Matthew 5:48 - Syin Chin Bible

⁴⁸ Vantung a na Pa uh cialcing ahi bangma in, no zongh na cialcing uh kul hi,” ci hi.

Matthew 5:48 Iomraidhean Croise

Pianciilna 17:1

Abram kum sawmkua le kum kua a phak ciang ama tungah Topa kilangh a, “Keima in Vaanglianbelpa Pathian ka hi hi. Ka thu hong ni ta'n a, a maan in seam tawntung in.

2 Samuel 22:31

Hi Pathian — bangza in ama nasepnate cialcing a, ama kammalte suan taak ziam! Ama hong dalna a zong theampo atu in ama in lum khat taw kibang hi.

Psalm Late 37:37

Mihing pha pa en vun a, thutang pa entel vun; kilemna a nei mihingte in suan le paal nei hi,

Thiampite 11:44

Keima in Topa na Pathian ka hi a, keima thiangtho ka hikom note zongh na thiangtho uh kul hi.

Thiampite 19:2

Israel taangpite tungah a sonsawn tu in Moses tungah, “Thiangtho vun, banghang ziam cile Keima Topa na Pathian thiangtho khi hi.

Thiampite 20:26

Note na thiangtho tu uh a, keima neisa bek na hi tu uh hi, banghang ziam cile keima in Topa ka hi a, ka thiangtho hi. Keima neisa bek na hi thei natu in minam dangte sung pan kong tuamkoi hi.

Matthew 5:16

Tuasia bangma in, napha na sep uhte mihingte in a mu ciang, vantung a om na Pa uh a pok natu in, amate mai ah na khuavak uh taangsak vun.

Matthew 5:45

Vantung a na Pa ii tate na sua thei natu in, tuabangin ngamta vun. Banghang ziam cile ama in mihing phate tung le mihing siate tungah a kibangin ni taangsak a, na pha seamte le a sia seamte tung zongh ah a kibangin nguazusak hi.

Matthew 5:47

Tuaciangin na lawmte bek na paupui uh le, ngualdang taw bang na kilamdanna uh om ziam? Doai biate zongh in tuabangin ngamta kana ngawl ziam?

Luke 6:36

Na Pa uh sia hesuak thiampa ahi bangma in, no zongh ngual na hesuak tavun.

Luke 6:40

Sangpatangpa in a syapa sangin, lianzaw ngawl hi; sangpatang peuma a sin tu teng a man zawkciangin, a syapa bang hong hi pheang tu hi.

2 Corinth te 13:11

Tuaciang tu in suapuite awng, mangpha na man tavun! Cialcin natu na hanciam vun; kong thuumna hong ngai tavun; khat le khat na kithukim vun a; kilem takin na nungta vun. Tuaciangin ki itna le thinnopna — Pathian sia note taw hong omkhawm tu hi.

2 Corinth te 13:9

Ko ka thazawm uh ciang, na thahat uh sia ka lung uh dam hi. Tua ahiciang note sia na cialcing thei natu in thu kong ngetsak si uh hi.

2 Corinth te 7:1

Ka it ka lawmte awng, hi kamciamte theampo sia eite tungah hong kipia hi. Tua ahiciang pumpi le thinsung a ninsak thei nate theampo panin kithiansua in, Pathian ih thasiana taw a thiangtho sinsen suak tawng.

Ephesus te 3:1

Hisia thu hu in, no Gentile te atu in Christ Jesus ii thongtaakpa keima Paul in, Pathian tungah thu ka ngen hi.

Thuhil kikna 18:13

Topa tungah thumaan tatak vun,” ci hi.

Thuhil kikna 27:10

tua ahiciang tuni in kong piak ama thukham theampo zui in keamcing tavun,” ci uh hi.

Colossae te 1:28

Tua ahikom Christ sia mihing khat sim tungah ka hil uh hi. Pathian omna munah mihing khat simin Christ taw kikop in, a khanthin natu in ciimna theampo taw hil in a kidop natu thu ka pia uh hi.

Colossae te 4:12

Epaphras zongh in hong paupui hi, ama in Jesus Christ ii naseampa khat hi a noma pawl sungah a kihel khat ahi hi. Ama in Pathian tungah note sia a khanthin le a cingtaak tak a, a thinzo Tapidawte, Pathian ii deina bang a, khuangkhim takin a zuite bangin kho takin, na din natu in nasia tatakin thu hong ngetsak tawntung hi.

James 1:4

Note sia a kicing, a cialcing, bangma a kitaangsamh ngawlte na hi natu in na thuak zawknate in note, puk ngawlin lam tawntung hong khosak tahen.

1 John 3:3

Christ sia thiangtho ahi bangma Christ sungah hi lametna a nei mihing peuma ama le ama a thiangtho in kikeam hi.