Matthew 6:10 - Syin Chin Bible

¹⁰ na Kumpingam hong piang tahen; Vantung ah na deina a kicin bangin Leitung ah kicing tahen.

Matthew 6:10 Iomraidhean Croise

Nehemiah 9:6

Tua zawkciang Israel mite in hi bangin thungen uh hi. “Topa awng, nangma bek Topa na hi a; Vantungte le van a aksite na vawt hi. Lei le tuipi le a sungah, na theampo na piangsak a; nuntakna na pia siat hi. Vantung ah a vaangnei theampote in kun a nang hong bia uh hi.

Psalm Late 2:6

Ama in “Ka mual thiangtho Zion ah ka kumpipa ka koi zo hi,” ci hi.

Psalm Late 40:8

Na deina bangin sep tu sia bangza in uuk khi ziam, ka Pathian awng! Nong hilnate ka thinsung ah ka keam hi,” ci in ka zo hi.

Isaiah 2:2

Maisang hunin Biakinnpi dinna mun ahi, hi mual in mual theampo sung pan a saangbel hi tu a, mualno theampo tungah dokto tu hi. Tua munah minam tam mama kikaikhawmin hong pai ngeingui tu a,

Jeremiah 23:5

Topa in, “David suan a thumaan khat kumpi tu in ka teal tu hun hong theng tu hi. Tua kumpipa in ciimna taw ngam uk tu a thumaan thutang sia seam in a ngam buppi uk tu hi.

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Daniel 4:35

Ama in leitung mite bangma in a thusim bua a; vantung a om vantung mite le leitung a om mite ama in uk hi. Ama deina kuama in nalh thei ngawl a, ahibuale a sep a vawtte kuama in dongh kik thei ngawl hi.

Daniel 7:13

Hi mukholna ka mu ni zanin mihing taw a kibang khat ka mu hi. Ama sia meeikaai in kiim uum in ka kung hong neak a, tuaciang a nungta tawntung pa kung zuanin tua pa taw kimu hi.

Daniel 7:27

Leitung kumpi ngam theampo ii vaang le a letna sia Lianbel Pathian ii mihingte tungah kipia tu hi. Amate kumpi vaang sia bo ngeingawl tu a, leitung a ukte theampo in amate na sepsakin a thu ni tu uh hi,” ci hi.

Zechariah 9:9

Lungdam vun, lungdam vun, Zion mite awng! No Jerusalem mite awng, lungdam in au vun! En vun, na kumpipa no kungah hong pai hi! Ama in ngalzawna mualsua in lungdamna taw hong pai hi, Ahihang kiniamkhiak in laa khat — Laano, laatal no khat tungah to hi.

Matthew 12:50

Vantung ah ka Pa deina bang a ngamtate sia ka suapuipa, ka suapuinu le ka nu ahi hi,” ci hi.

Matthew 16:28

A tatak kong ci ciang, hi lai ah a om mihing pawlkhatte ahile, Mihing Tapa Kumpipa in hong pai a mu mateng in a thi buatu hi,” ci hi.

Matthew 26:42

Khatvei ma, Jesus pai in thu ngen hi, “Ka Pa awng, hi hai ka dawn phot ngawl peuma in, hi thuakna hai sia hong kilaaksak ngawl tu ahile nangma deina bang hi tahen,” ci hi.

Matthew 3:2

“Na mawna uh pan kisiik kik vun, banghang ziam cile Vantung ngam hong nai zo hi!” ci hi.

Matthew 4:17

Tua hun pan kipan Jesus in, “Na mawna uh pan kisiik kik vun, banghang ziam cile Vantung ngam hong nai zo hi,” ci in ama thuhilnate hil tu in a kipan hi.

Matthew 7:21

“ ‘Topa, Topa’ hong ci theampo Vantung ngam sungah a tum siat buatu hi, vantung ah ka Pa deina bang a ngamtate bek tum tu hi.

Mark 11:10

Hong tung tu ih pa David Kumpipa ngam Pathian in thupha pia tahen, Hosanna, Pathian pok vun!” ci uh hi.

Mark 3:35

“Pathian dei bang a ngamtate sia, ka suapuipa, ka suapuinu le ka nu ahi hi,” ci in zo kik hi.

Luke 19:11

Mipite in hi thu ngai in a om laitakin, Jesus in thusonteena khat son thua hi. Ama tua laitakin, Jerusalem theng dektak zo ahikom mipite in Pathian Ngam hong kilangh pal tu hi vak ci in muangmaw uh hi.

Luke 19:38

“Topa min taw hong pai Kumpipa tungah Pathian in thupha pia tahen! Vantung ah thinnopna om tahen a, Pathian minthang tahen!” ci uh hi.

Luke 22:42

“Pa awng, nang deina ahile hi thuakna hai sia kei kung pan hong laksak ta'n. Ahizong kei deina bang hi ngawlin, nang deina bang hi tahen,” ci hi.

John 4:34

Jesus in, “Kei ii an sia, kei hong sawlpa ii deina ka zui tu le hong piak nasep ka zaw tu ahi hi.

John 6:40

Banghang ziam cile ka Pa ii deina sia, Tapa mu a, ama a umte theampo in tawntung nuntakna a nga natu ahi hi. Tuaciang ni tawpkhakbel ni in, amate nuntakna sungah ka thosak tu hi,” ci hi.

John 7:17

Pathian dei bang a ngamta nuamte peuma in, Pathian kung pan hong pai thu ziam, tua ahibuale keima aituam thuneina taw hil khi ziam, he tu hi.

Sawltakte 13:22

Saul a hep zawkciang Pathian in David sia kumpipa suaksak hi. Pathian in tua pa huvau hi bangin ci hi: ‘Jesse tapa David in ka thin taw a kisi mihing nam hi a, seam a ka oai theampo a seam tu pa khat hi ci in ka mu zo hi.’

Sawltakte 21:14

A thin zaw natu in ka sonpui zo bua uh a, ka ci ka law he ngawlin “Topa deina bang hi tahen,” ka ci uh hi.

Sawltakte 22:14

Ama in, ‘Ih taanghpupite ii Pathian in, ama deina a tel tu, a thutang a Naseampa a mu tu le ama aw taw a pau a za tu in nang hong teal zo hi.

Romete 12:2

Hi leitung pianzia zil in na om heak vun a, na thinsung uh kikhealthiangna taw Pathian in na sungsang uh panin na puuathaksak sitset vun. Tua hile a pha, dik a sak kicing a sak Pathian ii deinate na he tu uh hi.

Ephesus te 6:6

Hong kipok tu thangaina taw amate hong mu sung teng bekin, tuabangin ngamta heak vun a; Christ ii sila bangin, Pathian dei sia na thin theampo taw seam vun.

Colossae te 1:13

Ama in khuazing vaangletna sung pan eite hong hun a, a it a Tapa ngam sungah bit takin hong paipui hi.

Colossae te 1:9

Tua thu hangin note thu ka zaak pan kipan thu kong ngetsak tawntung uh hi. Ama deina tel theina le a Thaa ii hong piak ciimna le heakna theampo taw note hong kidimsak natu in Pathian tungah ka ngen uh hi.

1 Thessalonica te 4:3

Pathian in note thiangtho in, numei le pa paktatna pan a thiangtho tak a, a kipealte na hi tu uh hong dei hi.

1 Thessalonica te 5:18

na theampo sungah lungdamko vun. Christ Jesus taw pumkhat a, na nuntak sungah Pathian hong deisak thu in hisia ahi hi.

Hebrew te 1:14

Tua ahile vantunglalangte sia bang ziam? Amate sia Pathian naseam thaa te hi a, ngupna a saang tute a hu tu in, a sawlte ahi uh hi.

Hebrew te 10:36

Pathian ii deina bangin na sep thei natu le, ama hong kamciamte na saan thei natu in, na thin na sausak kul tu hi.

Hebrew te 10:7

Tuaciangin, ‘Thukham laibu sungah keima thu a ki at bangma in, Pathian awng, na deina bang a seam tu in, Hi sungah om ing,’ ka ci hi,” ci hi.

1 Peter 2:15

Banghang ziam cile a pha na vawt uhte taw, mihing mawmawte ii a mot paunate na thimsak tu uh Pathian in hong deisak hi.

1 Peter 4:2

Tua ahikom tu pan kipanin, na leitung nuntakna uh a om laiteng, mihing ii deinate in uksak heak vun a, Pathian ii deina in uksak hamtang vun.

Thupualaakna 11:15

Tua zawkciang vantunglalang a salina sia in a lemle tum a, vantung ah awnging tatak taw, “Leitung uk natu vaangletna in ih Topa le ama Messiah ii neisa hi a, ama in, a tawntung a tawntungin uk tu hi!” ci hi.

Thupualaakna 12:10

Tua zawkciang, vantung ah aw a nging tatak khat ka za a, “Tu in Pathian ngupna sia hong theng zo hi! Tu in Pathian in Kumpipa a hina, a vaangletna hong lak zo hi! Tu in ama Messiah in a thuneina hong lak zo hi! Banghang ziam cile Pathian mai ah ding a, ih suapuite sun taw zan taw a mawsakpa sia, vantung panin kivawk zo hi.

Thupualaakna 19:6

Tuaciangin tuiteau nging bang le vanto nging bang mihonpi auna aw bang khat ka za hi. Tua awte in, “Topa pok vun! Banghang ziam cile Topa, eite ii Vaanglianbel Pathian sia Kumpi ahi hi!

Thupualaakna 20:4

Tua zawkciang kumpi tokhumte ka mu a, a tungah a tote in thu a khen thei natu in vaangneina kipia hi. Pathian kammalte le Jesus ii pualaak thumaan thutak te a thansak uh hu a, a kithatte ii thaate zongh ka mu hi. Amate in nganhing le a lim a bia bua uh hi, tua bek dom ngawlin, a talki tungah ahibuale a khutte tung zongh ah nganhing tepteena a nei bua uh hi. Amate in hong nungta kikin Christ taw kum tulkhat kumpipate bangin a uk uh hi.