Matthew 4:2 - Syin Chin Bible

² Sun sawmli le zan sawmli an ne ngawlin a om zawkciang Jesus ngilkial hi.

Matthew 4:2 Iomraidhean Croise

1 Kumpite 19:8

Elijah tho in a neak ciang tua an in ni 40 sung mual thiangtho Sinai dong a pai khom natu thangui thatang nguan hi.

Pusuana 24:18

Mualtung meei sungah Moses kaato hi. Tua munah Moses sun sawmli le zan sawmli om hi.

Pusuana 34:28

Tualai ah Moses an le tui ne ngawlin, sun sawmli le zan sawmli sung Topa taw omkhawm hi. Moses in Thupiak Sawmte ahi- thuciamna kammalte suangpheak tungah at hi.

Matthew 21:18

Zingtuungin khua sung sang hong zot kik ciang, Jesus a ngilkial hi.

Matthew 25:35

Ka ngilkial laitakin an nong vaak uh hi, ka dangko laitakin tui nong pia uh hi; zin in ka vak laitakin na inn uh ah zin nong do uh a,

Matthew 25:42

Ka ngilkial laitakin hong vaak ngawl nu hi, ka dangko laitakin ka neak tu bangma nong pia bua uh hi;

Mark 11:12

A zing ciang, amate Bethany pan hong heak kik ciang Jesus a ngilkial hi.

Luke 4:2

tua munah Doaimangpa in ni sawmli ze et hi. Tua hun sung teng theampo bangma neak nei ngawl ahikom, tua hun a bo ciangin a ngilkial hi.

John 4:6

Jacob ii tuikhuk tua munah om a, Jesus sia a khualhawna pan toi in, tua tuikhuk hui ah to hi. Tua hun sia sunkim khawng ahi hi.

Thuhil kikna 18:18

Amate mi sung pan nang taw a kibang kamsaang khat amate ka puak tu hi; a ci tu thute ka son tu a, ka thupiak theampo mipite tungah sonsawn tu hi.

Thuhil kikna 9:18

Tua zawkciang khatvei ma ni sawmli le zan sawmli sung, anne ngawl tuidawn ngawlin Topa mai lei ah ka bok kik leleau hi. Tuabang ka hina sia Topa tungah maw in a thin na uuksak uh hang ahi hi.

Thuhil kikna 9:25

“Ama ii note mot tu a khensat sia he ka hikom, Topa mai ah sun sawmli le zan sawmli sung lei ah ka bok hi.

Thuhil kikna 9:9

Topa ii note taw thuciam a vawt sia a ki atna suangpheakte a saang tu in mual tungah ka kaato hi. Tualai ah sun sawmli le zan sawmli ka om a, an le tui ka ne bua hi.