Matthew 3:7 - Syin Chin Bible

⁷ Pharisee te le Sadducee te tam ma ama kungah tui kiphum tu in, hong pai a mu ciangin, amate tungah, “No ngul ngilote awng — Pathian ii daan hong piak natu panin suakta tu nu hi ci in akua in hong son ziam?

Matthew 3:7 Iomraidhean Croise

Pianciilna 3:15

Numei taw khat le khat kong kihuatsasak tu a; ama ii hin le toaite le nang aa te a tawntungin na kingal tu uh hi. Ama ii hin le toaite in na lutang hong sucip tu a, nang in a khuatul na tuksak tu hi,” ci hi.

Paunakte 28:4

Thukham na thusim buale mihing seksolte sangah pang na hi hi; ahizong thukham na ni le amate a langpan na hi hi.

Isaiah 59:5

A sia vawt tu na sawmnate sia nguu nei ngulpui khat ii tuuite bang ahi hi. A tuui khat sutham lete ngul khat pusuak hi! Ahihang a sia na tup na sawmte in nang tungah phattuamna hong pia ngawl tu hi — tuate sia momkhau taw a kitak puan bangin a luithawthong hi tu hi.

Jeremiah 51:6

Babylon panin tai vun! Na suatak natu in tai vun! Babylon ii mawna khialna hangin thalup thuak heak vun. Keima in tu in phu ka la a, a kilawm bangin daan ka pia hi.

Jeremiah 6:10

Keima in, “Amate tungah kidop natu thu ka son hial zong akua in hong ngai nuam thong tu ziam? Amate a thinpui a, na thupuak ngai nuam ngawl uh hi; son tu a, nong sawlte amate nuiza bek hi.

Matthew 12:24

Pharisee te in hi thu a zaak uh ciang “Doaite a ukpa Beelzebul in ama ii vaangletna pia a tua hu in doaite notkeak thei hi thong zam,” ci uh hi.

Matthew 12:34

No ngul ngilo suante awng — mihing ngilote na hi uh ciang, bangbangin thupha son thei tu nu ziam? Banghang ziam cile thinsung pan a, a dimleet teng sia kam panin kipau ahi hi.

Matthew 15:12

Tua zawkciangin a nungzuite, ama kungah pai in, “Tu a na pau teng a zaak ciangin, Pharisee te ii maktak hunlam na he ziam?” ci in dongh uh hi.

Matthew 16:1

Pharisee te pawlkhat le Sadducee te pawlkhat Jesus kungah hong paite in ama sia Pathian thukimpui ahile ahi ngawl a tel nopna in, aitaa in, nalamdang lakna khat a vawt tu in ngen uh hi.

Matthew 16:6

Jesus in, “Kidawm vun; Pharisee te le Sadducee te ii tol panin kidawm tavun,” ci hi.

Matthew 22:15

Pharisee te pai a, kam doknate taw Jesus aitaa sawm uh hi.

Matthew 22:23

Tua ni in Sadducee te pawlkhat Jesus kungah hong pai uh a, “Mihingte in thina pan tho kik ngawl tu hi,” ci uh hi.

Matthew 22:34

Sadducee te a pau natu a heak ngawl dongin, Jesus in a koi zawkciang, Pharisee te hong kikhawmtua uh a,

Matthew 23:33

Ngul le ngul ii suante awng, hell sungah hong kikhiak suk natu panin, bangbangin suakta tu in ki um nu ziam!

Matthew 5:20

A tatakin kong ciciang, Pathian ii deina bang na vawtna sungah Thukham hil Syate le Pharisee te sangin na thumaan zaw uh le bekin Vantung ngam sungah na tum thei tu uh hi.

Mark 12:13

Phariseete pawlkhat le Herod ii pawlmite pawlkhat in thudokna taw Jesus aitaa tu in paisak uh hi.

Mark 12:18

Mihingte thina panin tho kik ngawl tu hi a ci Sadducee te pawlkhat Jesus kungah hong pai in,

Mark 8:15

“Kidawm vun a, Phariseete le Herod ii tol panin, kikeam tavun,” Jesus in ci hi.

Luke 16:14

Phariseete in hi thute a zaak uh ciangin Jesus sia ciammuina in nei uh hi, banghang ziam cile amate sum deite ahi uh hi.

Luke 18:11

Pharisee pa in ama nguak ding a, thungen hi. ‘Pathian awng na tungah ka lungdam hi, banghang ziam cile kei sia ngualdangte bangin ka duhop bua a, leilot ngawlin, numei le pa palngul khialna ka vawt bua hi. Zia sungah shiadongpa bang hi ngawl ka hikom na tungah ka lungdam hi.

Luke 7:30

Ahihang Phariseete le thukham hil syate in amate atu, Pathian ii tupna te nial in, John ii tuiphum tu a uuk bua uh hi.

John 1:24

Phariseete ii kamtaite in,

John 8:44

No sia na pa uh doaimangpa ii tate na hi uh a, tuaciangin na pa uh ii deinate na zui nuam uh hi. A kipatciil pan kipan, ama sia mi thatpa hi a, thumaan sangah a pang ngei bua hi, banghang ziam cile, ama sungah thumaan thutak a om bua hi. Ama in leilot thu a son ciangin, ama pianzia bangin pau ahi lel hi, banghang ziam cile, ama sia leilot thei pa hi a, leilotna theampo ii a pa ahi hi.

John 9:40

Ama kung a om Pharisee mi pawlkhat in, tu bang a pau za a, “Koma zongh mittaw hi hong ci nuam na hi bua na ziam?” ci in dongh uh hi.

Sawltakte 15:5

Ahihang Phariseete pawlsung panin, thu um mi pawlkhat ding a, “Gentile te in, vunteap a at uh kul tu hi. Moses Thukham a nit natu son kul tu hi,” ci uh hi.

Sawltakte 20:31

Tua ahiciang encik tavun, kum thum sung sun taw zan taw thitui tam ma taakin note khat sim kong hilcian sia ciamtee tavun.

Sawltakte 26:5

Amate in tetti hong pansak nuam thong le, a ciil panin, biakna sungah a phinciingbel Pharisee pawlmi khat ka hi sia, hong heak tawntung sa hi.

Sawltakte 5:17

Thiampi Lianbelpa le a pawl a lawm theampo, le tua mun a om Sadducee pawlte in sawltakte sia nasia takin eang uh hi; tua ahikom thu vawt tu in khensat uh hi.

Romete 1:18

Thumaan thu a kiheak tu a khaktan mihingte ngitlona le mawnate hu in Pathian thin uukna sia vantung panin hong kilanghsak hi.

Romete 5:9

Tua ahiciang, tu in ama chisan taw eite Pathian mai ah thutang ih suak hi; tua ahile Pathian thin uukna pan ama in bangza in eite hong ngum zaw kan lai tu ziam!

1 Thessalonica te 1:10

hong tung tu Pathian thin uukna pan hong suatak, ama ii thina pan a thawsak, vantung pan hong pai tu — ama Tapa Jesus ngak tu in na om uh thute son hi.

Hebrew te 11:7

Ama ii a mu thei ngawl maisang ah hong tung pheang tu nate huvau, Pathian ii kingintaak natu a sonte, Noah ii a zaak thei sia upna hang ahi hi. Ama in Pathian thu ni a, teambaw vawtin, tua ii sungah ama le a innkuanpuite kisuatak hi. Tua hu in leitung bup sia puavawkna thuak a, tuaciang upna pan hong pai thutang suana sia Noah in Pathian tung panin nga hi.

Hebrew te 6:18

Tua hi a, thu nam nii om hi, tuate sia kikheal thei ngawl a, Pathian in tua thute taw kisai in leilot thei ngawl hi. Tua ahikom ama sungah ngammuanna a ngate in, ih mai ah hong kikoi lametna sia kho takin ih let natu in nasia takin hanna ih nei hi.

1 John 3:10

Pathian ii tate le Doaimangpa tate kilaklaw ah, a kilamdanna in hisia ahi hi: thutangin a ngamta ngawl ahibuale ngual a it ngawl khat pawpo sia in Pathian ta ahi bua hi.