Matthew 5:8 - Syin Chin Bible

⁸ “Thinsung thiangthote in mihing lungdamte ahi uh hi; amate in Pathian mu tu uh hi!

Matthew 5:8 Iomraidhean Croise

Pianciilna 32:30

Jacob in, “Maitang kisi in Pathian ka mu zo a, ahizong kei hong kihingkhoai lai hi,” ci ahikom ama in tua mun sia Peniel ci in min phuak hi.

2 Samuel 22:27

Nangma in a thiangtho te ii tungah na thiangtho a, ahizong a seksolte na ngal vawt hi.

Psalm Late 15:2

Na theampo sungah Pathian thu ni a, a tawntungin a maan nasep seam in, a kammalte maanin taknei tu a,

Psalm Late 18:26

A thiangthote tungah na thiangtho hi; ahihang a seksolte na ngal vawt hi.

Psalm Late 24:4

Ngaisutna le ngamtatna a thiangthote, milim a bia ngawlte tua ahibuale a maan ngawl kamciam a vawt ngawlte pai thei tu hi.

Psalm Late 51:10

Pathian awng, ka sungah thin thiangtho hong bitphua ta'n a, a thak le a thumaan thaa hong nguan ta'n.

Psalm Late 51:6

Citakna le thumaanna sia na dei thu ahi hi; ka khua ngaisutna sia na ciimna taw hong dim ta'n.

Psalm Late 73:1

Pathian in thinsung thiangtho a nei Israel te atu in pha tatak hi.

Paunakte 22:11

Thinsung thianthona le kamthiam paunate zak tu dik na sa le kumpipa ii lawm na hi tu hi.

Sawltakte 15:9

Ama in ei le amate hong doi tuan ngawl hi. Amate in um ahikom a mawnate maisak hi.

1 Corinth te 13:12

Tu in ih muna in, limlangh sungah a kimu thiang ngawl lim le meal bang ahi hi; tua hun ciangin maitang kisi in ih kimu tu hi. Tu a ka heak sia kicing tak ngawl lai hi; tua zawkciang Pathian in kei hong heakna bangma in, a kicingin ka he tu hi.

2 Corinth te 7:1

Ka it ka lawmte awng, hi kamciamte theampo sia eite tungah hong kipia hi. Tua ahiciang pumpi le thinsung a ninsak thei nate theampo panin kithiansua in, Pathian ih thasiana taw a thiangtho sinsen suak tawng.

Titus 1:15

Thinsung thiangtho mihingte atu in, na theampo thiangtho hi; ahihang a ninnoite le a um ngawlte atu in, bangma a thiangtho om ngawl hi, banghang ziam cile amate thinsung le a khua ngaisutnate ninnoi hi.

Hebrew te 10:22

Tua ahikom thintak le upna maan taw mawna kithasunna pan, a kithiansua sa lungtang le tuithiang taw a kisil sa pumpite taw Pathian kung zuan tek tawng.

Hebrew te 12:14

Mihing theampo taw na kilem tu hanciam vun a, a thiangtho nuntakna taw nuntak tu hanciam tavun, banghang ziam cile kuama in tua ngawl taw Topa a mu buatu hi.

Hebrew te 9:14

Hisia thumaan ahikom, Christ ii chisan in bangza in seam zozaw seseam tu ziam! Tawntung Thaa tungtawnin, ama in Pathian tungah ama le ama a cialcing sangaw biakpiakna in, kipia zo hi. Ama chisan in a mannung ngawl biakna huvau panin, ih thinsung hong thiangsak tu hi.

James 3:17

Ahihang tungsang pan ciimna sia a masabel in thiangtho hi; tua in kilemna, cikna, lemzawngna zongh ahi hi. Tua in kihesuakna taw kidim a, a pha sepnate piangsak hi; tua in, kidoidanna nei ngawlin, kihithepsakna nei ngawl hi.

James 4:8

Pathian kungah hong neak tavun, tua hile Pathian in note hong neak tu hi. Na khut uh sil vun, no mawneite awng! Na thinsung uh thiansua vun, no a kihitheamsakte awng!

1 Peter 1:22

Tu in thumaan thutak na zui uh hu in, noma le noma na kithiansua zo uh a, na thu uppui mihingte it zo takpi tu na hi uhkom na thin theampo uh taw khat le khat nasia takin ki it tavun.

Thupualaakna 22:4

Amate in ama ii maitang mu tu a, amate talki tungah a min ki at tu hi.