Matthew 5:44 - Syin Chin Bible

⁴⁴ Ahihang kei kong cina pan: na ngalte it vun a, hong vawtsiate atu thungetsak vun.

Matthew 5:44 Iomraidhean Croise

2 Kumpite 6:22

“Thatlum heak in, kidona phual ah na matsa ngalkapte zongh thisak ngawl tu ni hi. Amate neak tu dawn tu khat po pia in a, amate ii kumpipa kungah cia kiksak in,” ci hi.

Paunakte 19:11

Khuangaisun thei khat na hile na thin tomna na uk zo tu hi. Nang tung hong taa khial khat a om ciang awlmawk ngawlin om theina in phatna lian khat ahi hi.

Luke 23:34

Jesus in “Pa awng, amate mawna maisak in! Amate in bang vawt uh ci zongh a tel bua uh hi,” ci hi. Tuaciang amate in nuangtang lotna taw ama puante hawm uh hi.

John 13:34

Tuaciang, tu in thupiak thak khat kong pia hi: Khat le khat na ki it vun. Note kong it bangma in, khat le khat na ki it hamtang vun.

Sawltakte 16:28

Ahihang Paul in, a aw nei za taw oksan in, “Nangma le nangma bangma kilaw heak in! Hi sungah kote om siat khu hi!” ci hi.

Sawltakte 7:60

Ama in khupdin a, awnging tak taw, “Topa! hi mite mawna na tepteesak heak in!” a ci zawkciangin thi hi.

Romete 12:14

Hong vawtsiate thupha a saan natu in Pathian munah thungetsak vun — hi hi, Pathian in haamsiat ngawlin thupha a piak natu ngen vun.

1 Thessalonica te 5:15

Khialna sia khialna taw in na thuk heak vun a, khat le khat tung le mihing theampo tungah phatna vawt tu sia hun theampo sungah na tup na sawm uh na hisak tavun.

1 Peter 2:23

Ama a kilan ciangin selnona kam taw thuk ngawl hi; ngimna a thuak ciang kuama tawng ngawl a thutang thukhenpa Pathian tungah a lametna koi zaw hi.

1 Peter 3:9

Ngitlona sia ngitlona taw thuk kik heak vun a, haamsiatna zongh haamsiatna taw thuk kik heak vun; tua hi ngawl zaw in thupha taw kithuk zaw vun, banghang ziam cile, note Pathian hong sap lai in piak tu a hong kamciam sia thupha hi zaw hi.

1 Samuel 24:17

Tua zawkciang David munah, “Nangma maan a, kei khial khi hi. Kei ii nang tungah khialna ta za kong nei kawmsung panin, hong dik mama ni hi!