Matthew 4:13 - Syin Chin Bible

¹³ Ama Nazareth khua ah taam ngawlin, Zebulun le Naphtali ngamsung Galilee tuili hui khuapi Capernaum ah teang tu in pai hi.

Matthew 4:13 Iomraidhean Croise

Matthew 11:23

Tuaciangin, Capernaum, nang na hile, nangma le nangma vantung dongin kilapto sawm na hi ziam? Hell khuk sungah na kisepsuk tu hi. Nang sungah a kiseam nalamdang laknate Sodom khua ah kiseam thong le tua khua sia tuni dongin kip lai tu hi.

Matthew 17:24

Capernaum khua ah Jesus le a nungzuite hong thet uh ciangin, Biakinn atu shiadongte hong pai a, Peter munah, “Na syapa in Biakinn atu shia a pia ziam?” ci in dongh hi.

Matthew 4:14

Hi bang a ngamtat sia, kamsaangpa Isaiah pauna teng a taangtun natu ahi hi.

Matthew 4:15

“Zebulun ngam le Naphtali ngam, Tuipi sung zotna lampi tung, Jordan ngun lang khat, Galilee, Gentile te ngam!

Matthew 9:1

Jesus in ngunkuang tungah to kik in tuili langkhat ama khuapi ah cia kik hi.

Mark 1:21

Jesus le a nungzuite Capernaum khua hong theng uh a, Sabbath kik ni ciangin, Jesus in Jew te ii synagogue ah pai in hilna nei tu in kipan hi.

Mark 2:1

Ni tam kihal ngawlin Jesus Capernaum khua ah pai kik hi, tuaciang ama inn ah om hi, ci in kiza hi.

Luke 10:15

Capernaum awng! Nang na hile nangma le nangma vantung ah kilaamto nuam ni ziam? Hell sungah hong kisepsuk tu hi!” ci hi.

Luke 4:23

Amate munah, “ ‘Syavuan pa awng, nangma le nangma kidamsak phot in,’ ci paunak sia kei tungah hong zangh tu ci in kong up nginge ma ahi hi. Tua bek dom ngawlin, Capernaum khua ah a kivawt na zaak uhte hi lai ka khua zongh ah vawtin hong sawl lai tu nu hi.

John 2:12

Hisia zawkciang, Jesus le a nu, a suapuipate le nungzuite sia Capernaum khua ah pai uh a, tuak ah ni tawmvei sung taam uh hi.

John 4:46

Tua zawkciang Galilee ngam Cana khua ah Jesus pai kik hi, tua mun sia ama in tui pan sapittui a suasakna mun ahi hi. Tua munah kumpi naseam ulian khat om a, a tapa sia Capernaum khua ah a cina hi.

John 6:17

ngunkuang sungah to in, Capernaum ah tuili kaantan in pai kik uh hi. Khua hong zan zo a, Jesus amate kung hong zuan ngawl lai hi.

John 6:24

Mihonte in Jesus ahizong, ama ii nungzuite ahizong tua munah a mu ngawl uh ciang, ngunkuangte tungah kaa in, ama zong tu in Capernaum khua ah pai uh hi.

John 6:59

Jesus in Capernaum khua synagogue ah hi teng hil hi.