Matthew 6:23 - Syin Chin Bible

²³ Tua ahikom na sungah a om khuavak sia khuazing hi thong le bangza in zingcip tu ziam?

Matthew 6:23 Iomraidhean Croise

Paunakte 26:12

A ciim ngawl khat ciim a kisa sia sangin, a mawmawbel khat phazaw lai hi.

Isaiah 8:20

Amate tungah, “Topa in no hong hilna thute ngai vun! Thaa sam theite thu ngai heak vun — amate hong son thute ngimna taw hong kipealsak thei ngawl tu hi,” ci in zo vun.

Jeremiah 4:22

Topa in, “Ka mite mawmaw uh hi; amate in kei hong he ngawl uh hi. Amate sia patang mawmawte bang hi uh a; tel theina bangma nei ngawl uh hi. Amate a sia vawt tu thiam a, a pha vawt thei ngawl uh hi,” ci hi.

Matthew 20:15

Keima sum tungtaang ah ka uuk bang po in, zeak thei natu thunei hi kana ngawl khi ziam? Ngo takin ka piakte banghangin eang nu ziam?’ ci in zo hi.”

Matthew 6:22

“Mittangte sia pumpi atu in meivak ahi hi. Na mittangte a ciidam le na pumpi khuavak taw kidim tu hi. Ahihang na mittangte a pha buale na pumpi khuazing sungah om tu hi.

Mark 7:22

nupa kipalngulna, duhopna, ngamtat siatna tuatuam; kitheamna, maizummawkna, ki enna, kingensiatna, kiphatsakna, le mawmawtna —

Luke 11:34

Na mittangte uh sia na pumpi atu meivak taw kibang hi. Na mittang uh a ciidam le, na pumpi uh sia khuavak taw kidim hi; ahizong na mittang uh a pha buale na pumpi bup uh sia khuazing sungah om tu hi.

Luke 8:10

ama ii a zo kikna pan, “Pathian ngam thu thuthukte heakna no tungah hong kipia zo hi. Ahizong ngualdang a tu in, sonteena taw kipia hi, amate in en napi in a mu thei ngawl, ngai napi in a tel thei ngawl natu in kivawt hi.

Romete 1:22

Amate ciim kisa ahihang mawmaw uh hi;

1 Corinth te 2:14

Tua Thaa a nei ngawl peuma in, Pathian Thaa kung pan hong pai thute a saang thei bua hi. Tuabang mihing khat in tua thute tel tatak ngawl hi; ama atu in tuate luithawthong thu ahi hi, banghang ziam cile thaa bulphuna taw bekin a man neina kikhentel thei ahihang hi.

Ephesus te 4:18

amate thinsung sia khuazingcip hi. Pathian piak nuntak ziate sungah amate atu bangma om ngawl hi, banghang ziam cile amate in heakna nei ngawlin a thin uh pui hi.

Ephesus te 5:8

Noma mama zongh khuazing sungah om ngei na hi uh hang Topa mihingte na sua uh ciangin, khuavak sungah na om uh hi. Tua ahiciang khuavak ii neisa mihingte bangin na nungta tavun,

1 John 2:11

Ahihang a suapuipa a ensan khat pawpo sia khuazing sungah om ahi hi; ama khuazing sungah lampai a, khuazing in a mit tawsak ahikom, a zot natu he ngawl hi.