Na nuntakzia le na sep uhte kheal nanak vun a, Topa na Pathian thu ni vun. Tuabangin na hi uh le, no tungah siatna thengsak tu in a sonsa sia pan Topa in a thin kheal tu hi.
Judah mite in amate susia tu a ka sawmna thute theampo a zaak uh ciang, a tatsiatnate panin kikheal tha tu uh hi. Tuasia ciang a seksolna le a maw a khialnate ka maisak tu hi,” hong ci hi.
Banghang ziam cile Tuiphumpa John hong pai a, thumaan lampi hong hil napi, ama na um bua uh hi; ahihang shiadongte le numei paktatte in um uh hi. Hite na mu zawk ngawngawn in, na thin uh kikheal in na um nuam bua uh hi.”
Na mawna uh pan na kisiik kikna uh kilanghsak vun. Tuaciangin Abraham sia kote ii taanghpupi hi ci in, noma tetek sungah na kici tuan heak vun. Kei kong cina pan, Pathian in suangtum hite zongh la in, Abraham suan le paal in vawt thei hi!
A masa phitbel in Damascus le Jerusalem ah, tua zawkciangin, Judea ngam bup le Gentile te sungah, amate in a mawnate kisiik nanak a, Pathian sangah kiheak in, a kisii kikna thu a lak tu nasepte a sep natu in, thu ka hil hi.
Noma mama zongh khuazing sungah om ngei na hi uh hang Topa mihingte na sua uh ciangin, khuavak sungah na om uh hi. Tua ahiciang khuavak ii neisa mihingte bangin na nungta tavun,
