Matthew 6:1 - Syin Chin Bible

¹ “Biakpiak vaipuakte na sep uh ciangin, mihon ii hong mu tu in, ngual sungah vawt heak vun. Tuabangin ngual sungah na vawt uh le, vantung a na Pa kung pan, thaman khat zongh na nga buatu hi.

Matthew 6:1 Iomraidhean Croise

2 Kumpite 10:16

“Keima taw paikhawm tawng, Topa tungah bangza in kipia khi ziam nangma ma in hong mu ta'n,” ci in son kawm hi. Tuaciang amate Samaria ah leang taw paikhawm uh hi.

2 Kumpite 10:31

Ahihang Jehu in a thin theampo taw Topa Israel te ii Pathian thukhamte ni ngawl a, ama in Israel te mawna sungah a then Jeroboam ngamtatna zuizaw hi.

Psalm Late 112:9

A kitaangsamhte tungah ama in ngo takin pia a, ama ii cikna thiamna sia bo ngeingawl hi; ama thahat tu a, kizakta tu hi.

Ezekiel 33:31

Tua ahikom, ka mite na son tu thu a ngai tu in a hon in hong pai uh hi, ahihang seam tu na sawlte a seam bua uh hi. Ki itna kamthumte pau ahihang a duhop ngei ma in duhop veve lai uh hi.

Daniel 4:27

Tua ahiciang kumpipa awng, kong thuhilna hong ni ta'n. Mawna na vawt kheal in a, a maan in seam in, tuaciang a zawngte hesuak in. Tua hile na nuamsa tawto tu hi,” ci in zo kik hi.

Zechariah 13:4

Tua hun hong thet ciang kamsaang kuama in a mukholna hu in kiphasak ngawl tu a, kamsaang khat bangin ngamta ngawlin, kamsaangte puan hampuite ngualtheam natu in silh ngawl tu hi.

Zechariah 7:5

Ama in, “Ngamsung a mite le thiampite ii hi kum sawmsali sung tawntung a tha ngana le a tha sali na ah khuangai in an a tan uh ciang kei hong patoai ahi ngawlna sia amate tungah son ta'n.

Matthew 16:27

Banghang ziam cile Mihing Tapa in Pa vaangletna le a vantunglalangte taw hong pai ciangin, ama in mihing khat sim ii a sepna babangin thaman pia tu hi.

Matthew 16:6

Jesus in, “Kidawm vun; Pharisee te le Sadducee te ii tol panin kidawm tavun,” ci hi.

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

Matthew 23:5

Mihingte mu tu in amate in na theampo seam uh hi. Amate talki tung le a baante tungah laithiangtho kammal a ki at savun pheakte bangza in beak ziam, en vun! A laktong puasilh mong a teapkaaite zongh bangza in sausak ziam!

Matthew 25:40

Kumpipa in, ‘A maan tak ka ci ciang, hi ka suapuite a nobel khat tungah na vawt uh sia kei tung a hong vawt na hi uh hi!’ ci in zo tu hi.

Matthew 5:16

Tuasia bangma in, napha na sep uhte mihingte in a mu ciang, vantung a om na Pa uh a pok natu in, amate mai ah na khuavak uh taangsak vun.

Matthew 5:46

“No hong itte bek na it uh le, Pathian in banghangin thaman hong pia tu ziam? Shiadongte ngawngawn zongh, tuabangin ngamta kana ngawl ziam?

Matthew 5:48

Vantung a na Pa uh cialcing ahi bangma in, no zongh na cialcing uh kul hi,” ci hi.

Matthew 6:16

“Tuaciang, an na tan uh ciang, a kihisak theamte bangin maikhingin om heak vun. Amate sia a antan hunlam uh ngual heak tu in kipua ngawl lui in om hi. A tatakin ka ci ciang, amate in a thaman uh a cing takin a kipiasa ahi hi.

Matthew 6:9

Tua ahiciang hi bangin thu ngen vun: Vantung a om kote Pa awng: Na min thiangtho ki upat tahen;

Mark 8:15

“Kidawm vun a, Phariseete le Herod ii tol panin, kikeam tavun,” Jesus in ci hi.

Luke 11:35

Tua ahikom na pumpi sungah khuavak sia khuazing na suaksak heak vun.

Luke 12:1

Mihing tul tam mamate kiphulungin khat le khat peang kisiik tha in a om laitak Jesus in a nungzuite munah a masa phitbelin hi bangin ci hi, “Pharisee te ii tol panin na kikeam vun — amate kihisak theamna ka cinopna hi.

Luke 12:15

Amate tungah hi bangin ci thua hi. “Duhopna namcinte panin, noma le noma kikeam tavun. Banghang ziam cile bangza po in a haubel hangin mihing khat ii nuntakna tatak sia neisa lamhsate hi ngawl hi.”

Luke 16:15

Jesus in, “No sia noma le noma ngual mai ah a kithutangsakte na hi uh hi, ahizong Pathian in na thinsung theampo hong he hi. Banghang ziam cile mihingte ii thupisak nate sia Pathian muna ah man a nei bua hi.

John 12:43

Amate in, Pathian ii lungkimna sangin, mihingte lungkimna dei zaw uh hi.

John 5:44

No khat le khat kipok tu na thangai uh hi, ahihang khat bek ahi Pathian tung pan pokna nga tu na hanciam bua uh hi; tua ahile bangbangin kei hong um thei tu nu ziam?

Sawltakte 3:12

Peter in mipite a mu ciangin, “Israel mipuite awng, banghangin hi tungtaang ah lamdang sa in, ko sia hong salh ngengu nu ziam? Ko ii vaangletna, ahibuale Pathianzia ka neina uh taw, hisia pa lampaisak thei hong sa nu ziam?

Galatia te 6:12

Note tungah zawthawk thu taw vunteap hong atsak nuamte sia, a puatham thute ah kisa thei a, a kisuangtaakte ahi hi. Ahizong amate ii tuabang a vawtna sia, Jesus ii Thinglamtee hu in amate in vawtsiatna a thuak bua thei tha le ci in a ngaisut uh hang bek ahi hi.

Thuhil kikna 24:13

a mut thei natu in nitak simin ama pia kik vun. Tuasia ciang ama lungdam tu a, Topa na Pathian sia na tungah hong lungkim tu hi.

Hebrew te 11:26

Ama in Messiah hangin huasaakna a thuak tu sia, Egypt ngam ii hauna theampo sangin, kimanh zaw pek sa hi, banghang ziam cile ama in maisang thaman a saan pheang lai tu te mitsuan hi.

Hebrew te 2:1

Tua hu in ei in thumaan thu ih zaak te pan, lam ih pial ngawl natu in ih kholet seseam kul hi.

Hebrew te 6:10

Pathian sia a maan ngawlin a ngamta ngei bua hi. Ama in na a sepnate ahizong, ama ii tungah itna na lakna uh ahi, Tapidawpui te ii tungah huna na piakte le na piapiak laite sia hong makngilsak ngawl tu hi.

2 John 1:8

Tua ahiciang ih sepna sa teng atu taan ngawlin na thaman a cingin na nga natu in kikeam tavun.