naseam khat ka hi buatu hi.

1 Timothy 6:17

Hi nuntakna sungah a kizangh nate hauna taw a kiphatsak ngawl natu, tuabang a kho ngawl haunate tungah lametna koi ngawlin, ih nopsak natu a, na theampo ngo takin hong pia Pathian tungah lametna koi vun ci in a haute tungah na hil in.

2 Timothy 4:10

Demas in hi leitung it zaw a, kei hong taisan zo hi. Thessalonica hong zot san hi. Crescens sia Galatia zuan hi, tuaciang Titus sia Dalmatia zuan hi.

James 4:4

Thumaan ngawl mihingte awng! Leitung ii ngualtamh ih hi le Pathian ii ngal ih hi hunlam he ngawl nu ziam? A kuama po leitung ngualtamh a suak nuam sia Pathian ii ngal suak nuam ahi hi.

Joshua 24:15

Ama na, na seam nuam bua uh le, tu ni in khensat vun, akua atu seam tu nu ziam, ih taanghpupite ii Mesopotamia ah a biak pathiante atu ziam maw, tu laitak na teenna leitang a nei Amor pathiante atu ziam? Ka innkuan puite le kei ka hi le Topa atu ka seam tu uh hi.”

1 Samuel 7:3

Samuel in Israel mite munah, “Na thinsung theampo taw Topa sangah na kihei tu uh le, ngamdang pathiante le Astarte numeipathian ii limte na vawk siat uh kul tu hi. Topa tungah noma le noma kipum aapna nei vun a, ama bek bia vun, tuaciang ama in Philistine te khut sung pan hong suatak tu hi,” ci hi.