Matthew 4:1 - Syin Chin Bible

¹ Tua zawkciang Thaa in Jesus sia Doaimangpa ii ze et tu in ngam sungah paipui hi.

Matthew 4:1 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

1 Kumpite 18:12

Ka pai po ciang Pathian ii thaa in nang sia heak ngeingawlna mundang khat pawpo ah hong tua luilam le bang law tu khi ziam? Tuasia ciang Ahab munah nang hi sungah om hi ka ci ciang, ama in hong mu zo buale kei hong thatlum tu hi. Ka no ciang a thu um, Topa a biapa ka hi hunlam sia ciamtee in.

2 Kumpite 2:16

tuaciang, “Hi sungah a thahat tingtengh pasal sawmnga om khu hi. Na topa zong tu in pai tek tawng. Topa ii thaa in ama paipui a, mualtung khat, luam sung khat po ah nusia hi tha tu hi,” ci uh hi. Elisha in, “Hi ngawl hi. Pai ngawl het tu nu hi,” ci in zo hi.

Ezekiel 11:1

Pathian ii thaa in kei hong laamto a, Biakinnpi kongpi nisuana sangah hong paipui hi. Tua kongpi naina ah mihing kul le nga ka mu hi, tuate sungah ngam lampui nii ahi, Azzur ii tapa Jaazaniah le Benaiah ii tapa Pelatiah te kihel hi.

Ezekiel 11:24

Mukholna sungah Pathian ii thaa in kei hong laamto a, saltaangte kung Babylon ah hong paipui kik hi. Tua zawkciang mukholna hong bo a,

Ezekiel 3:12

Tua zawkciang, Pathian thaa in kei hong laamto a, tuaciang ka nung pan a hawk, awnging vazak khat ka za a, “Vantung ah a om Topa minthanna pok vun!” ci hi.

Ezekiel 3:14

Topa ii vaangletna sia ka tungah thahatna lianpi taw hong theng a, tuaciang ama thaa in kei hong paipui ciangin dik ka sa bua a ka thin a uuk hi.

Ezekiel 40:2

Mukholna khat sungah Pathian in Israel ngam sungah hong paipui a, mualsaang khat tungah hong koi hi. Ka mai ah khuapi khat taw a kibang inn honkhat ka mu hi.

Ezekiel 43:5

Topa ii thaa in kei hong laamto in, a suum sungnung ah hong paipui a, tua munah Biakinnpi sia Topa vaangletna taw kidim ka mu hi.

Ezekiel 8:3

Ama in khut taw a kibang khat hong zanin ka sam pan hong zamh hi. Tua zawkciang hi mang muna sungah Pathian ii thaa in vui sung a saangna ah kei hong khaito a Jerusalem ah hong paipui hi. Ama in Pathian a thin uuksak milim khat omna Biakinnpi ii saksang kongpi tumna sungnung ah hong paipui hi.

John 14:30

No taw hun sauzaw thuson thei nawn ngawl tu khi hi, banghang ziam cile hi leitung a ukpa hong pai hi. Ama in kei tungah bangma vaang hong nei bua hi,

Sawltakte 8:39

Tui sung pan hong kaato uh ciangin, Topa Thaa in Philip la hi. Ulianpa in ama mu kik nawn ngawl ahihang, lungdamna taw kidim in, a pai ngei in paisuak hi.

Romete 8:14

Pathian Thaa ii lampuina a nga mihing peuma Pathian ii tate ahi uh hi.

Hebrew te 2:18

Tu in ama in ze etna a thuakte sia hu thei hi. Banghang ziam cile ama mama zongh kize et zo a, thuak ngei zo hi.

James 1:14

Ahihang mihingte sia, amate ii a pha ngawl deinate in kai a, a awk ciang, ze etna thuak ahi hi.