Matthew 4:16 - Syin Chin Bible

¹⁶ Khuazing sungah a teang mihingte in, Khuavak taang lian mama khat mu tu hi. Thina khuazing ngamsung a teangte tungah khuavak a taang tu hi.”

Matthew 4:16 Iomraidhean Croise

Job 10:22

khuazinna, limhte taw a kiliana le lungman buaina ngam hi a, khuavak sia khuazing a hina mun ahi hi.

Job 3:5

Tua ni sia a thim le a zingcip ni hisak in; meeikaai taw tuamcip in a, ni phiatkeak in.

Job 34:22

Mimaw khat Pathian muna pan a seal zo tu khuazing om ngawl hi.

Psalm Late 44:19

Tua hi napi ngamsate kawm ah a cimaw in nong nusia hi; a thukbel khuazing sungah nong nusia hi.

Isaiah 9:1

Amate hi bang ngimna hun sung pan a suatak natu lampi om ngawl tu hi. Zebulun minamte le Naphtali minamte teenna ngam sia minsiatna thuak ngei a, ahizong mai sangah hi ngam sia Mediterranean tuipi nisuana ngam sang pan kipan Jordan ngunngal khat dong le ngamdangmite teenna Galilee ngam ngawngawn dongin ngam thupi suak tu hi.

Isaiah 9:2

Khuazing sung a vak mihingte in khuavak lian khat mu zo hi; Amate sia a limh zingna ngam khat ah teang uh a, ahizong tu in amate tungah khuavak taang hi.

Jeremiah 13:16

Topa in khua a zinsak ma mualte tungah na lutu uh ma in; na lam et uh khuavak sia khuazing bikbek a suasak ma in, Topa na Pathian uh patoai vun.

Amos 5:8

Topa in siluk le zawlzawng aksite vawt hi. Ama in khuazing sia khuavak suaksak a, sun sia zan suaksak hi. Ama in tuipi tuite samin lei ah bunghkeak hi. Ama min in Topa ahi hi.

Micah 7:8

Ih ngalte in ei tungah hong oaiaam natu thu om ngawl hi. Ei ih pukvawk zo a, ahihang ih tho kik tu hi. Tu laitak khuazing sungah ih om a, ahihang Topa in khuavak hong pia tu hi.

Luke 2:32

Gentile te tungah na deina a kipualaak natu le na minam Israel mite tungah minthanna a puak khuavak khat na hi hi.” ci hi.