Matthew 3:12 - Syin Chin Bible

¹² Ama in taangkheaplaw a khut sungah toai zo hi. Zungtaangte hong kheap tu a taangtang teng taangsaal sungah khawmtua in, taangsi taangvai teng a mit ngeingawl meikuang sungah hal tu hi,” ci hi.

Matthew 3:12 Iomraidhean Croise

Job 21:18

tuaciang vui ii taangphaw a seam bangin ahibuale vuipi suangval ii leivui a let bangin amate seamkeak ngei ziam?

Psalm Late 1:4

Ahizong mihing ngilote in tuabang hi vet ngawl a, vui ii letkeak taangphaw taw kibang uh hi.

Psalm Late 35:5

Topa ii vantunglalang in a del ciang amate sia vui ii taangphaw a letkeak bang hi tahen.

Isaiah 1:31

Mei eak leang khat hu a, taangvawng a kak bangma in, mihing thahatte sia a sia a vawtna uh taw ma amate kilalcipsak tu a, amate lalna sia kuama in phel zo ngawl tu hi.

Isaiah 17:13

Minamte sia tuihualte bangin maisang manaw in pai uh hi, ahihang Pathian in amate teih in pau ahikom nungkin kik a, suumpei sungah taangphawte bang le mualpangh ah leivui bangin kinotkeak hi.

Isaiah 27:4

Sapit huan tungah ka thin uuk nawn ngawl hi. Mot tu ling le lingkungte a om le ka haltum tu hi.

Isaiah 28:28

Ama in zungtaangte a lal tu liang dongin, a cil tan viuveu hi ngawl hi, banghang ziam cile antangte a zaantham ngawl tu in leang taw cilna zia ama in he hi.

Isaiah 30:24

Na lo hong thawsak khuitalte le laate in a phabel le a limbel lopate ne tu uh hi.

Isaiah 41:16

Amate sia vui sungah na lawn tu uh hi; vui va in amate len a, vuipi in amate thethaang tu uh hi. Tuasia ciang keima in na Pathian ka hi hu in na lungdam tu uh hi; Israel ii a thiangtho Pathian ahi keima nong pok tu uh hi.

Isaiah 5:24

Tua ahiciang tu in, taangphaw le lopa ko ngimngeamte mei a kak bangma in, na zungte muatin na paakpalhte kongaw tu a, vui in lenkeak tu hi, banghang ziam cile, noma in Vaanglianbelpa Topa Israel te ii a thiangtho Pathian ii ei hong hilna thu na nial zo uh hi.

Isaiah 66:24

“Amate a cia uh ciang kei hong langpan te ii luanghawmte mu tu uh hi. Amate a ne lungte thi ngeingawl tu a, amate kihalna meite kimit ngeingawl tu hi. Amate sia mihing nam theampo in a kiihuai in mu tu uh hi,” ci hi.

Jeremiah 15:7

Ngamsung khua sim ah taangphaw bangin vui sungah note kong lawn hi. Ka mite awng, note kong susia hi, Na ngitlo ngamtatnate uh na kheal ngawl uh hu in na tate uh ka thatlum hi.

Jeremiah 17:27

Ahihang amate in ka thu hong nit kul tu a Sabbath sia ni thiangtho khat in a tan uh kul tu hi. Tua ni in amate Jerusalem kongpite kaantan in vanh bangma pua ngawl het tu uh hi. A pua uh ahile Jerusalem kongpite mei taw ka hal tu hi. Mei in Jerusalem khua kumpi innte kaanghtum tu a, kuama in phel zo ngawl tu uh hi,” hong ci hi.

Jeremiah 4:11

Vui a sa mama khat sennealngam panin Jerusalem mite sangah hong va tu hi cina thu sia Jerusalem mite tungah a kison tu hun hong theng zo hi. Tua vui sia anvaaite a mut keak vui bang bek hi ngawl tu a —

Jeremiah 51:2

Vuipi in taangphaw a seamkeak bangin Babylon susia tu in ngamdangmite ka puak tu hi. Tua suksiatna ni a thet ciang, amate in mun theampo pan sim tu a, a ngam sia a kolh in nusia tu uh hi.

Jeremiah 7:20

Tua ahikom Vaanglianpipa Topa keima in, hi Biakinnpi tungah ka thin uuk mama na sia ka buak tu hi. Mihingte le nganhingte, tuaciang thingkungte le ankungte tung ngawngawn zongh ah a kibangin ka thin uuk tu hi. Ka thin uukna sia kuama sukmit thei ngawl meikuang bang hi tu hi.

Hosea 13:3

Tua ahiciang hi mite in zingsang mokkaaite bangin mang tu a, nisua tuung a bo daaituite taw kibang hi. Amate sia taangcilna phual pan, vui ii seamkeak a site bang, meikhu suana pan meikhu bang hi tu hi.

Amos 9:9

“Keima in thu ka pia tu a, ciang sungah an a kisak bangin Israel mite ka lok tu hi. A mannung ngawl theampo ka hep natu in minam tuatuamte sung pan amate ka lok tu hi.

Malachi 4:1

Vaanglianbelpa Topa in, “A kiphasakte theampo le misiate theampo taangphaw bangin a kak tu ni hong theng tu hi. Tua ni in amate kaanghtum tu a, amate taw kisai bangma a taang nawn buatu hi.

Matthew 13:30

Anlaak hun dongin mimphei le taangte na po khawmsak lel vun. Tuasia ciangin anlate munah, mimphei teng bot phot vun a, lomsawm in hal vun, tuasia zawkciang taang teng la in ka saal sungah khum vun,’ ” ka ci tu hi, ci hi.

Matthew 13:41

Mihing Tapa in, midangte a khialsakte le a sia vawt theampo khawm tu in, a vantunglalangte sawl tu a,

Matthew 13:42

tuaciangin amate in tua mite meiphual sungah sep tu hi, tua munah amate kapin ha ngoai tu uh hi.

Matthew 13:43

Tuaciangin Pathian ii mihingte ahile Pa ii Ngam sungah ni bangin taang tu uh hi. Bil nei po in za tavun!

Luke 3:16

Tua ahikom John in amate tungah, “Kei ka hile tui taw tui kong phum hi, ahihang kei sangin a lian zaw pek khat hong pai lai tu hi. Ama ii peangdap khau suut tu zongh in ka kilawm bua hi. Ama in Thaa Thiangtho le meikuang taw hong baptize tu hi.

Luke 3:17

Ama in ankheap natu taangkheaplaw, a khut sungah toai zo hi, zungtaangte hong kheap tu a, a tang teng saal sungah khawmtua in; a theap teng a mit ngeingawl meikuang sungah hal tu hi,” ci hi.

John 15:2

Ama in kei tungah a nga ngawl baak theampo sattan tu hi, sapitnga a ngana baak pawpo a thiantho natu le tamzaw a nga thei natu ho in heu tu hi.