Matthew 5:3 - Syin Chin Bible

³ “Thaa thu ah a zawngkhal hunlam a kihete in, mihing lungdamte ahi hi; Vantung ngam sia amate aa ahi hi!

Matthew 5:3 Iomraidhean Croise

2 Khangtaanghthu 33:12

Hi bangin a thuakna hu in ama kiniamkhiak in Topa a Pathian zuanin huna ngen hi.

2 Khangtaanghthu 33:19

Kumpipa ii thungetna le Pathian zo kikna, a kisiik kik ma in a vawt mawna khialna — a sia a vawtte, doai sepna munte le numeipathian Asherah lim, tuaciang a biak milimte — theampo sia Kamsaangte Taanghthu sungah kiciamtee hi.

2 Khangtaanghthu 33:23

Ahihang ama ahile a pa bang hi ngawl a, kiniamkhiak ngawlin Topa kung zuan ngawl hi; a pa sang zong mawzaw lai hi.

2 Khangtaanghthu 34:27

tuaciang Jerusalem le a mite daan piak tu ka tawnna na zaak ciang kiniamkhiakna le kisii kikna taw ka mai ah na puansilh eaukeak in kap ni hi. Na thungetna hong za zo khi hi.

2 Khangtaanghthu 7:14

amate in kei tungah thungenin kisiik kikin a tatsiat ngamtatnate a nungngat le, tuaciang a thungetnate vantung pan ka za tu a, a mawnate maisak in a ngam a lei ngamnuam ka suaksak kik tu hi.

Job 42:6

Tua ahikom ka pau sa theampo tungtaang ka maizum a, kisik kik in leivui sung le vut sungah ka om hi.

Psalm Late 1:1

Mihing lungdam ih ci te in mihing ngilote ii ngaisut piakna a nialte, mawneite zia a zui ngawlte, Pathian ii zak ngawlte taw a kizom ngawlte ahi hi.

Psalm Late 112:1

Topa pok vun! Topa zakta a, a thupiakte zui tu nuam a sa sia in mihing lungdam ahi hi.

Psalm Late 128:1

Topa thu ni a, a thupiakte babangin a nungtate in mihing lungdamte ahi uh hi.

Psalm Late 146:5

Jacob ii Pathian sia ama ii hupa in a neipa le Topa sia amate ii Pathian in, a muangte sia mi nuamsate hi a,

Psalm Late 2:12

ama mai ah liinna taw kun vun; tua ahibuale ama thin uuk vat tu a, thakhat thu in na thi tu uh hi. Ama a bealte in a lungdamte ahi uh hi.

Psalm Late 34:18

Topa in a thinkiam mihingte taw a kinai in om a, lametna a nei nawn ngawlte hun hi.

Psalm Late 41:1

Mizawngte a thinnuammawte sia mihing lungdamte ahi uh hi; amate ngim a nga uh ciangin Topa in hu tu hi.

Psalm Late 51:17

Pathian dei sangaw biakpiakna sia a kiniamkhiak thinsung ahi hi; Pathian awng, a kiniamkhiak le a kisiik kik thinsung na nial bua hi.

Psalm Late 84:12

Vaanglianbelpa Topa awng, nang hong muangte in bangza in a lungdam uh ziam!

Paunakte 16:19

A kisatheite ii sungah kihel a, ih pawlte ii a sutol vanh hawmte ih nga sangin, kiniamkhiakin a zawngin om leang phazaw hi.

Paunakte 29:23

Kisaktheina in, kiamsukna sung hong then tu a, ahizong na kiniamkhiak le hong kizakta tu hi.

Paunakte 8:32

“Tu in, khangmoite awng, hong ngai tavun. Ka ci bangin vawt vun, na lung uh dam tu hi.

Isaiah 30:18

Tuabang hi napi note hong hesuak tu in Topa in hong ngak veve hi. Ama sia note tungah hesuakna lak tu in a kinging sa in om hi, banghang ziam cile ama in a tawntungin a maan seam hi. Topa tungah muanna a nei te in mi lungdamte ahi hi.

Isaiah 57:15

“Keima in a saang le a thiangtho, a tawntung a nungta Pathian ka hi hi. Keima in a saang le a thiangtho na munah ka teang hi, ahihang mite ii hong muanna le lametna a nga kik thei natu in mawna kisiik kik a, a kiniamkhiak vadeam mite taw zongh in ka teang khawm hi.

Isaiah 61:1

Vaanglianpipa Topa in a Thaa taw kei hong dim zo hi. Mizawngte tungah lungdamna thupha puak tu, Thin kitamhthamte a damsak tu, A kimante suatakna thu le Thong sungah a kikhumte suatakna thu taangko tu in Ama in kei hong teal zo a hong puak zo hi.

Isaiah 66:2

Keima mama in vaannuai buppi ka bitphua hi! Kiniamkhiakin a kisiik kikte, kei hong kiita in ka thu hong nite dik ka sa hi.

Micah 6:8

Hi ngawl hi Topa in thupha hong son zo hi. Ama ii ei tung pan bang hong tangkal thu in hisia hi: a maan sia seam tu, ki itna kip lak tu le, kiniamkhiak in ih Pathian taw kipawl khawmin nuntak tu ahi hi.

Matthew 11:25

Tua hun laitakin Jesus in, “Simlei le vantung ii Topa, Pa awng hi thute mihing ciim mihing thiamte tung panin, na sealcip a, bangma he ngawl lai mihingte tungah lak na hikom na tungah ka lungdam hi.

Matthew 11:6

Kei tungtaang ah a lungmang ngawlte bangza in lungdam ziam!” ci hi.

Matthew 13:16

“Note na hi uh le bangza in hampha nu ziam! Na mittangte khuamu uh a, na bilte in khuaza uh hi.

Matthew 19:14

Jesus in, “Patangte ka kungah hong pai tahen, khaam heak vun, banghang ziam cile Vantung ngam sia tuabangte atu ahi hi,” ci hi.

Matthew 24:46

A topa hong cia laitakin a kisawl bang a naseam hi ci in a topa ii mu naseampa sia bangza in lungdam tu ziam?

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Matthew 3:2

“Na mawna uh pan kisiik kik vun, banghang ziam cile Vantung ngam hong nai zo hi!” ci hi.

Matthew 8:11

“A maan tatak ka ci ciang, nisuana le nitumna panin, mihing tam mama hong pai tu a, Vantung ngam sungah Abraham, Isaac le Jacob taw anneakpoai sungah hong tokhawm tu hi.

Mark 10:14

Jesus in hi bang a ngamtat uh a mu ciangin, thin uuk a amate tungah, “Patangte ka kungah hong pai tahen, khaam heak vun, banghang ziam cile Pathian Ngam sia hi bangte atu ahi hi.

Luke 11:28

Ahizong Jesus in, “Tua sangin Pathian kammal za a, a zuite in bangza in thupha nga zaw ziam!” ci in, zo kik hi.

Luke 18:14

A tatak ka ci ciang, Pharisee pa bang hi ngawlin shiadongpa sia mipha tangin cia hi. Mihing simin a kiliansakte kiniamsak tu a, a kiniamkhiakte a thupi in kikoi tu hi,” ci hi.

Luke 22:29

ka Pa in ukna za hong piak bangma in no zong kong pia tu hi,

Luke 22:30

ka ngamsung ka sabuai ah no sia kei taw anne tuidawn khawm in, na om tu uh a, kumpi tokhum tungah to in, Israel minam sawm le niite na uk tu uh hi.

Luke 4:18

“Topa ii Thaa kei tungah hong om hi, banghang ziam cile mizawngte tungah lungdamna thupha puak tu in kei hong teal hi. A kimante suatakna a pia tu le, mittawte khua a mu kik natu, nencip a thuakte suatakna thu a thangsak tu,

John 20:29

Jesus in, “Nong mu hu in hong um ni ziam? Hong mu ngawl napi a hong umte bangza in lungdam tu ziam!” ci hi.

Thuhil kikna 8:2

A bosa kum sawmli sung Topa na Pathian in sennealngam hong kaantan pui in, hi khual khuala hong hawsak a, hong thupiakte zui nuam ziam, zui nuam ngawl ziam ci in, na thinsung na ngaisutnate he nuamin haksatna hong tunsaknate phawk vun.

James 1:10

tuaciangin a hau Tapidawte sia Pathian in a khiasuk le a lungdam tu uh ahi hi. Banghang ziam cile a hau khat sia ngam lopa paak bangin bo tu hi.

James 1:12

Ze etna haksa a thuak zote in a lungdam mihing ahi hi, banghang ziam cile tuabang hong sit nate a zaw ciangin, Pathian a itte tungah a kamciamsa nuntakna sia tel in saang tu hi.

James 2:5

Hong ngai tavun, ka it suapuite awng! Pathian in hi leitung ah mizawngte sia, upna sungah a hau tu le ama a itte atu kamciam a piak kumpi ngam a lua tu in teal zo hi.

Thupualaakna 19:9

Tuaciangin vantunglalang in kei tungah, “Hi thu at in: Tuuno mopoai sungah a kisamte sia mihing lungdamte ahi hi,” hong ci hi. Tuaciang vantunglalang in, “Hite sia Pathian ii a son tatak kammalte ahi hi,” hong ci thua lai hi.

Thupualaakna 22:14

Nuntakna thingnga neak thei natu le khuapi sungah kongkha kaantan in pai thei natu in a puantual a sawp thiangte in mihing hamphate ahi uh hi.

Thupualaakna 3:17

Nang in ‘Kei sia hau in nuamsa ing; ka kisap theampo nei ing,’ ci ni hi. Ahihang bangza in zawngkhalin, hesuakhuai na hi hunlam na kihe bua hi! Nangma na zawng a, pumnguak na om a, na mittaw hi.