Matthew 6:2 - Syin Chin Bible

² “Mihing cimaw khat huna na nei uh ciangin, mihing a kihitheamsakte in lampi liante tung le biakna innte ah a vawt uh bangin, pokngaina taw vawt heak vun. Amate ahile, mihingte pok tu thangai in tuabangin ngamta hi. A tatakin ka ci ciang, amate ii a thaman uh a cing takin kipia zo hi.

Matthew 6:2 Iomraidhean Croise

Psalm Late 112:9

A kitaangsamhte tungah ama in ngo takin pia a, ama ii cikna thiamna sia bo ngeingawl hi; ama thahat tu a, kizakta tu hi.

Psalm Late 37:21

Mihing seksolte in leitoai in, lo kik ngeingawl a, ahihang mihing phate in ngo takin pia hi.

Paunakte 19:17

A zawngte tungah na piak ciangin Topa tungah pukthaak bang hi a, Topa in hong lo kik tu hi.

Paunakte 20:6

Mihing theampo in bangza thumaanin citak khi ziam ci thei tek uh hi, ahihang tuabang ahi takpi mihing ih mu zo tu ziam!

Thuhilsya 11:2

Na sumte mun tuatuam ah koi in a — mun tam mama ah sum vawt in — banghang ziam cile hi leitung ah bang kaamsiatna thuak tu ci sia na he bua hi.

Isaiah 10:6

Kei hong thin uuksak mite ahi Pathian sel minam khat a sim tu in Assyria ka puak hi. Keima in amate sia vanh suttol tu, vanh ngu tu le lampi tung a leivui bangin mite tuanhcil tu in ka sawl hi,” ci hi.

Isaiah 58:7

Ngilkialte na an uh hawm vun a, inn nei ngawl mizawngte atu in na inn uh hon vun. Puan silh tu a nei ngawl mite puan pia vun a, na beete na hu thada heak vun.

Isaiah 9:17

Tua ahiciang Topa in tangvalte khat zongh suaktasak ngawl tu a, meingongte le tangate khat zongh hesuak ngawl tu hi, banghang ziam cile mihing theampo in Pathian sel a, seksol in kamsia nawno pau uh hi. Tua hang zongin Topa thin uukna thai zo ngawl a, daan pia tu in a khut kivaan lai tu hi.

Hosea 8:1

Topa in, “Patau daak tum vun! Ngalte muvanlai bangin ka ngam sungah hong suktun hi! Ka mite in amate taw ka vawt thuciamna paltan a, ka hilna langpan hi.

Matthew 15:7

No a kihitheamsakte awng! no huvau Isaiah ii sonkholnate bangza in maan ziam!

Matthew 16:3

Tuaciang zingtuung in ‘Van san a, niim ahikom nguazu vak’ na ci uh hi. Van en in khuahunte sonkhol thei nu hi, ahihang hi hunte taw kisai in limte na khia thei bua uh hi!

Matthew 22:18

Ahihang Jesus in amate thinsung ah, thusia a sawmna, he ahikom, “A kihitheamsakte awng! banghangin hong aitaa nu ziam?

Matthew 23:5

Mihingte mu tu in amate in na theampo seam uh hi. Amate talki tung le a baante tungah laithiangtho kammal a ki at savun pheakte bangza in beak ziam, en vun! A laktong puasilh mong a teapkaaite zongh bangza in sausak ziam!

Matthew 23:6

Poai sungah amate tona a nuambelte tungah ahizong, synagogue sungah a kikhaam sa tonate tungah ahizong amate in to nuam saap a;

Matthew 24:51

A topa in ama sia nasia takin ngim pia tu a, a kihitheamsakte ii thuak tu teng thuaksak tu hi. Tua munah ama sia kap in ha ngoai tu hi,” ci hi.

Matthew 5:18

Na theampo ii tawp natu a khuangkhim mateng, simlei le vanpi a kip laiteng, thukham sung a thu nobel khat zongh a bo thong buatu hi.

Matthew 6:16

“Tuaciang, an na tan uh ciang, a kihisak theamte bangin maikhingin om heak vun. Amate sia a antan hunlam uh ngual heak tu in kipua ngawl lui in om hi. A tatakin ka ci ciang, amate in a thaman uh a cing takin a kipiasa ahi hi.

Matthew 6:3

Ahihang a cimaw khat na hu uh ciangin, na lawm phabel khat zongh in hesak heak vun.

Matthew 6:5

“Thu na nget uh ciangin a kihisak mihingte bangin ngen heak vun! Amate lamkaa khawng le biakna innte ah ngual mu tu in ding a thungen thanuam uh hi. A tatakin ka ci ciang, amate a thaman uh a cing takin kipia zo ahi hi.

Matthew 7:5

No a kihisak minamte awng! Noma mittang sungah thingluang sia la keak phot vun, tua hile na suapuipa mittang sung ninteak sia na laak thei natu in, thiang takin na mu thei tu uh hi.

Mark 12:39

synagogue sungah a kikoituam tokhumte le poai sungah a nuambel na munah to thanuam uh hi,

Mark 7:6

Jesus in a zo kikna ah, “Isaiah in note thu a sonkholna bangza in maan ziam! A kihitheamsak minamte awng, ama in hi bangin at hi: ‘Pathian in, hi mite in a kammal bek uh taw, kei zatakna hong pia uh hi, ahihang a thinsung uh kei taw kikhuala uh hi.

Luke 11:41

Ahihang na kuang le na haite ii sung a omte sia a zawngte pia le uhte no atu in na theampo sia zeksa huvau in thiang tu hi.

Luke 11:43

“No Phariseete atu in, bangza in lauhuai ziam! Synagogue sungah a kikhealsia tokhumte na thangai uh a, vanh zuakna munah kizatak piaknate dik na sa uh hi.

Luke 12:33

Na neisa theampo zuak vun a, na nga uh sumte a zawngte pia vun. Na hauna uh sia van ah na khol vun, tua munah a man sulh ngeingawl tu hi. Banghang ziam cile tua munah ngutate in ngu thei ngawl a, nget in ne thei ngawl hi.

Luke 12:56

A kihisak theamte awng! van le lei en in khuahunte na sonkhol thei uh hi; tua ahile banghangin tu hun ii a khiakna tel ngawl nu ziam?

Luke 13:15

Topa in zo a, “No mihing a kihitheamsakte awng! No sungah khat pawpo in, Sabbath ni in na khuital ahizong, na laa uh ahizong, tui pia tu in, a buk sung panin, pusua hi ngawl nu ziam?

Luke 20:46

“Thukham hil syate panin kikeam tavun, amate puantual silh in, vak nuam a, vanhzuakna munah ngual ii zatak tu thangai hi; amate in synagogue te sungah a kikhaam kholsa tona ah to tha nuam uh a, anneak poaite ah mun phabelna ah to nuam hi.

Luke 6:24

“Ahizong tu laitak no a haute atu in bangza in lauhuai ziam; no sia a nuam a nungta sa hi zo nu hi!

Luke 6:42

Na suapuipa munah, ‘Suapui awng nong hesuakna in, na mittang sungah ninteak sia hong laakkeaksak tong,’ na ci hang, nangma mittang sung a thingluang sia zongh mu thei ngawl hi ngawl ni ziam? No a kihitheamsakte awng! A masa phit in noma mittang sung a thingluang sia lakeak phot vun, tuasia zawkciangin na suapuipa mittang sung pan ninteak sia na laak thei natu in, a thiang takin, na mu thei tu uh hi.

John 13:29

Judas sia sum ip keampa ahikom poai sungah amate kisap tu vanhte, tua ahibuale a zawngte bang khat po a piak tu vanhte lei a sawl ziam, hi tu hi ci in nungzuite pawlkhat in ngaisun uh hi.

John 5:41

“Keima in mihingte ii pokna a zong hi ngawl khi hi.

John 5:44

No khat le khat kipok tu na thangai uh hi, ahihang khat bek ahi Pathian tung pan pokna nga tu na hanciam bua uh hi; tua ahile bangbangin kei hong um thei tu nu ziam?

John 7:18

Ama aituam thuneina taw a paupa sia, ama atu bek minthanna nga nuam a hanciam ahi hi. Ahihang a sawlpa ii minthan natu a deisakpa sia thumaan a, ama sungah leilot thu a om bua hi.

Sawltakte 10:2

Ama sia biakna kin khat hi; ama le a innkuan bupin Pathian bia uh hi. Ama in Jew mizawngte a hu thei za in hu a, tuaciang tatsat ngawlin Pathian tungah thungen hi.

Sawltakte 10:31

‘Cornelius awng! Pathian in na thungetna hong za a, ngual na hu thongna teng hong musak zo hi.

Sawltakte 10:4

Ama in launa taw vangtunglalang sia salh a, “Topa awng, bang ziam?” ci hi. Vantunglalang in, “Pathian in na thungetna le, a zawngte na hunate hangin lungdam a, na thunget na te uh hong zo tu kithoai hi.

Sawltakte 11:29

Nungzuite in amate hi zawk zaza tek, Judea ngam ah a teang a thu up puite atu a neisate puak tu in, khensat uh hi.

Sawltakte 24:17

“Kum tam mama sung Jerusalem ka nusiat zawkciang, ka mite kungah sum pawlkhat kengin, sangaw biakpiakna vawt tu in, tua munah ka pai hi.

Sawltakte 9:36

Joppa khua ah Tabitha kici numei khat om a, ama sia thu um khat ahi hi. (Ama ii Greek min sia Dorcas hi a, “sangai khat” cinopna hi) Ama in a hun nei theampo thupha vawtna le, a zawngte huna in zangh hi.

Romete 12:8

Ngual hanthot natu ahile tuabang ma in ih seam tu hi. A neisa ngual a hawmte in ngo takin hawm tu hi. Thuneina neite in nasep hanciam tahen a, ngual tungah cikna le thiamna a zanghte in maitai takin zangh tu hi.

1 Corinth te 13:3

Ka neisa na theampo pia siatin, ka pumpi ngawngawn a kihallum tu dongin, ka piak hial hangin, itna ka nei buale, hite in kei atu bangma phatna hong pia bua hi.

Galatia te 2:10

Amate hong nget thu khat sia amate pawl sungah, a cimawte ka phaw pui natu hi a, tua thu in sep tu ka lawp thu tatak ahi hi.

Ephesus te 4:28

Ngual neisa a suttol thei sia in sutolna kheal tahen a, ama nuntak natu a thalaw natu le a zawngte a hu thei natu in, naseam tahen.

1 Thessalonica te 2:6

No tung pan hikale, ngualdangte tung pan hikale, kuama tung pan pokna nga tu in ka hanciam bua uh hi,

1 Timothy 6:18

Nasep pha te hau a, a pha ngamtatna nei in, a sep natu, ngo takin midangte na a hop nop natu hil in.

Philemon 1:7

Suapui awng, nong itna in, kei atu lungdamna lianpi le hanthotna tam ma hong pia hi! Pathian ii mihingte theampo ii thin nong nuamsak hi.

Hebrew te 13:16

Na pha sep tu le khat le khat kihu tu sia, na mangil heak vun, banghang ziam cile hite sia Pathian a lungkimsak ih kipumpiak biakpiakna ahi hi.

1 Peter 4:11

Thuhil pawpo in Pathian ii ngupna thute hil nanak tahen a; na theampo ah Jesus Christ tungtawnin Pathian tungah pokna a kipiak thei natu in, na a seam pawpo in Pathian piak thangui thatang taw seam nanak tahen, tua Pathian tungah minthanna le vaangletna a tawntung a tawntungin om tahen. Amen.

1 Samuel 15:30

Saul in, “Keima maw zo khi hi. Ahihang ka mite ii lampuite le Israel theampo ii mai ah zatakna beak hong lak ta'n. Keima taw hong heak kik ta'n a, Topa na Pathian ka biak thei natu hong hi ta'n,” ci in zo kik hi.