Matthew 5:18 - Syin Chin Bible

¹⁸ Na theampo ii tawp natu a khuangkhim mateng, simlei le vanpi a kip laiteng, thukham sung a thu nobel khat zongh a bo thong buatu hi.

Matthew 5:18 Iomraidhean Croise

Psalm Late 102:26

Amate sia bo vangeu tu a, ahihang nang sia na om lai tu hi; amate in puan bangin tul tu hi. Nangma in amate puan bangin na vawk tu a, amate a bo tu hi.

Psalm Late 111:8

Tuate in a tawntungin kikhomsuan hi; thumaan thutak le thutang taw a kipia ahi hi.

Psalm Late 119:152

Na lamlaknate ka heak zawk ngei zo hi; tuate sia a kikhomsuan tu in na vawt ahi hi.

Isaiah 40:8

Hi hi, lopate kongaw in paakte vul a, ahihang ih Pathian ii kammal sia a tawntung kip hi,” ci hi.

Isaiah 44:26

Ahihang ka naseampa in thuson kholna khat a nei ciang, ka ngealnate pualaak tu in, kamtai khat ka puak ciang tua ngealnate le sonkholnate ka taangtungsak hi. Jerusalem ah mite teang kik tu hi ci in Jerusalem tungah ka son a, Judah ngam khuapite kisa kik tu hi ci in Judah ngam khuapite ka son hi. Tua khuapite sia a siatcipnate sung pan tho to tu hi.

Isaiah 51:6

Vantungte ento vun; leitung en vun! Vantungte sia meikhu bangin mang vadi tu hi; leitung sia puan lui taw kibangin paat vadil tu a, a mite theampo sia tho bangin thi tu uh hi. Ahihang keima ii ngupkhiatna ka piak sia kip tawntung tu hi; ka ngalzawna sia a tawntung atu ahi tu hi.

Matthew 10:15

A tatak kong ci ciang thukhen ni ciangin tua khua mite sangin, Sodom le Gomorrah khua mite tungah Pathian in hesuakna lak zaw tu hi.

Matthew 10:23

Khuapi khat sungah hong kivawtsiat ciangin, khuapi dang khat ah tai vun. A tatakin kong ci ciang, Mihing Tapa hong pai kik ma in, Israel te khuapi theampo ah na nasep, na khuangkhim zo buatu uh hi.

Matthew 10:42

Hi sung ka nungzuite sung pan, a nobel khat sia, keima nungzui ahi hu in, tuidam hai khat bek a pia zong a maan takin thaman saang tu hi,” ci hi.

Matthew 11:11

A tatak ka ci ciangin tuiphumpa John sia a piang ngei mihing khat pawpo sangin lianzaw hi. Ahihang Vantung ngam sungah a om a nobel khat sia John sangin lianzaw hi.

Matthew 13:17

A tatak ka ci ciang, kamsaang tam mama le Pathian mi thiangtho tam mamate in, no ii mu teng mu nuam mama a, no ii zaak teng za nuam ahihang amate in mu ngawlin za ngawl uh hi.

Matthew 16:28

A tatak kong ci ciang, hi lai ah a om mihing pawlkhatte ahile, Mihing Tapa Kumpipa in hong pai a mu mateng in a thi buatu hi,” ci hi.

Matthew 17:20

Jesus in, “Banghang ziam cile noma in upna kicing nei ngawl nu hi. A tatakin kong ci ciang, ankamhtang cia upna nei hi le uhte hi mual munah, ‘Hi sung panin zialai ah kikhiin in,’ ci in sawl le uhte kikhiin tu hi. Na khat pawpo na vawt thei tu uh hi.

Matthew 18:18

“Tua ahikom na vekpi tungah hong ci khi hi: leitung ah na kha uhte vantung zongh ah kikhak tu hi; leitung ah na hon uhte vantung zongh ah kihon tu hi.

Matthew 18:3

“A tatakin kong ci ciang kikheal in patangte bang na suak bua uh le Vantung ngam sungah na tum thei buatu uh hi.

Matthew 19:23

Jesus in a nungzuite munah “A tatakin ka ci ciang sumhaute Vantung ngamsung a thet tu sia haksa mama tu hi.

Matthew 19:28

Jesus in, “A maan takin kong ci hi. Mihing Tapa sia hong pai tu Khang Thak hun sungah minthanna kumpi tokhum tungah hong to ciangin, no kei hong zui sawm le niite zongh kumpi tokhum tungah to in Israel minam sawm le niite na uk tu uh hi.

Matthew 21:21

Jesus in “A tatakin kong ci ciang, um in muang la bua po le uhte hi thei tungah ka vawt bangin na vawt thei tu uh hi. Hisia bek zongh hi ngawlin, hi mual munah, ‘Tho to in a, tuipi sungah kilawnsuk in,’ ci le uhte, tuabang ma in hong hi tu hi.

Matthew 21:31

Tapate nii sung pan akua in a pa thu ni zaw ziam?” ci hi. “A tapa lianzaw sia in ni zaw hi” ci uh hi. Tuaciang Jesus in amate tungah, “Kei kong ci in ah: Shiadongte le numei paktatte in Pathian Ukna ngam sungah note sangin theng masa zaw tu hi.

Matthew 23:36

A tatakin kong ci ciang mihing that theampo hangin na thuak uh daan sia tu hun mihingte ii tungah hong tung tu hi!

Matthew 24:2

Jesus in, “Hi hi, en tek vun. A tatakin kong ci ciang, hi sungah suangte khat zongh a omna ngei san ah om nawn ngawl tu hi; a vekpi kilawn keak siat tu hi,” ci hi.

Matthew 24:47

A tatakin kong ci ciang, a topa in tua naseampa sia a neisa theampo uk tu in koi tu hi.

Matthew 25:12

‘Hong tumsak mama ngawl tu khi hi! No hong he ngawl khi hi,’ ci in zineipa in zo hi.”

Matthew 25:40

Kumpipa in, ‘A maan tak ka ci ciang, hi ka suapuite a nobel khat tungah na vawt uh sia kei tung a hong vawt na hi uh hi!’ ci in zo tu hi.

Matthew 25:45

Kumpipa in, ‘Kei kong cina pan, hi lai ah mihing thupi ngawlbelte khat na hu nop ngawl uh ciang, keima hong hu nuam ngawl na hi uh hi.’

Matthew 5:26

A maan tatak kong ci ciangin, tua na liausum teng a cingin na piak siat mateng thonginn sung pan na suakta thei buatu hi.

Matthew 6:16

“Tuaciang, an na tan uh ciang, a kihisak theamte bangin maikhingin om heak vun. Amate sia a antan hunlam uh ngual heak tu in kipua ngawl lui in om hi. A tatakin ka ci ciang, amate in a thaman uh a cing takin a kipiasa ahi hi.

Matthew 6:2

“Mihing cimaw khat huna na nei uh ciangin, mihing a kihitheamsakte in lampi liante tung le biakna innte ah a vawt uh bangin, pokngaina taw vawt heak vun. Amate ahile, mihingte pok tu thangai in tuabangin ngamta hi. A tatakin ka ci ciang, amate ii a thaman uh a cing takin kipia zo hi.

Matthew 8:10

Jesus in hi thu a zaak ciangin, lamdang sa in, a nungzuite munah, “A tatakin ka ci ciang Israel ngam sungah hi bang upna mu ngeingawl khi hi,” ci hi.

Mark 10:15

A tatakin kong ci ciang, patangno khat ii saan bangin Pathian Ngam a saang ngawl peuma in, tuasung ah a tum thei buatu hi.”

Mark 10:29

Jesus in, “Hi hi, khat pawpo in inn ahizong, suapuipate ahizong, suapuinumeite ahizong, nu, pa, tate le lote ahizong, kei hang le lungdamna thu hangin a nusia le,

Mark 11:23

A tatakin ka ci ciang, khat po in hi mual munah, tho in tuipi sungah kisep in ci in sawl hen a, a thinsung ah lungmang ngawlin a ci sa teng bang piang tu hi ci in a um takpi le, a up bangin piang tu hi.

Mark 12:43

Ama in nungzuite sam in, “A tatakin ka ci ciang midangte sangin, hi meingongnu in tam khia zaw hi.

Mark 13:30

Tu laitak hunin a nungta mihingte a thi siat ma in hi thute hong tung tu hi — ci in na ciamtee tavun.

Mark 14:18

Sabuai ah an ne in a om laitak Jesus in, “No sung pan kei taw an nekhawm khat in, kei hong leeheak tu nu hi,” ci hi.

Mark 14:25

A maan takin ka ci ciang, Pathian Ngam sungah sapittui thak ka dawn mateng, hi sapittui thak ka dawn nawn buatu hi,” Jesus in ci hi.

Mark 14:30

Jesus in Peter munah “A tatakin kong ci ciang, zan ciangin ak niivei a khuan ma in thumvei kei nong nial tu hi,” ci hi.

Mark 14:9

A tatakin ka ci ciang, leitung theampo ah lungdamna thu a kihil lai tengin ama ii vawt teng sia ama phawna taw kison tu hi,” ci hi.

Mark 3:28

“A tatak ka ci ciang, mihingte sia a mawnate le a sia a paunate uh pan kimaisak thei hi.

Mark 6:11

Khua khat po ah no hong kisaang bua a, hong ngai nuam bua ahile, nusia vun a, na peang tung leivuite na thin tavun. Tuate amate kidop natu thupiakna ahi hi,” ci thua hi.

Mark 8:12

Ahihang Jesus phiing vahumin, “Banghangin tu lai mihingte in nalamdang lakna veu hong ngen ziam? Hong pia ngawl tu khi hi kong ci hi! Hi mihingte tungah tuabang laknate kipia ngawl tu hi!” ci hi.

Mark 9:1

Tuaciang ama pau thua lai a, “A tatakin kong ci ciang, hi sungah a om mihing pawlkhatte in Pathian Ngam sia vaangletna taw hong pai a mu uh mateng a thi buatu hi,” ci hi.

Mark 9:41

A tatakin kong ci ciang, keima mi na hi uh hu in, tuidam hai khat hong sua sia in, a thaman saang tatak tu hi.”

Luke 11:51

Abel kisuamlupna pan kipan biaknatau le Thiangtho Mun, kilaklaw ah Zechariah a kisuamlupna dong huam tu hi. Hi hi, hong son khi hi, tu hun a mihingte tuate theampo hu in, daan kipia tu hi!.

Luke 12:37

Ama hong cia kik ciangin a kinging sa in a om, a khuaphawk naseamte, a topa in a mu ciang amate bangzata in thupha a nga tu ziam? A maan takin kong ci ciangin, a topa in a laktong puasilh suut tu a, amate a tosak zawkciang anvaak tu hi.

Luke 13:35

Tua ahikom na Biakinnpi uh sia kinusia cip tu hi. A tatakin ka ci ciang, ‘Topa min taw hong pai pa tungah Pathian thupha tung tahen,’ na ci uh hun mateng kei nong mu buatu hi,” ci hi.

Luke 16:17

Ahizong tua Thukhamte sungah thu theklek no khat a bo tu sangin van le lei a bo tu ol zaw tu hi.

Luke 18:17

Hi thu ciamtee vun! Hi patangno khat bang a, Pathian Ngam a saang thei ngawlte tua ngam sungah a tum thei buatu hi,” ci hi.

Luke 18:29

Jesus in amate tungah, “Hi hi, A maan tatak ka ci ciangin, Pathian Ngam atu in, inn ahizong, zi ahizong, suapuite ahizong, nu le pate ahizong, tate ahizong, a nusiate in,

Luke 23:43

Jesus in ama munah, “A maan tak kong ci ciang, tuni in nang sia keima taw Paradise ah na om tu hi, ci in kong kamciam hi,” ci hi.

Luke 4:24

A tatakin kong ci ciang, kamsaangte sia, amate khua ah kisaang ngeingawl hi,” Jesus in ci lai hi.

John 1:51

Tuaciang in amate tungah, “Thumaan hong son khi hi: vantung kihong na mu tu a, Mihing Tapa tungah Pathian ii vantunglalangte a tuaksuk a kaato kithalee in a om na mu tu hi,” ci hi.

John 10:1

Jesus in, “A tatakin kong ci hi: tuukhawk sungah a kongpi pan tum ngawlin leidang pan kaato a, a tum sia nguta le ngualsuam phalakte ahi hi.

John 10:7

Tua ahikom Jesus in hi bangin ci kik hi. “A tatakin kong ci hi: Kei sia tuute ii kongpi ka hi hi.

John 12:24

A tatakin kong ci hi: zungtaang tang khat lei ah taak a, a thi phot buale tang khat nguak hi top hi. A thi le a tang tam piangsak hi.

John 13:16

A tatakin kong ci hi: sila khat sia a topa sangin lianzaw ngawl a, kamtaipa khat sia a sawlpa sangin lianzaw ngawl hi.

John 13:38

Jesus in, “Kei atu thi tu in kinging tatak ni ziam? A maan tak kong ci hi: ak khuan ma in ka he bua hi ci in thumvei hong nial tu ni hi,” ci in zo hi.

John 14:12

A maan takin kong ci hi; kei hong um peuma in, ka vawt teng a vawt tu hi — hi hi, a thupi zaw zongh vawt tu hi, banghang ziam cile kei Pa kung ka zuan tu hi.

John 16:20

A tatakin kong ci hi: note au in kap tu nu hi, ahihang leitung lungdam tu hi; note hee tu nu hi, ahihang na heena uh sia lungdamna hong suak tu hi.

John 16:23

“Tua ni hong thet ciangin, kei tungah bangma nong ngen buatu uh hi. A maan tatak kong ci hi: Pa in kei min suangin na nget pawpo hong pia tu hi.

John 21:18

A maan takin kong ci hi: na khanmoi lai in, a kinging sa in na om bul a, na uukna theampo ah na pai bul hi, ahihang na khanhaam ciangin, na khutte na vaan tu a, tuaciang khat in khau hong khii in, na uuk ngawlna ah hong paipui tu hi,” ci hi.

John 3:11

Keima in nang tungah thumaan hong son khi hi: ka heak uhte kong son a, ka mu uhte hong ko khu hi, tua hi napi kuama in ko ii thupuak sia saang nuam ngawl nu hi.

John 3:3

Jesus in, “Thumaan hong son khi hi: niivei a suak kik buale, kuama in Pathian Ngam mu thei ngawl tu hi,” ci in zo hi.

John 3:5

Jesus in “Thumaan hong son khi hi. Tui le Thaa taw a suak buale, Pathian Ngam sungah kuama tum thei ngawl tu hi.

John 5:19

Tua ahikom amate kungah Jesus in, “A tatakin kong ci hi: Tapa in ama thu taw bangma vawt thei ngawl hi; a Pa ii vawt a mu teng bekma vawt hi. Pa ii vawt teng Tapa zongh in vawt hi.

John 6:26

Jesus in, “A tatakin kong ci ciang, kei nong zon uh sia, nalamdang ka laknate na tel uh hang hi ngawlin, anluum na du uh za a na neak uh hang ahi hi.

John 6:32

Jesus in “A tatakin ka ci hi: Moses ii no hong piak anluum sia vantung pan hi ngawl hi. Vantung pan no atu anluum tatak hong pia pa sia ka Pa ahi hi.

John 6:47

A maan takin kong ci hi: a um sia in tawntung nuntakna nga hi.

John 6:53

Jesus in amate munah, “A maan takin kong ci hi: Mihing Tapa ii taksa na ne bua uh a, a chi na dawn bua uh le, note sungah nuntakna na nei buatu uh hi.

John 8:34

Jesus in, “A maan takin kong ci ciang, a kuama po mawna a vawt theampo in mawna ii sila ahi hi.

John 8:51

A maan takin kong ci hi: a kuama po ka hilcianna a nite, a thi ngei buatu hi,” ci in zo hi.

John 8:58

A maan takin kong ci hi, “Abraham pian ma in, ‘Keima’ ka om zo hi,” ci in Jesus in zo kik hi.

1 Peter 1:25

Ahihang Topa kammal sia a tawntungin kip hi,” ci hi. Hi kammal sia no tung a hong kithangsak tua Lungdamna Thupha ahi hi.

Thupualaakna 20:11

Tuaciangin a lian kumpi tokhum kaang khat le a tungah a to pa ka mu hi. Leitung le vantung sia ama omna panin tai uh a, mu mun om nawn ngawl hi.