Matthew 4:4 - Syin Chin Bible

⁴ Ahihang Jesus in zo a, “Laithiangtho in, ‘Mihingte sia anluum bek taw nungta thei hi ngawl a, Pathian kam sung pan a pusuak kammal khat sim nuntak pui hi,’ ” ci hi.

Matthew 4:4 Iomraidhean Croise

Pusuana 16:15

Israel te in tuasia a mu ciang he ngawl ahikom khat le khat kidongh in “Hisia bangziam?” ci uh hi. Moses in amate tungah, “Hisia in Topa ii note neak tu in hong piak an ahi hi.

Pusuana 16:35

Israel te in a teenna mun Canaan ngam a thet mateng kum sawmli sung manna an ne uh hi.

Pusuana 16:8

Tua zawkciang Moses in, “Noma phutsatna teng ama in hong za zo ahikom, nitakin na neak tu uh sa le zingsangin anluum na deiza po hong pia tu sia Topa ahi hi. Ko nong phutsat uh ciang Topa a phunsan hi nginge nu hi,” ci hi.

Pusuana 23:15

Kong thupiakna sa taw kizui in Egypt na nusiat tha ahi, Abib tha sungin Tol saw ngawl Anluum Poaipi khaam vun. Tua poaipi ni sali hun sung tol taw kivawt anluum peuma ne heak vun. Biakpiak natu khat keng ngawlin kei hong bia tu in hong pai heak vun.

Matthew 15:11

Mihing khat a kam sungah a tum suk sia in ama zeksa ngeina bangin ninsak ngawl hi, a kam sung pan hong pusuak sia in ama ninsak hi,” ci hi.

Matthew 4:10

Tuasia ciang Jesus in, “Satan awng, tai in! Laithiangtho in, ‘Na Topa Pathian bek bia vun a, Ama atu bek sepsak vun!’ ci hi,” a ci hi.

Matthew 4:7

Jesus in, “Ahihang laithiangtho in, ‘Na Topa Pathian na ze et heak vun,’ zongh ci si hi,” ci in zo kik hi.

Mark 7:20

Tuaciang ama in zomto a, “A sung sang pan hong pusuakte in mihing khat ninsak hi.

Luke 4:12

Ahizong Jesus in, “Laithiangtho in, ‘Na Topa Pathian na ze et heak in’ ci hi,” ci in zo kik hi.

Luke 4:4

Ahizong Jesus in, “Mihingte sia anluum bek taw nungta thei hi ngawl hi, ci in Laithiangtho sungah ki at hi,” ci in zo kik hi.

Luke 4:8

Jesus in “Laithiangtho in na Topa Pathian bek na bia tu a, ama atu bekma na seam tu hi ci hi!” ci in zo kik hi.

John 15:26

“Thaa ahi Hupa hong pai tu a — Pathian ii thumaan thutak le Pa kung pan hong paipa sia hong pualaak tu hi. Pa kung panin ama kong puak tu a, ama in kei thu hong son tu hi.

John 6:63

Nuntakna a pia sia Pathian ii Thaa ahi hi; mihing thahatna in mannung mama ngawl hi. No tungah ka pau sa kammalte in nuntakna a pia Pathian ii Thaa hong tut ahi hi.

Romete 15:4

Eite thin sauna le hanthotna tungtawn a, upna ih nei natu in, Laithiangtho sungah a ki atte theampo in eite hong hil natu a ki at ahi hi.

Ephesus te 6:17

Ngupna sia thik lukhu bangin na saang vun a, tuaciangin Pathian kammal sia Thaa ii hong piak namsau bangin na zangh vun.

Thuhil kikna 8:3

Ama in note hong ngilkialsak a, tua zawkciang noma le taanghpupite neak ngeingawl manna na neak tu in hong pia hi. Hi mihingte in a nuntak natu an bek suang ngawl het tu a, Topa ci theampo suang tu a hina thu hong hil nuamin ama in hi bang hong vawt hi.