Matthew 4:8 - Syin Chin Bible

⁸ Tuaciang Doaimangpa in mualsaang mama khat ii tungah paipui a, leitung ngam tuatuamte ii letna theampo lak hi.

Matthew 4:8 Iomraidhean Croise

Esther 1:4

Kumpipa in a ngam haunate le kumpi zum ii vaang neina, nasiatna taw a thupiziate tha luk sung bup lak hi.

Esther 5:11

Ama in a hauna teng, a tapa nei teng, kumpipa ii a za a laptona thu, le kumpi ulian dangte sangin a thupi zawkna thu teng amate tungah kisuangtaak hi.

Daniel 4:30

ama in, “En vun, Babylon khua bangzata lian ziam! Ka vaangletna, ka thahatna, ka minthanna le ka letnate lak natu ka khuapi in ka sa hi,” ci hi.

Mi Simna 23:3

Tua zawkciang Balaam in Balak tungah, “Topa in kei hong mu nuam ziam hong mu nuam ngawl ziam, pai in ka na et laanin, nang na meihal biakpiakna hui ah na ding zii in. Ama ii kei tungah hong pualaakna babangin kong son kik tu hi,” ci hi. Tuaciang Balaam sia mualdawn ah ama nguak kaato a,

Matthew 16:26

Mihing khat in leitung theampo a nga zonghin, ama nuntakna a taan le bang meetna nei tu ziam? Meet ngawl tu hi! Ama nuntakna a nga kiksak natu a piak thei khat zongh om ngawl hi.

Matthew 4:5

Tua zawkciang Doaimangpa in Jesus sia Khuapi Thiangtho Jerusalem ah paipui a, Biakinn khuvum a saangbel na ah suanhto hi.

John 5:20

Pa in Tapa it ahikom ama ii vawt teng theampo ma lak hi. Hite sangin a lian zaw lai, a vawtte ngawngawn lak tu a, note theampo in lamdang na sa tek tu uh hi.

1 Peter 1:24

Laithiangtho in, “Mihing theampo sia lopa bang hi a, amate ii minthanna sia duisung paakte taw kibang hi. Tua lopa ko a, tua paakte pul hi.

Thupualaakna 11:15

Tua zawkciang vantunglalang a salina sia in a lemle tum a, vantung ah awnging tatak taw, “Leitung uk natu vaangletna in ih Topa le ama Messiah ii neisa hi a, ama in, a tawntung a tawntungin uk tu hi!” ci hi.