Matthew 5:10 - Syin Chin Bible

¹⁰ “Pathian ii deina bang ngamtatna hangin vawtsiat a thuakte in, mihing lungdamte ahi uh hi; Vantung ngam in amate aa hi tu hi!

Matthew 5:10 Iomraidhean Croise

Psalm Late 37:12

Mihing seksolte in mihing phate thasawmin etsatna taw salh uh hi.

Isaiah 66:5

No, ama kiita in a thu a nite in, Topa ci bang ngai vun: “Kei tungah nong thumaan hu in, na mite sung pan ma in pawlkhat sia note hong ensan in bangma hong heang ngawl tu hi. Amate in no hong nunau in, ‘Lungdam takin na nuntak uh kong mu thei natu uh in, Topa in a letna hong lak hen a, hong ngum tahen’ hong ci uh hi. Ahihang amate mama maimawl tu uh hi!

Matthew 10:23

Khuapi khat sungah hong kivawtsiat ciangin, khuapi dang khat ah tai vun. A tatakin kong ci ciang, Mihing Tapa hong pai kik ma in, Israel te khuapi theampo ah na nasep, na khuangkhim zo buatu uh hi.

Matthew 19:14

Jesus in, “Patangte ka kungah hong pai tahen, khaam heak vun, banghang ziam cile Vantung ngam sia tuabangte atu ahi hi,” ci hi.

Matthew 25:34

Tuaciang Kumpipa in ziatsang a om mihingte munah, ‘Hong pai tavun; Ka pa ii thupha piakte awng! Simlei a kibitphua ciil panin no atu a kipua khol sate lua tu in hong pai tavun.

Matthew 5:3

“Thaa thu ah a zawngkhal hunlam a kihete in, mihing lungdamte ahi hi; Vantung ngam sia amate aa ahi hi!

Mark 10:14

Jesus in hi bang a ngamtat uh a mu ciangin, thin uuk a amate tungah, “Patangte ka kungah hong pai tahen, khaam heak vun, banghang ziam cile Pathian Ngam sia hi bangte atu ahi hi.

Mark 10:30

ama in hi khang hun sungah a tamzaw lai nga tu hi. Ama in innte, suapuipate, suapuinumeite, nu, pa, tate le lote a zaa zakhat tamzaw in nga tu hi, vawtsiatna zongh thuak tu hi, tuaciang hong pai pheang tu hun sungah tawntung nuntakna nga tu hi.

Luke 21:12

Ahizong, hi thute theampo a pian ma in, note hong kiman tu a, hong kivawtsia tu hi; synagogue te ah thu kisit tu in, hong ki aap tu a, tuaciang thong sungah hong kikhum tu hi; keima hu in no sia kumpite le ngamukte mai ah hong kithen tu hi.

Luke 22:29

ka Pa in ukna za hong piak bangma in no zong kong pia tu hi,

Luke 6:20

Jesus in a nungzuite en a, “No a zawngte in a lungdam te na hi uh hi. Pathian Ngam sia note aa ahi hi!

Luke 6:22

“Mihing Tapa hangin ngual in hong ensan a, hong nial in hong lang in, misiate awng hong cile, a lungdamte na hi uh hi!

John 15:20

Kong sonsa thu phawk tavun: ‘Silapa in a topa sangin lianzaw ngawl hi.’ Amate in kei hong vawtsia le no zongh hong vawtsia tu hi; amate in ka hilna a mang uh le no hilna zongh zui tu hi.

Sawltakte 5:40

Sawltakte sungtang in sawl a, vel in, Jesus min taw a hil nawn ngawl natu thupia hi; tua zawkciang amate tha uh hi.

Sawltakte 8:1

Tuaciang Stephen a thalupna sia Saul in lungkimpui hi. Tua ni mama in Jerusalem a om pawlpi sia vawtsiatna nasia takin thuak tu kipan hi. Sawltakte simngawl thu um dangte theampo sia Judea le Samaria ngamkhente sungah kithethaang siat uh hi.

2 Corinth te 4:17

Tuaciang, hi tawmvei hunsung ka thuak uh ngimna tawmnote in, tua ngimna sangin a tamzaw pek, a lian mama tawntung minthanna sungah kote hong then tu hi.

Philippi te 1:28

Na ngalte na kiita heak vun; na thinlian tawntung tavun, tua hile amate in hong lel tu a, noma in na zo tu uh hi, banghang ziam cile zawna hong pia sia Pathian ahi hi.

2 Timothy 2:12

Thuakna ih zom to suak le ama taw ih maangkhawm tu hi. Ama ih nial le, ama zongh in hong nial tu hi.

2 Timothy 3:11

hong kivawtsiatna le ka thuak thute theampo nong mu zo hi. Antioch, Iconium le Lystra ah vawtsiatna nasia mama ka thuak sate theampo na he zo hi. Ahihang, Topa in tuate theampo pan hong suatak hi.

James 1:12

Ze etna haksa a thuak zote in a lungdam mihing ahi hi, banghang ziam cile tuabang hong sit nate a zaw ciangin, Pathian a itte tungah a kamciamsa nuntakna sia tel in saang tu hi.

James 5:11

Amate sia mihing lungdamte hi ih ci hi, banghang ziam cile amate in thuak zo uh hi. Job ii thin sauna te na za zo uh a, a tawpna ah Topa ii piakkikna thu na he zo uh hi. Banghang ziam cile, Topa sia hesuakna le ciliapna taw kidim hi.

1 John 3:12

Eite Cain taw ih kibang buatu hi; ama sia Ngilo Pa ii neisa hi a, a suapuipa tatak Abel thatlum hi. Banghang Cain in ama thatlum ziam? Banghang ziam cile ama ii ngamtatnate sia maan ngawl a, a suapuipa ngamtatnate maan ahihang hi.

Thupualaakna 2:10

Na thuak lai tute a bang po ahizong, lau heak vun. Ngai vun! Doaimangpa in note hong ze etna in, pawlkhat thonginn sung denna in hong nei tu a, na ngimna uh sia ni sawm sung teng hi tu hi. Thi tu keak a kul zong kei tungah hong thumaan tavun, tua hile nuntakna sia zawna tel in kong pia tu hi.