Matthew 5:42 - Syin Chin Bible

⁴² Khat po in na khat hong ngen le pia vun; khat po in na khat hong zawng nuam le zawn vun.

Matthew 5:42 Iomraidhean Croise

Psalm Late 37:21

Mihing seksolte in leitoai in, lo kik ngeingawl a, ahihang mihing phate in ngo takin pia hi.

Paunakte 19:17

A zawngte tungah na piak ciangin Topa tungah pukthaak bang hi a, Topa in hong lo kik tu hi.

Paunakte 21:26

a dei teng a nga natu a ngaisut sia ama nasep hi bek hi. Thumaan thutang khat ahile ngual pia thei a, ngo takin pia hi.

Thuhilsya 11:6

Zing ahizong nitak ahizong an ciing in. A pha in po tu maw, ahibuale anciin hun khat sia hun khat sang phazaw tu maw, ci sia na he ngei bua hi.

Daniel 4:27

Tua ahiciang kumpipa awng, kong thuhilna hong ni ta'n. Mawna na vawt kheal in a, a maan in seam in, tuaciang a zawngte hesuak in. Tua hile na nuamsa tawto tu hi,” ci in zo kik hi.

Matthew 5:41

Tua mun a ngak ngalkapte in, tai khat vanh pua in hong sawl le, tai nii puaksak vun.

Luke 11:41

Ahihang na kuang le na haite ii sung a omte sia a zawngte pia le uhte no atu in na theampo sia zeksa huvau in thiang tu hi.

Romete 12:20

Laithiangtho ii ci bangma in phulam luangin, “Na ngalpa a ngil a kial le an na vaak in, a dang a ko le a dawn tu khat na pia in, banghang ziam cile hi bangin na sep hu in, a maizumna in meikaang bangin kaangh tu hi.”

Hebrew te 13:16

Na pha sep tu le khat le khat kihu tu sia, na mangil heak vun, banghang ziam cile hite sia Pathian a lungkimsak ih kipumpiak biakpiakna ahi hi.

Hebrew te 6:10

Pathian sia a maan ngawlin a ngamta ngei bua hi. Ama in na a sepnate ahizong, ama ii tungah itna na lakna uh ahi, Tapidawpui te ii tungah huna na piakte le na piapiak laite sia hong makngilsak ngawl tu hi.

James 1:27

Pa Pathian ii a thiangtho le biakna tatak hi ci in, a ngaisut sia hi teng hi: tangate le meingongte ii thuakna sung pan khoi natu le leitung siatna panin eima le eima kikep natu ahi hi.