Matthew 5:7 - Syin Chin Bible

⁷ “Ngual hesuak theite in mihing lungdamte ahi uh hi; Pathian in amate hesuak tu hi!

Matthew 5:7 Iomraidhean Croise

2 Samuel 17:28

Amate in meekuangte, tungbealte, zanpuan, tuaciang an zongh David le a mite atu in hong puak hi; zungtaang, mangtaang, anvui, antang kan, benaang, be, khuaitui, noaikhal, noaidiat le tuu pawlkhat hong puak uh hi. Amate in David le a mite dui sungah a toi tu, ngilkial dangtaak in a om tu hunlam he uh hi.

2 Samuel 22:26

Topa awng, nang tungah hong thumaante tungah na thumaan a, a cialcingte tungah na phatna kicing hi.

Psalm Late 112:4

Mihing phate, ngual a hesuak theite, a dikte le thutangte atu in khuazing sungah khuavak a taang hi.

Psalm Late 112:9

A kitaangsamhte tungah ama in ngo takin pia a, ama ii cikna thiamna sia bo ngeingawl hi; ama thahat tu a, kizakta tu hi.

Psalm Late 18:25

Topa awng, hong thumaante tungah na thumaan hi; a cialcingte ii tungah a kicingin na dik hi.

Psalm Late 37:26

Amate in midangte tungah ol takin pia in, pukthaak tawntung a, tuaciang a tate sia a thupha saanna khat ahi hi.

Paunakte 11:17

Na dik le nangma le nangma kiphatvawt na hi hi. na ngilo le nangma le nangma kiliamsua na hi bek hi.

Paunakte 11:25

Ngo vapeak vun, tua hile na nuamsa tu uh hi. Ngual hu vun, no zongh hong kihu tu hi.

Paunakte 14:21

Na lungdam nuam le a zawngte tungah dik in; mi khat po zawnsakna sia mawna ahi hi.

Paunakte 19:17

A zawngte tungah na piak ciangin Topa tungah pukthaak bang hi a, Topa in hong lo kik tu hi.

Isaiah 57:1

Miphate thi a, kuama in tua thu tel ngawlin, ngaisut zongin nei ngawl uh hi. Ahihang amate a thi uh ciang, khuangai tuasiatna lian bangma in amate nasak thei ngawl hi.

Daniel 4:27

Tua ahiciang kumpipa awng, kong thuhilna hong ni ta'n. Mawna na vawt kheal in a, a maan in seam in, tuaciang a zawngte hesuak in. Tua hile na nuamsa tawto tu hi,” ci in zo kik hi.

Hosea 1:6

Gomer in a ta niina — numei khat nei hi. Topa in Hosea munah, “A min ‘a ki it ngawl’ (Lo-Ruhamah) ci in phuak in, banghang ziam cile Israel mite tungah ka itna ka lak nawn buatu a, ahibuale mawna ka maisak nawn buatu hi.

Hosea 2:1

Tua ahikom na Israel mipuite sia, “Pathian ii mite” le “Topa ii a it mite” ci vun.

Hosea 2:23

Ka mite tua ngam ah ka khosak tu a, ka nuamsasak tu hi. “A ki it ngawl” a kicite tungah itna ka lak tu a, tuaciang “Ka mi hi ngawl” a kicite tungah, “Note ka mi nu hi,” ka ci tu hi, tuaciang amate in, “Nangma kote Pathian na hi hi,” ci in hong zo tu uh hi.

Micah 6:8

Hi ngawl hi Topa in thupha hong son zo hi. Ama ii ei tung pan bang hong tangkal thu in hisia hi: a maan sia seam tu, ki itna kip lak tu le, kiniamkhiak in ih Pathian taw kipawl khawmin nuntak tu ahi hi.

Mark 11:25

Thungenin na din uh ciang, khat po tungah diksak ngawlna na nei uh le, maisak tavun,

Luke 6:35

Tuabang hi ngawl hi! Na ngalte it vun, amate tungah thupha vawt vun; sum pukthaak tavun a lo kik tu na thangai heak vun. Tua hile no in thaman lian khat na nga tu uh a, a Saang Bel Pathian ii tate na suak tu uh hi, banghang ziam cile ama sia lungdamna a he thei ngawlte le mihing ngilote tungah thuthiam hi.

Romete 11:30

No Gentile te na hi uh le a bosa hun sungah Pathian thu na ni bua uh hi; ahihang tu in Jew te thu nit ngawl hu in Pathian ii hesuakna na saang uh hi.

1 Corinth te 7:25

Tu in zi nei ngawl pasal nei ngawlte huvau nong dokna taw kisai in: Topa tung panin thupiakna nga ngawl khi hi. Ahihang Topa hesuakna taw a muan taak khat bangin keima ngaisutna kong pia hi.

2 Corinth te 4:1

Pathian in ama ii hong hesuakna taw hi nasep tu hong pia ahikom ka thin uh a kiam bua hi.

Ephesus te 4:32

Khat le khat tungah kithuthiam zaw vun a, thinneam tavun, Christ tungtawnin Pathian ii note mawna hong maisak bangma in, note zongh khat le khat mawna kimaisak tavun.

Colossae te 3:12

Note sia Pathian ii mite na hi uh hi, ama in hong it a ama atu in hong teal hi. Tua ahikom note sia kiciliapna, cikna, kiniamkhiakna, thinneamna le thinsau nate puan bangin na silh uh kul hi.

1 Timothy 1:13

ahihang hun bosa sungah ama ngensia in, vawtsia in lang zazaan ngei hi kaleng, upna ka nei ma, heakna nei ngawlin ngamta ka hikom Pathian in kei hong hesuak hi.

1 Timothy 1:16

ahihang nungsang ciangin ama umin tawntung nuntakna a saang tute ii a ettee tu in, kei a mawbelpa tungah Jesus Christ in thinsauna a cingin hong lak thei natu, Pathian in kei hong hesuak hi.

Hebrew te 4:16

Tua ahikom, kimuanna nei in thuthiamna a omna mun Pathian kumpi tokhum kung zuan tek tawng. Tua munah hesuakna ih saang tu a, ih kitaangsap laitak hong hu tu in, thuthiamna ih mu tu hi.

Hebrew te 6:10

Pathian sia a maan ngawlin a ngamta ngei bua hi. Ama in na a sepnate ahizong, ama ii tungah itna na lakna uh ahi, Tapidawpui te ii tungah huna na piakte le na piapiak laite sia hong makngilsak ngawl tu hi.

James 2:13

Banghang ziam cile hesuakna a nei ngawl mihing khat tungah thu a khen ciangin, Pathian in hesuakna a lak buatu hi; ahihang hesuakna in thukhenna zo hi.

James 3:17

Ahihang tungsang pan ciimna sia a masabel in thiangtho hi; tua in kilemna, cikna, lemzawngna zongh ahi hi. Tua in kihesuakna taw kidim a, a pha sepnate piangsak hi; tua in, kidoidanna nei ngawlin, kihithepsakna nei ngawl hi.

1 Peter 2:10

Hun khat lai in, note sia Pathian mite na hi bua uh hi, ahihang tu in ama mite na hi uh hi; hun khat lai in, Pathian ii hesuakna na he bua uh hi, ahihang tu in ama ii hesuakna na saang zo uh hi.