Matthew 5:24 - Syin Chin Bible

²⁴ na piak tu vanh sia biaknatau mai ah nusia phot zii ta'n a, na suapuipa taw kilemna vawt phot ta'n, tua zawkciang hong pai kik ta'n a, Pathian tungah biakpiakna nei pheang in.

Matthew 5:24 Iomraidhean Croise

Job 42:8

Tu in khuital sali le tuutal sali Job kungah paipui vun a, noma atu in sangaw biakpiakna in tuate pia vun. Job in no atu thu hong ngetsak tu hi, tuaciang ama ii thungetna ka zo tu a, na kilawm uh bangin kong maimawlsak buatu hi. Ama ii son bangin kei huvau thumaan na son bua uh hi,” ci hi.

Paunakte 25:9

Na innpaamte taw ngaisut kisik ngawlna khat na nei uh le noma sungah kilemtua tavun a, thuku khat po pualaak se heak vun.

Matthew 23:23

“Thukham hil syate le Pharisee te awng! A kihitheamsakte awng! No atu in bangza lauhuai ziam? An mee sungah hel thei lonamsia, masala le thing namtuite dongin, see sawm sua see khat sia Pathian na pia uh hi, ahihang Thukham sungah a kihil a thupi tatak ahi, thukhaikimna, hesuakna le thumaannate na awlmaw bua uh hi. Hite zongh na zak tu uh hi a, a dangte zongh na awlmawk ngawl tu hisaap ngawl hi.

Matthew 5:23

Tua ahikom biaknatau tungah biakpiakna nei tu in, na kithoai laitakin, na suapuipa in, nang tungah lungkim ngawlna nei hi, ci in na phawk le,

Mark 9:50

“Ci al sia pha hi; ahihang ama in a alna a bosua le, bangbangin alsak kik thei tu nu ziam?” “Na sung uh a, kingualtamh theina ci al na nei tavun, khat le khat kilemna taw na om tavun,” ci hi.

1 Corinth te 11:28

Tua ahikom mihing sim in, ama le ama kisittel phot tu a, tua zawkciang anluum ne in, hai panin dawn tu hi.

1 Timothy 2:8

Pawlpi sungah biakpiak simin, thin uukna le kinialna om ngawlin, a khut laamin thungen thei a, Pathian tungah a kipumpiak pasalte ii thu a nget tu ka dei hi.

James 5:16

Tua ahikom, na mawna uh sia khat le khat tungah kipualaak vun a, khat le khat thu na kingetsak vun, tua hile hong damsak tu hi. Mipha thumaan thutang khat ii thungetna in vaang nei hi.