Matthew 4:3 - Syin Chin Bible

³ Tuasia ciang Doaimangpa hong pai a, “Pathian Tapa na hi le suang hite anluum suaksak in,” ci hi.

Matthew 4:3 Iomraidhean Croise

Pusuana 16:3

amate tungah, “Topa in Egypt ah hong that le uuk zaw ung. Tualai ah thildang a vaal lai, to in sa le an ka du za ka ne thei tu uh hi. Ahizong noma in hi lai sennealngam ah a pukthi tu in hong paipui nu hi,” ci uh hi.

Matthew 14:33

Tuasia ciangin ngunkuang sung a om nungzuite in Jesus bia uh hi. “Pathian Tapa takpi ma na hi hi!” ci in au uh hi.

Matthew 16:16

Simon Peter in zo a, “Nang sia Messiah, a nungta Pathian Tapa na hi hi,” ci hi.

Matthew 26:63

Ahihang Jesus a huthe bua hi. Khatvei ma Thiampi Lianbelpa in ama tungah, “A nungta Pathian min taw nang sia kiciamna hong vawtsak khi hi: Pathian Tapa Messiah na hi ziam, hong son ta'n,” ci hi.

Matthew 3:17

Tuaciang van panin aw khat in, “Hisia in ka it ka Tapa hi a, ama tungah ka lungkim hi,” ci hi.

Mark 1:1

Hi thu in Pathian Tapa Jesus Christ Lungdamna Thupha ahi hi.

Mark 3:11

Thaa ngilo vei mihingte in a mu uh ciangin, amate mai ah puk in, cik-au uh a, “Nang sia Pathian Tapa ni hi” ci hi.

Mark 5:7

“A saangbel Pathian Tapa awng! Kei bang hong law nuam ni ziam? Kei daan nong piak ngawl natu in Pathian min taw kong thuum hi,” ci in a aw neiza taw au hi.

Luke 1:35

Vantunglalang in, “Nang tungah Thaa Thiangtho hong om tu a, Pathian ii vaangletna in nang hong uap tu hi. Hi thu hu in, patang thiangtho sia Pathian Tapa kici tu hi.

Luke 22:70

Amate theampo in, “Tua ahile nang sia Pathian Tapa na hi ziam?” ci hon uh hi. Ama in “Noma ci bang ka hi hi,” ci hi.

Luke 4:3

Doaimangpa in “Pathian Tapa na hi le, suang hi sia anluum a sua natu in thupia in,” ci hi.

Luke 4:41

Mipite sung panin, doaite pusuak a, “Nang sia Pathian Tapa na hi hi,” ci in au uh hi. Jesus in doaite a pau ngawl natu thupia hi, banghang ziam cile ama sia Messiah ahi hunlam doaite in he uh hi.

Luke 4:9

Tuaciang Doaimangpa in ama Jerusalem ah paipui a, Biakinn khuvum a saangbelna ah suanhto in, ama tungah, “Pathian Tapa na hile hi sung panin nangma le nangma kilawn suk in.

John 1:34

Tuasia mu zo khi hi, tuaciangin ama sia Pathian Tapa hi ci in hong son khi hi,” John in ci hi.

John 1:49

Nathanael in, “Syapa awng, nang sia Pathian Tapa na hi hi! Israel Kumpipa na hi hi!” ci hi.

John 20:31

Ahihang hite hong ki atna sia Jesus in Pathian Tapa Messiah a hina thu, na up natu uh le ama na upna uh tungtawnin, nuntakna na nga thei natu uh ahi hi.

John 9:35

Jesus in bang thu teng piang ci in a zaak zawkciang, tuasia pa mu a, “Mihing Tapa na um ziam,” ci in dongh hi.

Sawltakte 9:20

Ama in Jew te ii synagogue ah paisuak a, Jesus sia Pathian Tapa hi ci in thuhil tu in kipan hi.

2 Corinth te 1:19

Banghang ziam cile Silas, Timothy le keima ii kong hil Pathian Tapa Jesus Christ sia “hi” le “hi bo” ci khop tu hi ngawl hi; ama sia Pathian ii “Hi” a cisia pa ahi zaw hi;

Galatia te 2:20

tua ahikom, a nungta sia kei ka hi nawn bua a, ahihang kei sungah a nungta sia Christ ahi hi. Tu a ka nuntakna sia ahile kei hong it a, a nuntakna kei atu hong pia Pathian Tapa ka upna taw a nungta ka hi hi.

1 Thessalonica te 3:5

Tuasia hu in Timothy kong paisak kul hi. Vei zo nawn ngawl ka hikomin na upna uh dawp tu in ama kong paisak hi. Doaimangpa in no hong ze et zo a, ko nasep teng a luithawthong hi zo ci sia suak thei mama ngawl tu hi!

Hebrew te 12:16

Esau bangin paktatna ahibuale thaa lamsang zawngkhalna kuama in na nei heak vun, ama in ta uzaw ii a nga tu hamphatnate theampo anneak khat taw zuak hi.

Hebrew te 4:14

Tua ahikom ih upna ih pualaak sate ii tungtaang ah eite kip tek tawng. Banghang ziam cile eite in Pathian omna tatak ah a pai sa, Thiampi Lianbelpa — Pathian Tapa Jesus ih nei hi.

Hebrew te 7:3

Melchizedek ii pa ahizong a nu ahizong a taanghpupite min ahizong a kiciamtee mun om ngawl hi. A suana ahizong a thina ahizong tepteena om ngawl hi. Ama sia Pathian Tapa bang ahi hi. Ama in a tawntungin thiampi hi top hi.

1 John 3:8

A kuama po mawna vawt a zom suakte sia Doaimangpa ii neisa ahi hi, banghang ziam cile a kipat pan ma, Doaimangpa in mawna vawt zo hi. Tua hang ma in Doaimangpa ngamtatna teng a susia tu tatak ma in Pathian Tapa hong kilangh hi.

Thupualaakna 2:10

Na thuak lai tute a bang po ahizong, lau heak vun. Ngai vun! Doaimangpa in note hong ze etna in, pawlkhat thonginn sung denna in hong nei tu a, na ngimna uh sia ni sawm sung teng hi tu hi. Thi tu keak a kul zong kei tungah hong thumaan tavun, tua hile nuntakna sia zawna tel in kong pia tu hi.