Matthew 4:24 - Syin Chin Bible

²⁴ Ama thu sia Syria ngam bup ah kizel ahikom mihingte in ama kungah ciina theampo, natna satna le mealhem theampo: doai veite, butthi theite, langngawte, paipui in — Jesus in damsak siat hi.

Matthew 4:24 Iomraidhean Croise

2 Samuel 8:6

Tua zawkciang ama in amate ngam sungah ngal ngiaphualte saat a, amate sia a khutnuai mite hong suakin, shia pia uh hi. Topa in David sia mun theampo ah ngal zosak hi.

1 Kumpite 10:1

Sheba kumpinu in Solomon minthanna za a, tuaciang thudokna haksa pawlkhat taw ama ze et tu in Jerusalem ah haw hi.

1 Kumpite 4:31

Ama sia mihing a minpiang a ciimbel ahi hi: Ezrah mi Ethan, tuaciang, Mahol ii tate ahi Heman, Calcol le Darda, sangin ciimzaw a, ama ii minthanna sia kiim le paam ngam theampo dongin kizel hi.

1 Khangtaanghthu 14:17

David ii minthanna mun theampo ah kizel a, Topa in minam theampo in ama kiitasak hi.

1 Khangtaanghthu 29:2

Ka hi zawkza in Biakinnpi sak natu vanhte — khamh, ngunn, taau, thik, thing, suangmanphate le gem suangte, a zepna suangnamte le marble tam ma ka kinging zo hi.

Pusuana 15:26

Ama in, “Keima ii maan ka sak sia na vawtna uh taw ka thu nong ni siat uh a, ka thupiakte na zui uh le Egypt te tungah ka tunsak natnate khat zongh kong tungsak buatu hi. Keima in Topa note hong damsakpa “Jehovah Rapha” ka hi hi,” ci hi.

Matthew 12:22

Tua zawkciang mihing pawlkhat in Jesus kungah doai a vei hu in mittaw a, a pau thei ngawl pasal khat hong paipui uh hi. Khuamu thei a, a pau thei natu in, Jesus in damsak hi.

Matthew 14:1

Tua hun laitakin Galilee ngamukpa Herod in Jesus thu za hi.

Matthew 15:22

Tua ngam ah a teang Canaan numei khat ama kungah hong pai hi. “David Tapa awng!” ci in au a, “Topa hong hesuak ta'n! Ka tanu doai vei in ngim mama hi,” ci hi.

Matthew 17:15

“Topa, ka tapa hong hesuaksak ta'n! Ama butthi thei a, kaikin in, mei sungah ahibuale tui sungah puksuk thei hi.

Matthew 17:18

Jesus in doai tungah thupia a, tuasia ciangin patang sung pan doai pusuak a, tua hun lian ma in a patang sia dam hi.

Matthew 4:23

Jesus Galilee ngam bup ah vakin, synagogue te ah hilna nei a, Kumpingam Lungdamna Thu thuhilna nei in, natna satna namcin le ciluang natna a neite damsak hi.

Matthew 8:28

Tuili ngalkhat Gadara ngam ah Jesus a thet ciangin, thaan hawng sung pan hong pusuak pasal nii taw kisi uh hi. Hi mihingte doaivei a, kiitakhuai mama ahikom tua lampi tawnin, kuama khualhaw ngam ngawl uh hi.

Matthew 8:33

Vok cingte tai in khua sungah tum a, tua munah doaiveite tung a thupiang theampo son siat uh hi.

Matthew 8:6

“Topa awng, ka naseampa sia inn ah ciina in lum a, tungh thei ngawlin ngim mama hi,” ci hi.

Matthew 9:26

Hi thu huvau tua ngamkhen sung bup ah thang hi.

Matthew 9:35

Jesus in khuapi khuanote ah vakkotin haw kawkoai hi. Synagogue te ah hilna nei in Kumpingam Lungdamna Thu, thuhil in nei a, natna satna namcin le ciluang natna damsak hi.

Mark 1:28

Tuabangin Jesus huvau thupiangte Galilee ngam mun theampo ah manlang takin kizel hi.

Mark 1:32

Ni tumin nitak hun a thet ciang, mihingte in Jesus kungah, ciinate le doaiveite paipui uh hi.

Mark 2:3

pasal li hong theng a, Jesus kungah pumzaw pasal khat puak hi.

Mark 2:4

Ahizong mihonpite hu in ciina sia Jesus kung tatak a then zo bua uh hi. Tua ahikom amate in Jesus omna san innkhum sulet uh a, pasalpa phah tungah lumsakin, innkhum a sukletna panin khiasuk uh hi.

Mark 2:9

Hi pumzaw pa tungah ‘Na mawnate hong kimaisak zo hi’ cile, ‘Tho in, na phah luakin lampai in,’ ci koisia ol zaw ziam?

Luke 2:2

Hi a masa phitbel mihing kisimna a kivawt hun laitakin Quirinius sia Syria ngam ngamuk mangpa ahi hi.

Luke 4:14

Tua zawkciangin Jesus Galilee ngam ah heak kik a, tuaciangin Thaa Thiangtho vaangletna sia, ama taw omkhawm hi. Ngamkhen sung bup ah, ama thu hong thang hi.

Luke 4:38

Jesus in synagogue nusia in Simon inn ah pai hi. Simon sunghnu a cisa in suk a, amate in Jesus munah tua thu son uh hi.

Luke 5:15

Ahihang Jesus ii thu thang seseam a, tuaciang mihonpite in ama thuson ngai tu le, a natnate pan damna a nga tek natu in, a kungah pai uh hi.

Luke 5:24

Tua ahikom mihing Tapa in, leitung ah mawnate maisak theina thu a nei hunlam kong lak tu hi,” ci hi. Tua zawkciangin pumzaw pasalpa munah, “Tho in, na lupna luak in a, inn ah cia ta'n, hong ci khi hi!” ci hi.

Luke 7:17

Hi bang Jesus ii thusia ngamsung le a kiimkot ngamkhente ah kizel hi.

John 10:21

Ahihang a dangte in, “Doaivei pa khat in hi bangin thuson thei ngawl hi! Banghang doai khat in mittawte khuamu kiksak thei tu ziam,” ci uh hi.

Sawltakte 10:38

Nazareth khua mi Jesus tungah Pathian in Thaa Thiangtho le vaangletna a buak thu huvau tel nu hi. Ama in mun theampo ah pai in, thupha vawt a, Doaimangpa vaangletna nuai ah a om theampo damsak hi. Banghang ziam cile Pathian sia ama taw omkhawm hi.

Sawltakte 15:23

amate in hi laithakte puasak uh hi: “Ko sawltakte le pawlpi upate, na suapuite in Antioch, Syria le Cilicia a teang Gentile suapuite theampo tungah, kipaupuina lai kong thaak uh hi.

Sawltakte 15:41

Ama in Syria le Cilicia kaantan in pai a, pawlpite tha kho sak hi.

Sawltakte 28:9

Hi bangin hong pian ciangin, tuikulh tung a cina dang theampo zongh hong pai tek a, dam siat uh hi.

Sawltakte 8:7

Mihing tam mamate sung pan doai ngilote sia a nging in au a, pusuak hi; pumzawte, peangbaite tam mama dam uh hi.

Joshua 6:27

Tuabangin Topa sia Joshua taw omkhawm a, ama ii minthanna sia ngam bup ah kizel hi.