Matthew 5:5 - Syin Chin Bible

⁵ “A kiniamkhiakte in mihing lungdamte ahi uh hi; amate in Pathian kamciamte a saang tu uh hi!

Matthew 5:5 Iomraidhean Croise

Psalm Late 147:6

Ama in a kiniamkhiak te laamto a, ahihang a seksolte lei ah sucip hi.

Psalm Late 149:4

Topa in a mite tungtaang ah thinnopna nei hi; ama in a kiniamkhiak te zawna taw patoai hi.

Psalm Late 22:26

Mizawngte in a du zaza ne tu uh a, Topa kung a zuan peuma in ama a pok tu uh hi. Amate in a tawntungin nuamsa tahen!

Psalm Late 25:13

Amate in nuamsa tawntung tu a, a tate in ngam le lei a lua tu uh hi.

Psalm Late 25:9

Ama in a kiniamkhiakte lam maan lakin ama deina hil hi.

Psalm Late 37:11

A kiniamkhiakte in ngam le lei lua tu a, nopsakna le thinnopna nga tu uh hi.

Psalm Late 37:22

Topa ii thupha a piakte in ngam le lei lua tu uh a, ama ii haamsiatna a thuakte ahile, kinotkeak tu hi.

Psalm Late 37:29

Thutangte in ngam le lei lua in a sungah teang tawntung tu hi.

Psalm Late 37:34

Topa tungah lametna nei vun a, a thupiakte ni vun; ngam le lei hong piakna taw ama in note hong patoai tu hi, tuaciang mihing seksolte a nawkeak na mu tu hi.

Psalm Late 37:9

Topa a muangte in ngam le lei a lua tu hi; ahihang a seksolte kinotkeak tu hi.

Psalm Late 69:32

A kizothawte in hisia a mu uh ciangin a lungdam tu uh hi; Pathian a biate kihansua tu hi.

Isaiah 11:4

ama in mizawngte a pha in thukhen a, a cimaw mite ii a nga tuak te panpui tu hi. Ama thupiak bangin mite daan kipia in, mi siate thi tu uh hi.

Isaiah 29:19

Zawngkhal in, a kiniamkhiak mihingte in, Topa ahi, Israel ii a thiangtho Pathian ii a piak lungdamna sia khatvei nga kik tu uh hi.

Isaiah 60:21

Na mite theampo in a maan seam tu a A tawntungin tua ngam lua tu hi. A theampo tungah ka letna a pualaak tu in tuate ka suan a, ka vawt hi.

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Zephaniah 2:3

Ama ii thupiakte a ni, ngam sungah a kiniamkhiak note theampo awng, Topa sangah hong kiheak tavun. A maan sia vawt vun a, Topa mai ah noma le noma kiniamkhiak vun. Tua hile Topa ii a thin uukna hong lak ni ciangin daan khak natu pan suakta tha tu nu hi.

Mi Simna 12:3

(Moses sia a kiniamkhiak mihing hi a, leitung ah a om midang khat pawpo sangin kiniamkhiak zaw hi.)

Matthew 11:29

Ka hakkol la in kisuanh vun, kei tung pan hong kisin tavun, banghang ziam cile keima in cingh in a kiniamkhiak pa ka hi hi; tua ahikom toithaina na nga tu uh hi.

Matthew 21:5

“Zion khuapi munah son vun, En vun, na kumpipa no kungah hong pai hi! Ama kiniamkhiak in laa tungah to a, laapui ii ta laano tungah to hi.”

Romete 4:13

Pathian in Abraham le a suan a paalte munah hi leitung sia amate atu hi ci in kamciam pia hi, hi kamciam in Abraham ii thukham a nit hu hi ngawl a, a up hangin thutang hi ci a, Pathian in a teptee hu ahi hi.

Galatia te 5:23

kiniam khiakna le eima le eima ki uk zawknate piangsak hi. Hi te a langpan thukham bangma a om bua hi.

Ephesus te 4:2

A tawntungin kiniamkhiak in, cinghkamh in, na thinsausak tavun. Khat le khat kidualna taw itna kilak tavun.

Colossae te 3:12

Note sia Pathian ii mite na hi uh hi, ama in hong it a ama atu in hong teal hi. Tua ahikom note sia kiciliapna, cikna, kiniamkhiakna, thinneamna le thinsau nate puan bangin na silh uh kul hi.

1 Timothy 6:11

Ahihang Pathian mihing ahi nangma in hite theampo na pial in. Thumaan thutanna, Pathian thu sungah nopsakna, upna, itna, thuak zawkna, ciknate na nei zawk natu hanciam in.

2 Timothy 2:25

Ama a langpante a puuaphat kik ciangin, thu khualna zangh tu hi. Banghang ziam cile Pathian in amate tungah kisii kikna pia in thumaan thutak a heak natu zongh hi thei tu hi.

Titus 3:2

Kuama siat son ngawlin, ngual taw kilem a, a kuama theampo tungah, cikna thiamna a lak tawntung natu na son in.

James 1:21

Tua ahikom a kiihuai zongsang nate le seksolnate theampo vawk siat vun. Pathian tungah ki aap vun a, na thinsung ah hong khum a kammal na saang vun, tua in note hong ngum thei hi.

James 3:13

Note sungah a ciim thutel thei na om uh ziam? Amate in tuasia a nuntakna pha taw ahizong, kiniamkhiakna le ciimna taw a pha sepnate taw ahizong lak tahen.

1 Peter 3:15

Ahihang na thinsung ah Christ sia thasiana nei tavun. Topa a hina bangin ama vaang pia vun. Na sungah lametna na nei uh sia sonthiang tu in hong dongh khat pawpo na zo thei natu in a tawntung kinging tavun,

1 Peter 3:4

tuate taangin na hoina sungah Pathian ii muna ah a man neibel ahi a tul thei ngawl, a dik cikna thiamna le thinsung pha na nei tu uh hi zaw hi.