Matthew 6:21 - Syin Chin Bible

²¹ Banghang ziam cile na neisate omna munah na thin na lung uh om tu hi.

Matthew 6:21 Iomraidhean Croise

Paunakte 4:23

Na khua ngaisut dan kidawm in; na nuntakzia sia na khua ngaisutna in zeam hi.

Isaiah 33:6

ngam bup kikhealna om ngawlin khosak tu hi. Ama in a mite sungsia tawntungin, ciimna le heakna pia tu hi. A nei lianbel uh sia Topa a thasiana uh ahi hi.

Jeremiah 22:17

Ahihang nang sia nangma kaangsung tu bek na mu thei hi; a mawbaang ngawlte na thatlum a na mite nasia takin na zawthawk vawt hi. Topa in ci zo hi.

Jeremiah 4:14

Jerusalem awng, na thinsung panin ngitlona silthiang in, tua hile nang hong kingum thei tu hi. Na thinsung ah maw nopna thin bang tanvei ngaisun tu ni ziam?

Matthew 12:34

No ngul ngilo suante awng — mihing ngilote na hi uh ciang, bangbangin thupha son thei tu nu ziam? Banghang ziam cile thinsung pan a, a dimleet teng sia kam panin kipau ahi hi.

Matthew 6:22

“Mittangte sia pumpi atu in meivak ahi hi. Na mittangte a ciidam le na pumpi khuavak taw kidim tu hi. Ahihang na mittangte a pha buale na pumpi khuazing sungah om tu hi.

Luke 12:34

Banghang ziam cile na sum na paai omna munah, na thin na lung uh zongh om tu hi.

Sawltakte 8:21

Nang in kote nasepna taw kisai nawn ngawl ni hi, banghang ziam cile, Pathian muna ah na thin maan ngawl hi.

2 Corinth te 4:18

A kimu thei nate mitsuan ka hi bua uh a, a kimu thei ngawl nate hizaw hi. A kimu theite sia tawmvei sung bek kikhom a, a kimu thei ngawlte sia a tawntungin kikhom hi.

Philemon 1:19

Hi sungah keima khut tatak taw ma in lai hong at tu khi hi: Keima Paul in, kong lo kik vateei tu hi. (A tatakin ci leang, nangma pumpi mama kei tungah hong ba nginge na hi sia, kong phawsak tu kul ngawl hi.)

Philemon 1:3

Ih Pa Pathian le ih Topa Jesus Christ in thuthiamna le thinnopna hong pia tahen.

Hebrew te 3:12

Ka thu uppuite awng, a nungta Pathian kung pan na lampial ngawl natu in, no sungah kuama peuma in ngitlona thinsung le up ngawlna thin na nei ngawl natu in kidawm tavun.