Matthew 6:13 - Syin Chin Bible

¹³ Ze etna haksa hong thuaksak heak in a, Ngilopa ii khutsung pan hong tan ta in. Uk zawkna, vaangletna le minthanna Nang aa hi tawntung tahen, Amen.

Matthew 6:13 Iomraidhean Croise

Pianciilna 22:1

Hun khat zawkciang Pathian in Abraham ze et a; “Abraham awng!” ci in sam hi. Tuasia ciang Abraham in, “Hi khi hi, keima hi sungah om ing,” ci in zo hi.

1 Kumpite 1:36

Benaiah in, “Na dei bangin ka seam tu hi, tuaciangin Topa in hong kipsak tahen.

1 Khangtaanghthu 16:36

Israel te ii Pathian Topa pok vun! Tu le a tawntungin ama pok vun! Tuasia ciang mi theampo in, “Amen,” ci in Topa pok uh hi.

1 Khangtaanghthu 29:11

Nangma sia a lian, a vaanglian, a minthang, a lamdang le a tuanngen na hi hi. Leitung vantung ah a om theampo nangma aa hi a, nangma kumpi na hi a, tuate theampo a ukpipa na hi hi.

1 Khangtaanghthu 4:10

Ahihang Jabez in Israel te ii Pathian tungah thungen in, “Pathian awng, thupha hong pia ta'n a, ngam zai khat hong pia ta'n. Hong ompui ta'n a kei hong nasak thei tu siatna khat pawpo pan hong keam ta'n,” ci hi. A thunget bangin Pathian in pia hi.

Psalm Late 10:16

Topa in a tawntung a tawntungin kumpipa ahi hi; pathian dang a biate sia ama ii leitang tung panin mong tu hi.

Psalm Late 106:48

Israel te ii Pathian, Topa pok vun; tu le a tawntungin ama pok vun! A kuama theampo in “Amen!” ci tahen. Topa pok vun!

Psalm Late 22:28

Topa sia kumpipa hi a, ama in ngam theampo uk hi.

Psalm Late 41:13

Israel te ii Pathian Topa pok vun! Tu le a tawntungin pok vun! Amen! Amen!

Psalm Late 47:2

Topa a Saangbel Pa sia kiitak tu ahi hi; Ama in leitung theampo a uk kumpilian pa ahi hi.

Psalm Late 47:7

Pathian in leitung theampo ii kumpipa ahi hi; lasaknate taw ama pok vun.

Psalm Late 72:19

Ama min tuanngen sia a tawntungin pok vun! Ama ii minthanna in leitung bup ah dim tahen. Amen! Amen!

Psalm Late 89:52

A tawntungin Topa pok vun! Amen! Amen!.

Pusuana 15:18

Topa awng, nangma sia a tawntung le a tawntungin kumpi na hi tu hi.”

Paunakte 30:8

leilot ngawl natu in hong keamcing ta'n, tuaciang hau le hong hausak heak in a, zawng le hong zawngsak heak in. Tua ahikom an ka taangsap za bek hong pia ka po in.

Jeremiah 15:21

Mi seksolte le mi ngoltolte ii khut sung panin nang kong suatak tu hi. Keima, Topa in kong son hi,” ci in hong zo kik hi.

Jeremiah 28:6

“Lamdang hi! Topa in hisia seam tu in lamen khi hi! Topa in na sonkholna sia taangtungsak tu a, thongtaakte bangin a kikai mihing theampo le Biakinnpi sum le vanh manpha vanh manphate theampo Babylon panin hong ciapui kik tu hi ci in ka um takpi hi.

Daniel 4:25

Mihing huamsung panin hong kihawlkeak tu a, ngamsate taw na teang khawm tu hi. Khuital khat bangin kum sali sung lopa ne in lozau sungah zan na ngiak tu a, na tungah daaitui hong kia tu hi. Tuaciang Lianbel Pathian in mihing kumpi ngamte uk a, tuate sia ama ii teal khat pawpo pia thei hi ci sia na saang tu hi.

Daniel 7:18

Tuaciang Lianbel Pathian ii mihingte in kumpi vaangletna nga tu a, a tawntung a tawntungin keam tu uh hi,” hong ci hi.

Mi Simna 5:22

Hi tui na ngil sungah tum a, na ngil khangin, na numei thilte kinsak hen” ci in kiciamna vawtsak tu hi. Tua numei in, “Ka thukim hi; Topa in tuabang vawt tahen,” ci kik tu hi.

Matthew 26:41

Na na ngak kenkon vun a, ze etna sungah na taaksuk ngawl natu in, thu na ngen vun. Thinsung in uukna nei ahihang, pumpi sia thazawm hi,” ci hi.

Matthew 28:20

tuaciang ka thu piakte theampo a zui natu hil tavun. Tuaciang hun bo dongin note taw kong omkhawm tawntung tu hi,” ci hi.

Matthew 5:37

A hite ‘Hi’ ma ci vun, ahi ngawlte ‘Hi ngawl’ ma ci vun — tua tungsia pauna sia Ngilopa kung pan hong pai ahi hi.

Matthew 6:10

na Kumpingam hong piang tahen; Vantung ah na deina a kicin bangin Leitung ah kicing tahen.

John 17:15

Hi leitung panin amate na laak natu in, kong ngen bua hi, ahihang Ngilo Pa khut sung pan na kepcing natu in kong ngen hi.

1 Corinth te 10:13

Ze etna na thuaksa uh theampo sia mihingte tungah a tung bul thute ahi hi. Ahihang Pathian in a kamciam kholet hi, tuaciang ama in a kipin na om thei natu note thuak zawk ngawl tu ze etna hong thuaksak ngawl tu hi; hong kize et ciangin zongh thuak zawk thahatna hong pia tu a, na suatak natu lampi khat hong hon tu hi.

1 Corinth te 14:16

Pathian tungah lungdam na ko ciangin thaa bek taw na ko le, kikhopna sungah a kihel mihing thawthong khat in, nang lungdamko thungetna sia “Amen” bangbangin hong ci pui thei tu ziam? Ama in nang pauna teng a tel thei natu thu om ngawl hi.

2 Corinth te 1:20

Banghang ziam cile, Pathian kamciam theampo tungah “Hi” a ci pa ahi hi. Hi thu hangin Jesus Christ tungtawnin, Pathian minthanna ah “Amen” ka ci uh hi.

Galatia te 1:4

Tu a hunpha ngawl sia panin ih suatak natu in ih Pa Pathian ii deina a zuina taw, Christ in eite ii mawna hangin ama le ama hong kipia hi.

Thuhil kikna 8:16

Sennealngam sungah na taanghpupite ii a neak ngeingawl uh ahi manna sia na neak tu in hong pia hi. Ama in a khak sangah thupha hong piak thei natu in haksatnate taw hong ze et hi.

Thuhil kikna 8:2

A bosa kum sawmli sung Topa na Pathian in sennealngam hong kaantan pui in, hi khual khuala hong hawsak a, hong thupiakte zui nuam ziam, zui nuam ngawl ziam ci in, na thinsung na ngaisutnate he nuamin haksatna hong tunsaknate phawk vun.

1 Thessalonica te 1:10

hong tung tu Pathian thin uukna pan hong suatak, ama ii thina pan a thawsak, vantung pan hong pai tu — ama Tapa Jesus ngak tu in na om uh thute son hi.

2 Thessalonica te 3:3

Ahihang Topa sia thumaan a, ama in note A Ngilopa kung pan hong keamcingin hong thahatsak tu hi.

1 Timothy 1:17

Ama bek Pathian ahi a thi thei ngawl, a kimu thei ngawl Tawntung Kumpipa tungah patoaina le minthanna a tawntung a tawntungin om tahen! Amen.

Hebrew te 11:36

Pawlkhat sia kiselno in kivel a, pawlkhat sia thikkol kibulin, thong sungah kikhum hi.

1 Peter 5:8

Pilvang vun a, encik vilvel vun! Na ngalpa Doaimangpa sia a valhlup tu khat po zong a, a hawk tawpi taw kibangin, na kiimkot ah hong vak kawkoai hi.

2 Peter 2:9

Tua ahikom Topa in Pathian ii dei bang a nungtate, haksatnate pan bangbang suatak tu ci thu, mihing seksolte Thukhenna Ni ciang bangbang daan thuaksak tu ci sia le

1 John 3:8

A kuama po mawna vawt a zom suakte sia Doaimangpa ii neisa ahi hi, banghang ziam cile a kipat pan ma, Doaimangpa in mawna vawt zo hi. Tua hang ma in Doaimangpa ngamtatna teng a susia tu tatak ma in Pathian Tapa hong kilangh hi.

Thupualaakna 1:18

Keima in a nungta pa ka hi hi! Keima sia ka thi zo a, ahihang tu in a tawntung a tawntungin, ka nungta hi. Thina le mithite khua ka uk hi.

Thupualaakna 19:1

Hisia zawkciangin, vantung a mihonte auna bang khat ka za hi. “Pathian pok vun! Ngupna, minthanna, vaangletna Pathian neisa ahi hi!

Thupualaakna 19:4

Upa kul le li le nganhing nungta li teng sia bokin kumpi tokhum tungah a to Pathian bia uh hi. Amate in, “Amen! Pathian Pok vun!” ci uh hi.

Thupualaakna 2:10

Na thuak lai tute a bang po ahizong, lau heak vun. Ngai vun! Doaimangpa in note hong ze etna in, pawlkhat thonginn sung denna in hong nei tu a, na ngimna uh sia ni sawm sung teng hi tu hi. Thi tu keak a kul zong kei tungah hong thumaan tavun, tua hile nuntakna sia zawna tel in kong pia tu hi.

Thupualaakna 21:4

Amate mittang sung pan, thitui theampo nawlsak tu hi. Thina, heena, kaana le natnate a om nawn buatu hi. A luisa na theampo bomang zo hi,” ci hi.

Thupualaakna 3:10

Thuak kenkon natu kong thupiakte, keamcing na hi uh komin, leitung bup mihingte ze et tu in, ngimna hong pai ciang, note zongh kong keamcing tu hi.

Thupualaakna 3:14

“Laodicea pawlpi ii vantunglalang tungah hi bangin lai at in: “Hisia in Pathian ii bitphua sa theampo ii pian kipatna, a maan tetti, a thumaan Amen ii hong kam vaithak ahi hi.

Thupualaakna 5:13

Tuaciangin vantung, leitung, leinuai, tuipi sung — vaannuai ah nuntakna a nei theampo in hi bangin la a sak ka za hi: “Kumpi tokhum tungah a to pa le Tuuno tungah pokna, upatna, minthanna le thahatna a tawntung a tawntungin om tahen!”