Matthew 5:9 - Syin Chin Bible

⁹ “Kilemna a vawtte in mihing lungdamte ahi uh hi; Pathian in ka tate ci tu hi!

Matthew 5:9 Iomraidhean Croise

1 Khangtaanghthu 12:17

David in amate muakin, “Keima hu tu ka lawm te bangin hong pai na hi uh le hong muak khi hi. Ih kipawl tu hi! Ahihang ka ngalte kungah nong zuak tu uh le keima in hong nasak ngawl tu ka hi hang, ih taanghpupite ii Pathian in he tu a, note daan hong pia tu hi,” ci hi.

Psalm Late 120:6

Kilemna a ngaimawte taw ka teen khop zawk ngei lei zo hi!

Psalm Late 34:12

A nuamin na nungta nuam uh ziam? Khansauna le lungdamna na dei uh ziam?

Matthew 5:45

Vantung a na Pa ii tate na sua thei natu in, tuabangin ngamta vun. Banghang ziam cile ama in mihing phate tung le mihing siate tungah a kibangin ni taangsak a, na pha seamte le a sia seamte tung zongh ah a kibangin nguazusak hi.

Matthew 5:48

Vantung a na Pa uh cialcing ahi bangma in, no zongh na cialcing uh kul hi,” ci hi.

Luke 20:36

Amate vantunglalangte bang hi tu a, a thithei buatu uh hi. Amate Pathian ii tate a suak uh hi, banghang ziam cile amate thina panin tho kik uh hi.

Luke 6:35

Tuabang hi ngawl hi! Na ngalte it vun, amate tungah thupha vawt vun; sum pukthaak tavun a lo kik tu na thangai heak vun. Tua hile no in thaman lian khat na nga tu uh a, a Saang Bel Pathian ii tate na suak tu uh hi, banghang ziam cile ama sia lungdamna a he thei ngawlte le mihing ngilote tungah thuthiam hi.

Sawltakte 7:26

A zing ciangin Israel te nii, kihau in om mu a, ama in lemtua tu in hanciampui hi. ‘Hong ngai tavun, note unau khat na hi uh hi; banghangin khat le khat kihau nu ziam?’ ci hi.

Romete 12:18

Mihing theampo taw kilem a na nuntak thei natu in, noma sang panin na vawt thei theampo na vawt vun.

Romete 8:14

Pathian Thaa ii lampuina a nga mihing peuma Pathian ii tate ahi uh hi.

Romete 8:16

Pathian Thaa in eima thaa taw kikopin, Pathian ii tate ih hina tetti in hong pang khawm hi.

Romete 8:19

A kibitphua sa theampo in Pathian ii tate sia akua bang teng hi tu ziam ci in hong kilaak tu kaal ngakla in om uh hi.

1 Corinth te 6:6

Tua hi napi in Tapidaw thunei khat in a dang khat sia thukhenzum then a, thu um ngawlte in tua thu na khensak zawpum uh hi!

2 Corinth te 13:11

Tuaciang tu in suapuite awng, mangpha na man tavun! Cialcin natu na hanciam vun; kong thuumna hong ngai tavun; khat le khat na kithukim vun a; kilem takin na nungta vun. Tuaciangin ki itna le thinnopna — Pathian sia note taw hong omkhawm tu hi.

2 Corinth te 5:20

Tua ahiciang hi sungah kote Pathian ma in kote tungtawnin note tungah hong thuum bangma in Christ atu in thuson ka hi uh hi. Christ ii taangin kong thuum uh hi: Pathian in a ngalte na hina uh pan, a lawmte hong suaksak tahen!

Galatia te 5:22

Ahihang Thaa in itna, lungdamna, thinnopna, thinsauna, dikna, phatna, thumaanna,

Ephesus te 4:1

Tua ahiciang Topa ii na ka sep hu in, thongtaak keima in, Pathian ii note hong sap hun laitakin hong koisak bang nuntakna zia taw na nuntak natu in, kong hanthawn hi.

Philippi te 4:2

Euodia le Syntyche te awng, kong nget nop thu in kei nong hesuakna in Topa sungah unau numeite bangin na thukim thei natu uh na hanciam vun.

Colossae te 3:13

Khat le khat na kidual vun a, a dang khat ii tungah lungkim ngawlna a nei khat po na om uh ciangin, khat le khat kimaisak vun. Topa in note mawna hong maisak bangma in note zongh khat le khat na kimaisak vun.

Hebrew te 12:14

Mihing theampo taw na kilem tu hanciam vun a, a thiangtho nuntakna taw nuntak tu hanciam tavun, banghang ziam cile kuama in tua ngawl taw Topa a mu buatu hi.