Matthew 5:11 - Syin Chin Bible

¹¹ “Kei nungzui na hi uh hu in ngual in hong zawngsak hong vawtsia in, ngitlo leilot thu a nanam taw mawna hong zong le mihing lungdamte na hi uh hi.

Matthew 5:11 Iomraidhean Croise

Psalm Late 35:11

Mi ngilote in kei lang ah tetti in hong ding uh a, ka heak ngawl khialna liante hong suan hi.

Psalm Late 44:22

Ahihang nang hu in kote thalupna ka thuak tawntung uh a, ngawlup tu tuute bangin hong kivawt hi.

Isaiah 25:8

Vaanglianpipa Topa in thina a tawntungin mangthangsak tu hi! Ama in mihing theampo ii thitui nawlsak in, a mite ii leitung mun theampo ah a thuak maimawl na sia laaksak tu hi. Topa ama mama in ci zo hi!

Isaiah 51:7

“Thumaanna he in, na thinsung uh ah keima thuhilna a vom mite awng, ka thu hong ngai tavun. Mite in hong selno in hong lan ciangin lau heak vun;

Isaiah 66:5

No, ama kiita in a thu a nite in, Topa ci bang ngai vun: “Kei tungah nong thumaan hu in, na mite sung pan ma in pawlkhat sia note hong ensan in bangma hong heang ngawl tu hi. Amate in no hong nunau in, ‘Lungdam takin na nuntak uh kong mu thei natu uh in, Topa in a letna hong lak hen a, hong ngum tahen’ hong ci uh hi. Ahihang amate mama maimawl tu uh hi!

Jeremiah 37:14

“Tuabang hi ngawl hi! Tai ku ngawl khi hi,” ci in ka zo hi. Ahihang Irijah in ka thuson hong ngai bua hi. Ama in kei hong manin uliante kungah hong paipui zawsap hi.

Matthew 10:18

Kei hu in note sia ngamukte le kumpite mai ah hong kipuak tu a thu hong sit tu hi. Amate tung le Gentile te tungah Lungdamna Thupha huvau na son thei natu hi tu hi.

Matthew 10:22

Kei hangin a kuama theampo in, hong ensan tu hi. Ahihang a tawp dong a thuak zo sia kihun tu hi.

Matthew 10:25

Tua ahikom, nungzui khat sia a syapa taw a kiban ciangin, lungkim tahen a, sal khat zongh in a topa taw a kiban ciangin, lungkim tahen. Baangkua pabel sia Beelzebul a kici le, a innkuan pui dangte zongh min a sia seseam taw kina tu hi.

Matthew 10:39

A nuntakna a nga natu a hanciam khat pawpo sia a nuntakna taan tu hi; ahihang a kuama po kei hangin a nuntakna a taan le, nuntakna tatak nga tu hi.

Matthew 19:29

Tuaciang a kuama po kei hu in, a inn, a suapuipate, a suapuinute, a pa, a nu, a tate, a leitang khat pawpo a nusiate in, a see zakhat sangin tamzaw in saang tu a, tawntung nuntakna kipia tu hi.

Matthew 24:9

“Tua zawkciang note hong kiman tu a, daan piak tu le thalup tu in hong ki aap tu hi. Keima hu in mihing theampo in note hong ngaimaw tu hi.

Matthew 27:39

Tua mun kaantan a hong pai mihingte in Jesus sia lupei sanin nunau zazaan uh hi.

Mark 13:13

Mihing theampo in note kei hu in, hong ensan tu hi. Ahihang a tawp dong a thuak zote in ngupna a nga tu uh hi.

Mark 13:9

“Noma le noma na kikeam vun. No sia hong kiman tu a, zum mai ah hong kithen tu hi. Synagogue te ah hong kivel tu hi, Lungdamna Thupha son tu le, keima hu in ngamukte le kumpite mai ah note na ding tu uh hi.

Mark 4:17

Ahihang a thu in amate sungah thuk bun ngawl ahikom, khuangei a khom bua uh hi. Tua ahiciang tua thu hangin ngimna le vawtsiatna hong pai ciang, thakhat thu in amate pukkik uh hi.

Mark 8:35

Banghang ziam cile a nuntakna a huu nuam sia in a nuntakna taan tu hi; ahihang kei hang le Lungdamna thu hang a nuntakna a taan sia in a nuntakna huu tu hi.

Luke 21:12

Ahizong, hi thute theampo a pian ma in, note hong kiman tu a, hong kivawtsia tu hi; synagogue te ah thu kisit tu in, hong ki aap tu a, tuaciang thong sungah hong kikhum tu hi; keima hu in no sia kumpite le ngamukte mai ah hong kithen tu hi.

Luke 21:17

Kei hu in no sia mihing theampo in hong ensan tu hi.

Luke 6:22

“Mihing Tapa hangin ngual in hong ensan a, hong nial in hong lang in, misiate awng hong cile, a lungdamte na hi uh hi!

Luke 9:24

Banghang ziam cile a kuama po ama nuntakna a hu nuam sia in taan tu a, ahihang kei hangin a nuntakna a taan sia in a nuntakna a hu tu hi.

John 15:21

Ahihang amate in hite theampo note tungah hong vawt tu hi, banghang ziam cile note keima neisa na hi uh hi; banghang ziam cile amate in kei hong sawlpa he ngawl hi.

John 9:28

Amate in ama lang a, “Tuasia pa nungzui sia nangma ni hi; ko sia Moses ii nungzuite khu hi.

Sawltakte 9:16

Tuaciang keima mama in kei ii hu a, a thuak tu theampo zongh ka lak tu hi,” ci hi.

Romete 8:36

Laithiangtho in hi bangin a ci bangma “Nang hu in kote thina ii lauhuaina sungah a ni bup in ka om uh hi; kote sia a kingolum tu tuute bangin hong kivawt hi,”

1 Corinth te 4:10

Christ atu in kote a mawmaw ka suak uh a, ahihang note in Christ taw na kipumkhatna uh hu in, mihing ciimte na hi uh hi! Kote ka tha uh zawm a, ahihang note sia na hat uh hi: Kote hong kizawngsak ahihang note hong kizatak vawt hi!

2 Corinth te 4:11

Hi a thithei ka pumpi uh pan ama ii nuntakna a kimu thei natu in, ka nuntak sung tawntung, Jesus hangin thi tu launa ka nei tawntung uh hi.

Philippi te 1:29

Ama um bek ngawlin, ama hang a ngimna na thuakna uh taw, Christ atu nasep thei natu in hamphatna nga na hi uh hang hi.

1 Peter 2:23

Ama a kilan ciangin selnona kam taw thuk ngawl hi; ngimna a thuak ciang kuama tawng ngawl a thutang thukhenpa Pathian tungah a lametna koi zaw hi.

1 Peter 4:14

Christ ii nungzui na hi uh hu in hong kizawngsak ahile, na lungdam tu uh hi; tua in a vaanglian Thaa ahi Pathian Thaa Thiangtho in no tungah a om hang ahi hi.

Thupualaakna 2:3

Note na thin uh uai a, kei atu in thuakin, na thin uh na thasua bua uh hi.