Matthew 6:16 - Syin Chin Bible

¹⁶ “Tuaciang, an na tan uh ciang, a kihisak theamte bangin maikhingin om heak vun. Amate sia a antan hunlam uh ngual heak tu in kipua ngawl lui in om hi. A tatakin ka ci ciang, amate in a thaman uh a cing takin a kipiasa ahi hi.

Matthew 6:16 Iomraidhean Croise

2 Samuel 12:16

David in a ta dam natu Pathian tungah thu ngen hi. Ama in bangma ne nuam ngawl a, zan simin ama ii inndoi sungah pai in suat tungah lum hi.

2 Samuel 12:21

Ama uliante in ama munah, “Hi thu sia tel zo ngawl khu hi. Tano luhai lai in ama na kaa a, an na ne bua hi; ahihang a thi po ciang thoto in an na ne hi!” ci uh hi.

1 Kumpite 21:27

Elijah ii a pau tu teng a man ciang Ahab in a puansilh lai te baltham in, suut a, khau-ip puan silh hi. Ama in an ne ngawlin khau-ippuan te taw lum a, mainuu in thin lalin vavak hi.

Nehemiah 1:4

Hi thu teng ka zaak ciang to suk in ka kap hi. Ni tam mama khuangai in ka mau a an ka ne bua hi. Pathian tungah thu ka ngen a,

Esther 4:16

“Pai in a, Susa khuapi sungah a om Jew mi theampo khawm in; antang in kei atu thu hong ngetsak tavun. Sun thum le zan thum sung an ahizong tui ahizong bangma ne heak vun. Ka khangmoi numeite le keima zongh tuabang ma in ka na vawt tu uh hi. Tua zawkciang, upadi bang ahibuatazong kumpipa kungah ka pai tu hi. Tuabang ka pai hu in ka thi a kul le zong a thi ka hi tu hi” ci hi.

Psalm Late 109:24

Anneak kisap hu in ka khupte huang hi; keima in vun le ngu bek taw ka om hi.

Psalm Late 35:13

Ahihang amate a ciinat uh ciangin khau-ip puan silhin ka heena taw an ka tang a,

Psalm Late 69:10

An tanna taw keima le keima kiniamkhiak in ka om ciang, mihingte in hong phunsan hi;

Daniel 9:3

An ka tang a, khau-ip puan silhin vut sungah to in, Topa Pathian tungah hesuak ngenin nasia tak thu ka ngen hi.

Malachi 3:14

Note in, ‘Pathian na ih sep sia a luithawthong hi. Ama ci bangin ih sep hangin bang kimanna om a, ih sepna sate huvau Vaanglianbelpa Topa mai ah khuangaina ih lak nop hangin bang phat tuamna om ziam?

Matthew 6:1

“Biakpiak vaipuakte na sep uh ciangin, mihon ii hong mu tu in, ngual sungah vawt heak vun. Tuabangin ngual sungah na vawt uh le, vantung a na Pa kung pan, thaman khat zongh na nga buatu hi.

Matthew 6:2

“Mihing cimaw khat huna na nei uh ciangin, mihing a kihitheamsakte in lampi liante tung le biakna innte ah a vawt uh bangin, pokngaina taw vawt heak vun. Amate ahile, mihingte pok tu thangai in tuabangin ngamta hi. A tatakin ka ci ciang, amate ii a thaman uh a cing takin kipia zo hi.

Matthew 6:5

“Thu na nget uh ciangin a kihisak mihingte bangin ngen heak vun! Amate lamkaa khawng le biakna innte ah ngual mu tu in ding a thungen thanuam uh hi. A tatakin ka ci ciang, amate a thaman uh a cing takin kipia zo ahi hi.

Mark 2:18

Hun khat lai in, Tuiphumpa John ii nungzuite le Phariseete an tang uh hi. Mihing pawlkhat Jesus kungah hong pai a, “Banghangin Tuiphumpa John nungzuite le Phariseete nungzuite in an tang a, na nungzuite in, banghangin an tang ngawl ziam?” ci in Jesus dongh uh hi.

Luke 18:12

Nipi khat sungah ni nii an ka tang a, ka nga sung panin, see sawm sua see khat nang kong pia hi,’ ci in thungen hi.

Sawltakte 10:30

Cornelius in, “Tu nung ni thum lai tubang hun nitak nai thum hun khawngin ka inn ah thu ka ngen hi. Thakhat thu in a tee vakil puan a silh pasal khat ka mai ah hong ding a,

Sawltakte 14:23

Amate in pawlpi sim ah pawlpi upate tealin koi uh a, thungetna le an tanna taw amate ii muan ahi Topa tungah tua upate aap uh hi.

1 Corinth te 7:5

Hun khat sung thungetna in hun na zak thei natu uh thukimna nei masa na hi bua na uh le, khat le khat na kinial heak vun; ahihang tua zawkciangin nupa ngeinate zom kik vun. Hi bangin hi le uhte pumpi kitek laakna hangin, a piang Satan ze etna na lel natu uh pan kikeam zo tu nu hi.

2 Corinth te 11:27

Nasep thil vawt kitatsat ngawl a, mut ka nga ngawl hun tamvei mama hi; ka ngilkial hun le ka dangko hun om a; an ngina ka neak ngawl hun, belh tu nei ngawlin, puansilh ka nei ngawl hun tam pheivei hi.

2 Corinth te 6:5

Kote sia hong kivel a, thong sungah hong khumin, hong vawtsia uh hi; naseam leilam in, mu ngawlin, an ne ngawlin ka om uh hi.