Matthew 3:2 - Syin Chin Bible

² “Na mawna uh pan kisiik kik vun, banghang ziam cile Vantung ngam hong nai zo hi!” ci hi.

Matthew 3:2 Iomraidhean Croise

1 Kumpite 8:47

na mite ii thungetna ngai in. Tua ngam pan amate kisik kikin na tungah a seksolna le a mawna pualaak in thu hong ngen le, amate thungetna na ngai in, Oh Topa awng.

Job 39:12

Na anlaakte hong puaksak tu le na taang cilna phual panin antangte hong kaikhopsak tu in na muangmaw ziam?

Job 42:6

Tua ahikom ka pau sa theampo tungtaang ka maizum a, kisik kik in leivui sung le vut sungah ka om hi.

Ezekiel 33:11

Amate tungah son in a, Keima, Vaanglianpipa Topa in a nungta takpi Pathian ka hi bangma in, mawnei te a thi ka mu sia lungdamin ka nei bua hi. A mawna kikheal in a nuntak tu ka dei zaw hi. Israel awng, na tatsiatna pan kheal in. Banghang thi nuam ni ziam?

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Matthew 10:7

Pai tavun a, ‘Vantung ngam hong nai zo hi!’ ci in thuhil tavun.

Matthew 11:20

Jesus ii nalamdang lakna a tamzaw a vawtna khuapite sungah a teang mihingte in, a mawna uh panin, kisiik kik tuan ngawl ahikom, ama in tua khuapite teih hi.

Matthew 12:41

Thukhenna Ni ciangin Nineveh khua mite hong ding tu a, note hong mawsak tu hi, banghang ziam cile amate in Jonah thuhilna a zaak uh ciangin a mawna uh pan kisiik kik hi; a maan tak kong ci ciang in hi sungah Jonah sangin a lianzaw khat om hi.

Matthew 13:11

Jesus in, “Vantung ngam thuku sia note tungah hong kipia hi; ahihang amate tungah kipia ngawl hi.

Matthew 13:24

Jesus in thusonteena dang khat son a: “Vantung ngam thu sia hi bang ahi hi. Pasal khat in a lo sungah thaicii pha poai hi.

Matthew 13:31

Jesus in thusonteena dang khat ma son hi: “Vantung ngam thu sia hi bang hi. Pasal khat in ankamh cii la in lo sungah poai hi.

Matthew 13:33

Jesus in thusonteena dang khat ma son lai hi: “Vantung ngam thu hi bang hi. Numei khat in tol tawm la in anvui khum khat dim taw hel a, a vekpi in hong pawm hi.”

Matthew 13:47

“Vantung ngam thu in hi bang hi si hi. Ngasa man pawlkhat in a ngeen uh tuili sungah paai in ngasa namcin man uh hi.

Matthew 13:52

“Tua ahikom, Thukham hil syate khat pawpo sia Vantung ngam sungah nungzui a sua ciangin bang taw kibang ziam cile vanh kholna inndoi sung pan, vanh thak le vanh lui te a pusua inn neipa taw kibang hi,” ci hi.

Matthew 18:23

“Banghang ziam cile Vantung ngam sia hi bang ahi hi. Khatvei lai in kumpipa khat in a naseamte sazian sit tu in khensat hi.

Matthew 20:1

“Vantung ngam sia hi bang hi. Khatvei lai in pasal khat in a sapithuan sungah diang tu in, mihing pawlkhat cial tu in, zingtuungin kuan hi.

Matthew 22:2

“Vantung ngam thu sia hi bang ahi hi. Khatvei lai in kumpipa khat in a tapa atu mopoai anneakna khat vawt tu in kipan hi.

Matthew 23:13

“Thukham hil syate le Pharisee te awng! Note atu in bangza in lauhuai ziam? No a kihitheamsakte awng! Ngual mai panin, vantung Ngam kongkha khaktan nu hi, tuaciang noma mama in a sungah na tum bua uh a, tum nuam in a hanciamte zongh, a tum tu na oai bua uh hi!

Matthew 25:1

“Tua hun ciangin Vantung ngam sia hi bang hi tu hi. Khatvei lai in ngaknu sawm sia a meivak uh la in, zineipa muak tu in pai uh hi.

Matthew 25:14

“Tua hun ciangin Vantung ngam sia hi bang hi tu hi. Khatvei lai in pasal khat in khualhaw sawm hi; a naseamte samin a neisa teng aap hi.

Matthew 4:17

Tua hun pan kipan Jesus in, “Na mawna uh pan kisiik kik vun, banghang ziam cile Vantung ngam hong nai zo hi,” ci in ama thuhilnate hil tu in a kipan hi.

Matthew 4:23

Jesus Galilee ngam bup ah vakin, synagogue te ah hilna nei a, Kumpingam Lungdamna Thu thuhilna nei in, natna satna namcin le ciluang natna a neite damsak hi.

Matthew 5:10

“Pathian ii deina bang ngamtatna hangin vawtsiat a thuakte in, mihing lungdamte ahi uh hi; Vantung ngam in amate aa hi tu hi!

Matthew 5:3

“Thaa thu ah a zawngkhal hunlam a kihete in, mihing lungdamte ahi hi; Vantung ngam sia amate aa ahi hi!

Matthew 6:10

na Kumpingam hong piang tahen; Vantung ah na deina a kicin bangin Leitung ah kicing tahen.

Matthew 6:33

Tua sangin Pathian Ukna-ngam le ama in nang tung pan bang dei ziam, ci sia thupisak masa vun, tua hile ama in tua nadang theampo zongh hong sik tu hi.

Mark 1:15

“A hun hong tung zo hi, Pathian Ngam hong nai zo hi. Na mawnate uh pan kisiik vun a, Lungdamna Thupha um vun!” ci hi.

Mark 1:4

Tuabangin John sia sennealngam sungah hong kilak a, ama in thuhil in tuiphum hi. “Na mawna pan kisiik kik vun a, tui kiphum vun, tua hile Pathian in na mawnate hong maisak tu hi,” mipite tungah ci hi.

Mark 6:12

Tuabangin amate pai in mihingte a mawna uh pan a kisiik kik natu thuhil uh hi.

Luke 1:16

Tuaciangin ama in Israel mite tam mama amate Topa Pathian kungah zotpui kik tu hi.

Luke 11:20

No ci bang hi ngawl hi. Pathian vaang taw doaite not ka hi zaw hi, tuaciang Pathian Ngam sia no sungah hong theng zo hi, ci in hi thu mama in lak hi.

Luke 13:3

Hi ngawl het hi! A tatakin kong ci ciang, no zongh na mawna uh pan na kisiik kik bua uh le amate bangma in na thi tu uh hi.

Luke 13:5

Hi ngawl het hi! A tatak kong ci ciangin no zongh na mawna pan, na kisiik kik bua uh le, amate bangma in na thi siat tu uh hi.”

Luke 15:10

Kei kong ci ciang, tuasia bangma in, mihing mawnei khat a kisiik kik hu in, Pathian vantunglalangte lungdam hi.”

Luke 15:7

Tuasia bangma in kei kong ci ciang, a kisiik kik ngawl mihing zatak huai sawmkua le kua te sangin a kisiik kik mawnei khat hu in vantung ah lungdamna lian zaw tu hi.

Luke 16:30

Sumhaupa in zo kik a, ‘Tuabang bek kicing tham ngawl tu hi, pa Abraham awng! Ahizong a thisate khat tho kikin amate kungah pai le, tuasia ciangin a mawna uh pan kisiik pheang tu uh hi,’ ci hi.

Luke 21:31

Tuasia bangma in hi nalamdangte na mu uh ciang, Pathian Ngam hong theng dektak hi, ci in na he tu uh hi.

Luke 24:47

tuaciang ama min taw kisiik kikna le mawmaisakna sia Jerusalem pan kipan minam theampo tungah kihil tu hi.

Luke 6:20

Jesus in a nungzuite en a, “No a zawngte in a lungdam te na hi uh hi. Pathian Ngam sia note aa ahi hi!

Luke 9:2

Tua zawkciang Pathian Ngam thuhil tu le ciinate damsak tu in amate paisak hi.

Sawltakte 11:18

Hi thu a zaak uh ciangin, Peter sia mawsak nawn ngawlin, Pathian pok uh hi. “Tua ahile Pathian in, Gentile te tung zongh ah, kisii kik natu le nuntak natu hunpha pia zo hi!” ci uh hi.

Sawltakte 17:30

Mihingte ii ama ih heak ngawl lai hunte, Pathian in heak ngawl bawl hikale tu hun ciang, mihingte a vekpi in mun theampo ah, amate tatsiatnate pan a kikheal natu ama in thupia hi.

Sawltakte 2:38

Na mawnate uh hong kimaisak a, Pathian ii tel, Thaa Thiangtho na saan natu in, note khat sim in, na mawnate pan kikheal nanak vun a, Jesus min taw tui kiphum tavun,

Sawltakte 20:21

Jew te le Gentile te tungah a kibangin a mawna tetek pan Pathian sangah kiheak kik a, ih Topa Jesus a up natu in, thupi takin kong phawksak hi.

Sawltakte 26:20

A masa phitbel in Damascus le Jerusalem ah, tua zawkciangin, Judea ngam bup le Gentile te sungah, amate in a mawnate kisiik nanak a, Pathian sangah kiheak in, a kisii kikna thu a lak tu nasepte a sep natu in, thu ka hil hi.

Sawltakte 3:19

Tua ahiciang kisiik kik vun a, Pathian kung zuan vun, tua hile na mawnate hong kimaisak tu hi. Tuabang na hi uh le,

2 Corinth te 7:10

Banghang ziam cile Pathian ih zak heena in ngupna nga natu in thin kikhealna piangsak hi — tua ii sungah bangma kisii natu om ngawl hi! Ahihang mihing ii heena lel bek in thina piangsak hi.

Colossae te 1:13

Ama in khuazing vaangletna sung pan eite hong hun a, a it a Tapa ngam sungah bit takin hong paipui hi.

2 Timothy 2:25

Ama a langpante a puuaphat kik ciangin, thu khualna zangh tu hi. Banghang ziam cile Pathian in amate tungah kisii kikna pia in thumaan thutak a heak natu zongh hi thei tu hi.

Hebrew te 6:1

Tua ahikom Tapidawte tungah thuhil phitnate nungsangah nusia in, a puicing kihilna taw eite mainawt tawng! A mannung ngawl nasepnate nusia in Pathian ih upna,

2 Peter 3:9

Mihing pawlkhatte ngaisut bang hi ngawlin, a kamciamte a tunsak natu in, Topa haisaang ngawl hi. Ama, no tungah a thinsau hizaw hi, banghang ziam cile ama in, kuama lalcipsak nuam ngawl a, a mawna uh pan kisiiksak siat nuam hi.

Thupualaakna 2:21

A mawnate a kisiik kik natu hun pia ka hi hang, ama in paktatna pan, kikheal nuam ngawl hi.

Thupualaakna 2:5

Bangza dongin kiamsuk na hi uh sia ngaisun vun! Na mawnate uh panin kisiik vun a, na vawt phit uh sia vawt kik vun. Na mawnate uh pan na kisiik bua uh le, keima note kungah hong pai in, na meivakna uh a omna mun pan kong laaksak tu hi.