Matthew 5:22 - Syin Chin Bible

²² Ahihang tu in kong ci in ah: a suapuipa tungah a thin uuk pawpo te in thusitna thuak tu hi, a kuama po ahizong a suapuipa ngina ngawl hi, a ci peuma, Council te mai ah kipaipui tu a, a kuama po a suapuipa mannung ngawl mihing mawmaw, a ci peuma hell meikuang sungah a pai tu lauhuai hi.

Matthew 5:22 Iomraidhean Croise

Pianciilna 37:4

A pa in amate sang in Joseph a it zawkna thu a suapuite in a mu uh ciang a suapuipa ngaimaw mama a, pha takin paupui ngawl hi.

Pianciilna 37:8

A suapuipate in ama tungah, “Nang kumpi khat suakin kote hong uk tu in kingaisun ni ziam?” ci in dongh uh hi. Ama ii mangmatte hu le a thuson teng hu in amate in ngaimaw seseam uh hi.

2 Samuel 16:7

Shimei in haamsiat a, “Tai in! Tai in! Mi that pa! Mimaw mikhial pa!

2 Samuel 6:20

Tua zawkciang David in a innkuanpuite nukset tu in hong cia ciang, Michal sia ama taw kisi tu in hong pusuak hi. “Tuni in Israel kumpipa in ama min let natu khat vawt hi! Ama uliante ii naseam numeite mu na ah a mawmaw bangin kipholaak hi!” ci hi.

1 Kumpite 21:4

Ahab inn ah cia a, Naboth ii kampau teng hu in thin uukin a thinnuam ngawlin om hi. A lupna tungah lum a, pang sang nga in an ne nuam ngawl hi.

2 Khangtaanghthu 16:10

Hi thu in kamsaangpa tungah Asa thin uuksak mama ahikom ama in kamsaangpa thikkol bulsak hi. Hi hunsung teng mama in Asa in a mite pawlkhat a vawtsiat kipan hi.

2 Khangtaanghthu 19:5

Ama in kulh taw a ki uum Judah khuapi theampo ah thukhenmangte khanin,

Nehemiah 5:8

amate tungah, “Ngamdangte tungah amate le amate a kizuak ih Judah mealheakte sia ih hi theiza in ih tan kik hi. Tu in Judah a mipuite ahi note tungah amate le amate hong kizuak natu in na mealheakte zawthawk vawt nu hi!” ka ci hi. A lampuite thim dide in om a, bangma son thei ngawl uh hi.

Psalm Late 109:3

Kei hong siatson hi, a thu om ngawl bulin kei hong sim hi.

Psalm Late 14:1

Mihing mawmawte in, “Pathian om bo!” ci uh hi. Amate theampo siatna khaatna taw kidim siat a, a cizathuai nate seam zo uh hi; a maan a seam kuama a om bua hi.

Psalm Late 25:3

Nang hong muangte kuama in nguallel ngawl tu hi, ahihang nang hong langpan papaihte nguallel tu hi.

Psalm Late 35:19

Tua a leilot thei ka ngalte sia kei ii lelna hangin na kisatheisak heak in. Bangma ahang om ngawl bul a kei hong ensante in kei ii khuangaina hangin lungdamna taw hong nuisansak heak in.

Psalm Late 37:8

Thinngimna le thin uukna in na zosak heak vun, tuate in ngimna sung hong then bek hi.

Psalm Late 49:10

Mihing mawmawte le a nanghte bangma in mihing a ciimte zongh thi hi ci in a kuama theampo ii mu thei ahi hi. Amate theampo in a hauna uh sia a suan a paalte nusiat hi.

Psalm Late 69:4

Bangma thu om ngawl a, kei hong ensante sia ka lu a samzamte sangin tamzaw hi. Ka ngalte in kei langpanna leilot thu son hi; amate hat a, kei hong thatlum nuam hi. Ka nguk ngawl bul nate amate in hong pia kiksak hi.

Psalm Late 92:6

Hi thu in mihing mawmaw khat ii heak zawk hi ngawl hi; a nangh khat in tel zo ngawl hi:

Paunakte 14:16

Mihing ciimte in ngim ngana pan a kikep thei natu kidawm hi, ahihang mihing mawmawte sia kidawm ngawlin ngamta memeang hi.

Paunakte 18:6

A mawmaw khat po in kam kinialna a phuang le, ngual ii vel tu a zong ahi hi.

Jeremiah 17:11

Thu maan ngawl a sum nga pa sia ama ii tuui ngawlbul tuui dang a op vacim khat taw kibang hi. A khan tungto laitak ma in a haunate taan tu a, ama sia a tawpna ah bangma ahi ngawl a mawmaw khat suak tu hi.

Kaa late 3:52

“Kei hong ngaimawk natu thu a nei ngawl ngalte in, vacim khat bangin thaang sungah kei hong awksak hi.

Daniel 3:13

Tuasia po ciang kumpipa a thin uuk ngawp a, tua mihing thumte a mai ah a kipuak natu in thupia hi.

Daniel 3:19

Tuasia ciang Nebuchadnezzar kumpipa in Shadrach, Meshach le Abednego tungah a thin uuk mama a, a mai san liang hi. Tua ahikom ama in meiphual sia a sat ngeina sang a salivei in a satsak zawk natu in a mite thupia hi.

Obadiah 1:10

“Jacob ii suan le paal na suapui pate ii neisa suttol in that na hi ciang nang hong kisusia tu a a tawntungin na min hong kidaisak tu hi.

Obadiah 1:12

Judah ah a om na suapuite kaamsiat a thuak lai in diksa ku buale teh pha hi. Amate ii kisiat ni in na lungdam tu hi ngawl hi. Amate ii ngim nga ciang na nuisan buatu hi.

Matthew 10:17

Kidawm tavun, banghang ziam cile mihingte in hong man tu a, zum ah hong then in, synagogue te ah hong vel tu hi.

Matthew 10:28

Pumpi that thei a, a thaa a that thei ngawlte na kiita heak vun; hell sungah thaa le pumpi a lalcip khawmsak thei Pathian kiita zaw vun.

Matthew 12:24

Pharisee te in hi thu a zaak uh ciang “Doaite a ukpa Beelzebul in ama ii vaangletna pia a tua hu in doaite notkeak thei hi thong zam,” ci uh hi.

Matthew 17:5

Tuabangin a pau laitakin, a taang meeikaai khat in amate teng tuam a tuaciangin meeikaai sung panin awnging khat in, “Hi sia in ka it ka Tapa hi a, ama tungah ka lungkim hi; a thu na ngai tavun,” ci hi.

Matthew 18:21

Tuaciang Peter in Jesus kungah pai a, “Topa, ka suapuipa in ka tungah hong khial kikik le bang tanvei maisak tu khi ziam? Salivei dong ziam?” ci hi.

Matthew 18:35

Jesus in a thukhupna ah, “Na thin tak taw na suapuipa na maisak buale vantung ah a om ka Pa in mihing sim tungah tuabangin hong vawt tu hi,” ci hi.

Matthew 23:15

“Thukham hil syate le Pharisee te awng! No a kihitheamsakte awng! No atu in bangza in lauhuai ziam? Noma upna sungah mihing khat na nga thei natu in, tuipi tungah pai a, ngam theampo kaantan in pai nu hi; tuaciang tuabangin nungzui khat na nga zawk uh ciang, noma sangin hell ngam sungah a zaa nii in theng tu in a kilawm suaksak nu hi.

Matthew 23:33

Ngul le ngul ii suante awng, hell sungah hong kikhiak suk natu panin, bangbangin suakta tu in ki um nu ziam!

Matthew 25:41

“Tuaciangin a veisang a tote munah, ‘Kei kung pan tai vun, no Pathian ii haamsiat sate awng! Doaimangpa le a lalangte atu a kivawt kholsa tawntung meikuang sungah pai tavun.

Matthew 26:59

Thiampi liante le Council bup in Jesus a thalup thei natu in, leilot tetti pawlkhat zon tu in hanciam uh hi,

Matthew 3:17

Tuaciang van panin aw khat in, “Hisia in ka it ka Tapa hi a, ama tungah ka lungkim hi,” ci hi.

Matthew 5:34

Ahihang tu in kong cina panin: kamciam na kipiak uh ciangin kiciamna zangh heak vun. Vantung min lo in na kiciam heak vun, banghang ziam cile tua in Pathian tokhum ahi hi;

Matthew 5:44

Ahihang kei kong cina pan: na ngalte it vun a, hong vawtsiate atu thungetsak vun.

Mark 14:55

Thiampi liante le Council buppi in, Jesus a thalup thei natu, a mawna zong ahihang a mu zo bua uh hi.

Mark 15:1

Zingsang tuungin thiampi liante sia upate, Thukham hil syate le Council bup taw a manlang in hong kisitua uh a, amate in vaihawmna nei uh hi. Amate in Jesus thikkhau taw khi uh a, Pilate kungah paipui in aap uh hi.

Luke 12:5

Kiitak tu akua ziam ci sia kong lak tu hi. Pathian na kiita vun, ama in a thalup zawkciang meikuang sungah bum thei lai hi. Hong um tavun, na kiitak tu uh sia ama ahi hi!

Luke 22:66

Khuavak ciangin, amate thiampi liante le thukham hil syate kisitua uh a, tuaciang Jesus sia Council te mai ah paipui uh hi.

John 11:47

Tua ahikom Pharisee te le thiampi liante Council te taw kisitua in, “Bang law tu hi ziam? Hisia pa ii nalamdang lakna a vawt theampo en vun!

John 15:25

Ahizong, amate Thukham sungah, ‘Amate in thu om ngawlpi in, kei hong ensan hi,’ ci in a ki at sia, a taangtun natu hi bang teng a pian kul hi.

John 7:20

Mihonte in “Na sungah doai khat om hi! Akua in nang hong thatlum nuamin hanciam na ziam?” ci in zo uh hi.

John 8:48

Amate in Jesus munah, “Nang sia Samaria mi hi a, doai vei ni hi kong ci uh sia, maan hi ngawl khu ziam,” ci uh hi.

Sawltakte 17:18

Epicurean syate le Stoic syate zongh in, ama taw thu kinial uh hi. Pawlkhat in, “He ngawl napi, a kihesak hisia pa in, bang teng son nuam ziam,” ci in dongh hi. A dangte in, “Ama ii son sia, ngamdangte pathiante hi tuak hi,” ci in zo kik hi. Banghang hi bangin ci ziam cile, ama in Jesus thu le a thaw kikna thu a hil hang ahi hi.

Sawltakte 22:30

Ngalkap hon ukpa in, Jew te in Paul sia bang teng tatak taw mawsiat ziam, ci in he nuam hi; tua ahikom a zing ciangin, a thikkol suusak a, tuaciang thiampi liante le Council bup kikhop natu in, thupia hi. Tuaciang, ama in Paul paipui a, amate mai ah dingsak hi.

Sawltakte 23:1

Paul in Council te tangtan in en a, “Ka Israel mipuite awng! Pathian mai ah ka nuntakzia sia tuni mama dong ka thin thiangtho a, kithasunna nei ngawl khi hi,” ci hi.

Sawltakte 24:20

Tua ahibuale zong, Council mai ah ka din lai in, bangbang khialna lian ka vawt hong mu ziam ci in hi sungah a om mite in sonsak in —

Sawltakte 4:15

Tua ahikom amate Council zum pan pusuak tu in sawl a, tua zawkciang amate sungah, kikum uh hi.

Sawltakte 5:21

Sawltakte in, a sawl bangin ni a, khuavak ciangin Biakinnpi sungah tumin, hilcianna nei tu in kipan uh hi. Thiampi Lianbelpa le a pawl a lawmte in Jew lampuite theampo Council bup kikhopna ah kikhawm tu in sam uh hi; tua zawkciangin sawltakte amate mai ah a paipui natu in thonginn ah thupia uh hi.

Sawltakte 5:27

Sawltakte sungtan pui uh a, Council te mai ah, dingsakin, Thiampi Lianbelpa in thusit hi.

Sawltakte 6:12

Hi bang danin mihonte, upate le Thukham hil syate hol uh hi. Amate in Stephen manin Council mai ah paipui uh hi.

Sawltakte 6:15

Council sungah a to te theampo in, Stephen en tek uh a, a maitang sia vantunglalang maitang taw kibangin mu uh hi.

Sawltakte 7:37

Israel te tungah, ‘Pathian ii kei hong thataak bangma in, Pathian in note atu kamsaang khat hong paisak tu hi,’ tua pa in noma mi pui khat hi tu hi’ a ci pa sia Moses ahi hi.

Romete 12:10

Khat le khat Tapidaw unau khat bangin ki it in, khat le khat kizatak vawt vun.

1 Corinth te 6:10

na ngu theite, a duhopte, zukhamte, ngual ngensia theite, ngutate, hite kuama in Pathian Ngam lua ngawl tu hi.

1 Corinth te 6:6

Tua hi napi in Tapidaw thunei khat in a dang khat sia thukhenzum then a, thu um ngawlte in tua thu na khensak zawpum uh hi!

Thuhil kikna 15:11

Israel te sungah a zawng le a cimaw pawlkhat om tawntung tu ahiciang, tuate tungah ngo takin na piak natu uh in thu kong pia hi.

Thuhil kikna 16:18

“Topa na Pathian ii hong piak thukhente le ulian dangte khua sim ah koi vun. Hi mite in thu lang khen ngawl, nguptuam nei ngawlin mipite tungah thukhen tu hi.

1 Thessalonica te 4:6

Tua ahikom hi thu tungtaang ah, kuama in ama ii Tapidawpuipa tungah khial ngawl tu a, hamphatna in la thei ngawl tu hi. Hi thu kong son ngei zo uh a, tuabang a ngamtate Topa in daan pia tu hi, ci in nasia takin kidop natu kong son zo uh hi.

Titus 3:2

Kuama siat son ngawlin, ngual taw kilem a, a kuama theampo tungah, cikna thiamna a lak tawntung natu na son in.

Hebrew te 12:25

Tua ahikomin kidawm vun a, a sonpa sia ngai nuam ngawlin, nial heak vun. Pathian thu leitung ah a son pa nadon ngawl a, a nialte a suakta bua hi. Vantung pan hong sonpa na thusim buale bangbang suakta thei seseam tu hi ziam!

Hebrew te 5:9

Ama sia a cingtaak a kisuasak zawkciang, ama thu a ni theampo atu in, tawntung ngupna ii naak a suak hi.

James 2:20

Mihing mawmawte awng! ngamtatna om ngawl upna in, kimanna nei ngawl hi, ci thu a kilak tu na dei uh ziam?

James 3:6

Tuaciang leei sia meikuang taw kibang hi. Ama sia khialna omna leitung hi a, ih pumpi sungah mun la in hong om a, ih pumpi bup tungtawnin thusia kizelsak hi. Hell pan a hong pai meikuang taw in nuntak sung tawntung hong hal hi.

1 Peter 2:23

Ama a kilan ciangin selnona kam taw thuk ngawl hi; ngimna a thuak ciang kuama tawng ngawl a thutang thukhenpa Pathian tungah a lametna koi zaw hi.

1 Peter 3:9

Ngitlona sia ngitlona taw thuk kik heak vun a, haamsiatna zongh haamsiatna taw thuk kik heak vun; tua hi ngawl zaw in thupha taw kithuk zaw vun, banghang ziam cile, note Pathian hong sap lai in piak tu a hong kamciam sia thupha hi zaw hi.

1 John 2:9

A kuama po khuavak sungah ka om ci napi a, a suapuite a ensan le ama in tu dong ma in khuazing sungah om hi.

1 John 3:10

Pathian ii tate le Doaimangpa tate kilaklaw ah, a kilamdanna in hisia ahi hi: thutangin a ngamta ngawl ahibuale ngual a it ngawl khat pawpo sia in Pathian ta ahi bua hi.

1 John 5:16

Na suapuipa in thina dong a then thei tu ahi ngawl mawna khat a vawt le ama nuntakna a pia tu Pathian munah thu ngetsak in. Hi sia in thina hong then thei mawnate ngawl buang atu in a kizangh thei thu ahi hi. Ahihang thina dong hong then thei mawna om a, tua tungtaang ah Pathian munah thungetsak tu kong ci bua hi.

Jude 1:9

Vantunglalangte sung pan a lianbel Michael zongh in hi bangin ngamta ngawl hi. Moses luanghawm sia Doaimangpa taw a kituu laitakin, Michael in Doaimangpa sia kamsia taw na lang ngawl a, “Topa in nang hong teih tahen,” na ci bek hi.

Thupualaakna 20:14

Tua zawkciang thina le mithi khua sia zongh meili sungah kisep hi. (Hi meili in niivei thina ahi hi.)