Matthew 5:39 - Syin Chin Bible

³⁹ Ahihang kei kong cina pan: no tungah hong khialte na thuk kik heak vun; khat po in na biangkho ziatsang hong beang le na biangkho veisang zongh na ngat vun.

Matthew 5:39 Iomraidhean Croise

1 Kumpite 22:24

Tuaciangin kamsaangpa Zedekiah in Micaiah kungah paito in, a maitang beang hi, tuaciang, “Bang hun pan kipan Topa thaa in kei hong nusia a, nang tungah hong pau ziam?” ci in dongh hi.

Job 16:10

Mite in kei hong nunau a; amate in hong kiim uum in ka maitang hong beang hi.

Paunakte 20:22

Ngual ii nang tungah hong khialnate thuk kik tu in ngaisun heak in. Topa muang in, ama in a maanin seam tu hi.

Paunakte 24:29

“Ama ii kei hong vawt bangin ama tungah vawt tong! Ama thuk tong!” ci heak vun.

Isaiah 50:6

Kei hong saatte ka nungzaang ka ngat hi. Amate in kei hong selno zazaan a, ka khamulte hong phaisak in ka maitang hong cilphii ciangin ka ngat nginge hi.

Kaa late 3:30

Hong kivua in hong kizawngsak kale tuate theampo ih saang thiam tu hi.

Thiampite 19:18

Kuama tungah phula heak vun a, kuama ngaimaw top heak vun. Noma le noma na ki it uh bangin na innpaamte it vun. Keima in Topa ka hi hi.

Micah 5:1

Jerusalem mite awng, na ngalkapte khawm vun! Eite hong uumci hi! Amate in Israel lampuipa sim uh hi!

Matthew 5:40

Tuaciang khat po in na laktong khat dei in zum ah thu hong vawt le na laktong puasilh zongh na pia thua lai vun.

Luke 22:64

Amate in a mit tuamsak a, “Akua in hong saat ziam, son in!” ci in dongh uh hi.

Luke 6:7

Thukham hil syate le Phariseete in Jesus tungah mawna zong nuamin, Sabbath ni in ciina a damsak ziam a damsak bua ziam, ci in a khial tu encik hi.

John 18:23

“Pau khial nei ka hile hi sungah omte theampo munah ka pau khialna son in. Ahihang ka pauna sia a maan thu ahile banghangin hong vua ni ziam?” ci in Jesus in zo hi.

1 Corinth te 6:7

Note sungah na thu kineina uh mama in na nginat ngawlna uh lak hi. Ngual in no tungah hong khial le no atu phazaw ngawl ziam? Ngual in hong suttol le no atu phazaw ngawl ziam?

1 Thessalonica te 5:15

Khialna sia khialna taw in na thuk heak vun a, khat le khat tung le mihing theampo tungah phatna vawt tu sia hun theampo sungah na tup na sawm uh na hisak tavun.

Hebrew te 12:4

Banghang ziam cile mawna taw na kidona sungah thalup thuak tu dongin, na nalh tu uh kul ngawl lai buang hi.

James 5:6

Mawna nei ngawl mihingte mawsak in, na thatlum zo uh hi, tuaciang amate in no hong nalh ngawl uh hi.

1 Peter 3:9

Ngitlona sia ngitlona taw thuk kik heak vun a, haamsiatna zongh haamsiatna taw thuk kik heak vun; tua hi ngawl zaw in thupha taw kithuk zaw vun, banghang ziam cile, note Pathian hong sap lai in piak tu a hong kamciam sia thupha hi zaw hi.