Matthew 6:20 - Syin Chin Bible

²⁰ Tua hi zaw ngawlin, na nei na lamh uhte, nget neak thei ngawl, eakseau thei ngawl ngutate in phuul a, a nguk thei ngawlna, vantung ah na khol vun.

Matthew 6:20 Iomraidhean Croise

Isaiah 33:6

ngam bup kikhealna om ngawlin khosak tu hi. Ama in a mite sungsia tawntungin, ciimna le heakna pia tu hi. A nei lianbel uh sia Topa a thasiana uh ahi hi.

Matthew 19:21

Jesus in ama munah, “Na cialcing nuam le, va pai ta'n a, na neisa theampo zuak in, sum na nga teng a zawngte pia ta'n, tua hile vantung ah na hau tu hi; tua zawkciang ka nung hong zui ta'n,” ci hi.

Matthew 6:19

“Na nei na lamh uhte, nget ii neak tu, a eakseau tu le ngutate in phuul a, a nguk theina, leitung ah noma atu in khol heak vun.

Mark 10:21

Jesus in ama itna taw en in, “Na kisap khat bek om lai hi. Va pai ta'n a na neisa theampo zuakin, na sum nga teng mizawngte pia ta'n; tuasia ciang vantung ah hauna na nei tu hi; tua zawkciang hong pai ta'n a, ka nung hong zui ta'n,” ci hi.

Luke 12:33

Na neisa theampo zuak vun a, na nga uh sumte a zawngte pia vun. Na hauna uh sia van ah na khol vun, tua munah a man sulh ngeingawl tu hi. Banghang ziam cile tua munah ngutate in ngu thei ngawl a, nget in ne thei ngawl hi.

Luke 18:22

Jesus in hi thu a zaak ciangin ama tungah, “Na khat nasep tu kisamh lai ni hi. Na neisa teng zuakin a, na sum nga teng a zawngte pia in, tua hile vantung ah hauna na nei tu hi; tua zawkciangin hong pai ta'n a, ka nung hong zui ta'n,” ci hi.

1 Timothy 6:17

Hi nuntakna sungah a kizangh nate hauna taw a kiphatsak ngawl natu, tuabang a kho ngawl haunate tungah lametna koi ngawlin, ih nopsak natu a, na theampo ngo takin hong pia Pathian tungah lametna koi vun ci in a haute tungah na hil in.

1 Timothy 6:19

Tu bangin maisang ah a kip doppha khat a suak tu sumngumte amate atu in a khol tu uh hi. Tua hile amate in nuntakna maan tatak a nei zo hong hi tu hi.

Hebrew te 10:34

Thongtaakte na thuakpui uh a, na neisa theampo hong kimatsak ciangin, tua supna sia lungdam takin na thuak uh hi, banghang ziam cile a tawntung a, a kikhomsuan tu, a phazaw pek khat, nei nginge lai na hi uh sia na he uh hi.

Hebrew te 11:26

Ama in Messiah hangin huasaakna a thuak tu sia, Egypt ngam ii hauna theampo sangin, kimanh zaw pek sa hi, banghang ziam cile ama in maisang thaman a saan pheang lai tu te mitsuan hi.

James 2:5

Hong ngai tavun, ka it suapuite awng! Pathian in hi leitung ah mizawngte sia, upna sungah a hau tu le ama a itte atu kamciam a piak kumpi ngam a lua tu in teal zo hi.

1 Peter 1:4

tua ahikom a mite atu Pathian ii a koi, a thupha tam mamate a nei tu in ih kilamen hi. Ama in note atu in tua thuphate vantung ah keam a, tua munah muat thei ngawl, lal thei ngawl le vul thei ngawlin om hi.

1 Peter 5:4

Tuaciang Tuucing Pipa hong kilangh ciangin, a taanna a bo ngeingawl tu minthanna lukhu na saang tu uh hi.

Thupualaakna 2:9

Na ngimna teng kong he hi; zawng hi ci in kong he hi — ahihang a tatak sia hau nu hi! Jew te khu hi a ci theamte ii no hong siatsonnate ka he hi; amate sia Satan ii neisa honkhat ahi uh hi.