Matthew 3:6 - Syin Chin Bible

⁶ Amate in a mawna uh pualaak a, tuaciangin Jordan ngun sungah ama in tuiphum hi.

Matthew 3:6 Iomraidhean Croise

Ezra 10:1

Biakinnpi mai ah Ezra kapin hi mawna khialnate pualaakin kunin a thunget laitak a kiim ah Israel te — pasalte, nupite le patangte — kikhawm a, nasia takin kap uh hi.

Psalm Late 32:5

Tuasia ciangin nang tungah ka mawnate kong pualaak a, ka tatkhialnate ka seal bua hi. Tuate nang tungah pualaak tu in ka khensat hi, tuaciang nangma in ka mawnate theampo nong maisak hi.

Paunakte 28:13

Na mawnate seal tu na hanciam le nuntak sungin zawna na nga ngei buatu hi. Mawna pualaak vun a, nusia vun; tuasia ciang Pathian in na tungah hesuakna hong lak tu hi.

Ezekiel 36:25

No tuithiangtho kong the tu a, milimte le hong ninsak nadangte theampo pan kong thiangsak tu hi.

Daniel 9:4

Topa ka Pathian tungah thungen in ka mite ii mawna khialnate ka pualaak hi. Keima in, “Topa Pathian awng, nang na lian a kong zakta uh hi. Na thuciamna tungah na thumaan a, nang hong it te le na thupiakna bang a seamte a tawntungin na it hi.

Thiampite 16:21

Ama in tua keal lu tungah a khutte nii nga tu a, Israel mite siatna, mawna le leedona teng theampo pualaak in, tuabangin keal lu tungah suan siat tu hi. Tua zawkciang tua keal sia tuabang a seam tu, a kisep pa in sennealngam sungah beng tu hi.

Thiampite 26:40

“Ahizong na suan na paalte in amate mawnate le hong nalh a hong leedo hu in amate mawnate le a taanghpupite mawnate pualaak tu uh hi,

Mi Simna 5:7

a thuak pa tungah a mawna pualaak hamtang in, a maw a khial man a cingin a liau zawkciang zakhat tungah kul veu belapin pia thua tu hi.

Matthew 3:11

Na kisii kikna uh a kitel natu in tui kong phum hi, ahihang kei nung pan hong pai lai tu pa in no sia Thaa Thiangtho le meikuang taw hong baptize tu hi. Kei sangin ama lian zaw pek a, a peangdap toai tu zonghin ka kilawm bua hi.

Mark 1:5

Judea ngam pan le Jerusalem khua panin John thuson ngai tu in mihing tam mama hong pai uh hi. Amate in a mawnate pualaak uh a, tua zawkciang Jordan Ngun sungah, ama in tuiphum hi.

Luke 1:16

Tuaciangin ama in Israel mite tam mama amate Topa Pathian kungah zotpui kik tu hi.

Luke 3:16

Tua ahikom John in amate tungah, “Kei ka hile tui taw tui kong phum hi, ahihang kei sangin a lian zaw pek khat hong pai lai tu hi. Ama ii peangdap khau suut tu zongh in ka kilawm bua hi. Ama in Thaa Thiangtho le meikuang taw hong baptize tu hi.

Sawltakte 1:5

John in tuidam taw tui hong phum hi, ahihang ni tawmvei no sungin, note Thaa Thiangtho taw na ki baptize tu uh hi,” ci hi.

Sawltakte 11:16

Tuaciang ‘John in tui taw hong baptize hi. Ahihang no sia Thaa Thiangtho taw hong ki baptize tu hi,’ a ci Topa kam sia ka phawk hi.

Sawltakte 19:18

Thu um mite sung pan tam mama hong pai a, amate ngamtatnasate mipi mai ah kheet nei ngawlin pualaak uh hi.

Sawltakte 22:16

Tu in banghang ngangak lai ni ziam? Tho in a, tui kiphumin, ama tung thungetna taw, na mawnate, kisilthiangsak in,’ hong ci hi.

1 Corinth te 10:2

Meeikaai sung le tuipi sungah, amate teng Moses nungzui a hina uh taw ki baptize uh hi.

Colossae te 2:12

Cinopna in na ki baptize uh ciang Christ taw a kivui sa na hi zo uh a, na ki baptize na in thina pan a thokiksak Pathian ii vaangletna sungah na upna tungtawnin note zongh Christ taw hong kitho kik khawmsak zo hi.

Hebrew te 6:2

baptize na nanamte, khut ngakna. tawntung thukhenna le a thisate thawkiknate, kansuut kikik pheang nawn bua tawng.

Hebrew te 9:10

banghang ziam cile tuate in anneak, tuidawn le kithiansuana tuatuamte taw kisai bek hi. Hite sia a puatham zui tu ngeinate hi a, Pathian ngeina thak a piak sia a kipsak mateng atu hi bek hi.

James 5:16

Tua ahikom, na mawna uh sia khat le khat tungah kipualaak vun a, khat le khat thu na kingetsak vun, tua hile hong damsak tu hi. Mipha thumaan thutang khat ii thungetna in vaang nei hi.

Joshua 7:19

Joshua in ama mun ah, “Ka tapa awng Topa Israel te ii Pathian mai, hi sungah thumaan son in a pualaak in. Tu in na vawt teng hong son ta'n. Kei kung panin phualseal tu hanciam heak in,” ci hi.

1 Peter 3:21

tua tui sia tu in note hong kingupna lim a lak, tui kiphumna ahi hi. Pumpi tung ciniinte silthiangna hi ngawlin, thinsung khentel theina pha taw Pathian tungah kamciam piakna ahi hi. Tua in Jesus Christ thawkikna tungtawn a note hong ngum hi,

1 John 1:9

Ahihang ih mawnate Pathian tungah ih pualaak le ama in a kamciamte keam tu a, tuaciang a maan sia seam hi: ama in ih mawnate hong maisak tu a, ih ngamtat khialna theampo pan hong thiansua tu hi.