Matthew 5:6 - Syin Chin Bible

⁶ “Pathian ii tangkalte sep tu a lungngulbel te in mihing lungdamte ahi uh hi; Pathian in a kicing lungkimna pia tu hi!

Matthew 5:6 Iomraidhean Croise

Psalm Late 107:9

Ama in a dangkote dangcimsak a, a ngilkialte an phate taw ngilvasak hi.

Psalm Late 145:19

Ama a zaktate ii kitaangsapnate ama in sik hi; amate auna za in hun hi.

Psalm Late 17:15

Ahihang kei in nang kong mu tu hi, banghang ziam cile ngamtat khialna ka nei bua hi; tuaciang ka khanlaw ciang nong ompuina in lungnopna taw hong kidimsak tu hi.

Psalm Late 63:5

Ka thaa in kibuailamna an ne in lungkim tu a, pokna lungdamna late nang kong sak tu hi.

Psalm Late 65:4

Na inn thiangtho sungah teang tu in na paipui, na teal sate mi nuamsate ahi uh hi. Na inn sungah na phate, na Biakinnpi thiangtho ii thuphate hangin ka lung uh kim tu hi.

Psalm Late 84:2

Tua munah bangza in om nuam khi ziam! Topa Biakinn sungah om tu ka thangai hi. Ka nuntakna buppi taw a nungta Pathian tungah lungdam in la ka sa hi.

Paunakte 10:24

A thutangte in amate deite nga a, ahizong a seksolte in a kiitakbel teng nga tu hi.

Paunakte 21:21

Dik in a, thumaan in, tua hile khansau in na nungta tu hi; ngual dangte in hong zakta tu a, ahi tu bangin hong phatvawt tu hi.

Solomon ii La 5:1

Kong it ka ngaino, ka angkoai awng, Ka huan sungah ka tum zo hi. Ka hel namtuite le ka myrrh thingnamtuite khawmtua in; ka khuaitui le ka khuaiphaangte ka ne a; ka sapittui le ka noai ka ne hi. Lawmtate awng, itna taw na kham teakin ne in, dawn vun!

Isaiah 25:6

Vaanglianbelpa Topa in hi sung Zion Mual tungah leitung minamte theampo atu in anneakpoai khat — a limbel an le a phabel sapittui taw na vawtsak tu hi.

Isaiah 41:17

“Ka mite tui kisamh in tui a zon uh ciang, tuidu in a dang a ko ciang, Topa, keima in amate thungetna ka zo tu hi; Israel te ii Pathian, keima in amate ka nusia ngei buatu hi.

Isaiah 44:3

“A dangko leitang tungah tui ka pia tu a leiko tungah luitui ka luangsak tu hi. Na tate tungah ka thaa ka bua tu a, na suan na paalte tungah ka thupha ka pia tu hi.

Isaiah 65:13

Tua ahikom keima hong bia in ka thu hong nite in neak tu dawn tu hau tu uh a, ahihang note in ngilkial dangtaak in na om tu uh hi, ci in kong son hi. Amate lungdam tu a, ahihang note na mai uh mawl tu hi.

Isaiah 66:11

Tano khat in a nu noai tawpin nop a sak bangin note in Jerusalem ii zawna haunate nuam na sa tu uh hi.

Jeremiah 31:25

A ngim a toi mihingte thathak ka nguan tu a, ngilkial in, a tha zawmte theampo an ka vaak tu hi.

Luke 1:53

A ngilkialte neakpha taw vaak a, a haute khut hawm nguak taw taisak hi.

Luke 6:21

“Tu laitak a ngilkialte in a lungdamte na hi uh hi; na ngil uh a va tu hi! “Tu laitak a kapte in a lungdamte na hi uh hi; na nui tu uh hi!

Luke 6:25

Tu laitak no a ngilvate atu in bangza in lauhuai ziam; na ngil uh kial tu hi! “Tu laitak no a nuite atu bangza in lauhuai ziam; tau in na kap tu uh hi!

John 4:14

ahihang kei ii ka piak tui a dawn peuma a dangko kik ngei nawn ngawl tu hi. Ka piak tu tui sia ama sung pan ciktui khat hong suak tu hi, tua in nuntakna a pia tui hi tu a, tuaciangin tawntung nuntakna pia tu hi,” ci in zo hi.

John 6:27

A sia thei an atu in, naseam heak vun; tua sangin a kikhomsuan tawntung nuntakna an atu in seam zaw vun. Hisia in Mihing Tapa ii no hong piak tu an ahi hi, banghang ziam cile Pa Pathian in ama tungah lungkimin tepteena koi zo hi,” ci in zo hi.

John 7:37

A thupibel ni poai khaam tawp ni in, Jesus dingto in awnging tak taw, “A kuama po a dangkote kei kungah hong pai in tui dawn tahen.

Thupualaakna 7:16

Amate in ngilkial, dangko kik ngei nawn ngawl tu hi; ni le satna a nei dangte in amate sia kaangh ngawl tu hi,