Matthew 5:17 - Syin Chin Bible

¹⁷ “Moses thukham le kamsaangte hilnate bosak tu in hong pai hong sa heak vun. A bosak tu hong pai hi ngawlin, a khuangkhimsak tu in hong pai ka hizaw hi.

Matthew 5:17 Iomraidhean Croise

Isaiah 42:21

Topa sia hong ngup tu a ngakla Pathian hi a, tua ahikom a thukhamte le a hilnate thupisak hi, tuaciang ama in tuate a mite ii zatak tu dei hi.

Matthew 3:15

Ahihang Jesus in zo kik a “Pathian ii deina theampo a kicin natu in, tu in hong seam ta'n,” ci hi. Tuaciang John zongh thukim hi.

Matthew 7:12

“Noma tungah hong kivawt le na oai uh bangin, ngual tungah na vawt vun; tuasia in Moses Thukham le kamsaangte hilnate ii a khiakna ahi hi.

Luke 16:17

Ahizong tua Thukhamte sungah thu theklek no khat a bo tu sangin van le lei a bo tu ol zaw tu hi.

John 8:5

Ih Thukham sungah Moses in tuabang numei khat sia suang taw denlup natu in thupia hi. Tu in bang na ci tu ziam?” ci uh hi.

Sawltakte 18:13

“Hi sia pa in thukham taw a kisi ngawl biaknazia taw Pathian biak natu mihingte zol tu in hanciam hi!” ci uh hi.

Sawltakte 21:28

“Israel pasalte awng! Hong hu tavun! Hisia pa sia mun theampo ah pai in, Israel te, Moses Thukham le hi Biakinnpi langpan in, hilcianna a neipa hi. Tu zonghin, ama in Gentile te pawlkhat Biakinnpi sungah paipui in, hi a thiangtho mun sia ninsak hi!” ci in au uh hi.

Sawltakte 6:13

Tua zawkciangin, leilot tetti pang tu in, mihing pawlkhat sungtangsak hi. Amate in, “Hisia pa in, a thiangtho ih Biakinnpi le Moses Thukham sia langpan tawntung hi.

Romete 10:4

Banghang ziam cile a umte theampo Pathian mai ah thutang a sua natu in Christ in thukham bosak zo hi.

Romete 3:31

Upna in Thukham phiat hi cinopna ahi ziam? Hi ngawl het hi; eite in Thukham ih kipsak zaw hi.

Romete 8:4

Pathian ii hi bangin a sepna in ei, mihing pianzia bangin nungta ngawl a, Thaa ngeina bangin a nungtate in Thukham ii thutang sua natu a deina sia a khuangkhim natu in seam ahi hi.