Matthew 28:9 - Syin Chin Bible

⁹ Thakhatin Jesus in amate taw kisi a, “Thinnopna na nga tavun,” ci hi. Amate in ama kungah hong neak uh a, a peang koai in bia uh hi.

Matthew 28:9 Iomraidhean Croise

Isaiah 64:5

Na deisak bangin nuntak tu a phawkte le a maan na seam in a lungdamte na phatvawt hi. Ko tungah na thin uuk hi, ahizong kote in mawna khialna ka vawt leleng uh hi; na thin uuk mama napi in taanghlai pan kipan kote in mawna khialna ka vawt tan uh hi.

Matthew 14:33

Tuasia ciangin ngunkuang sung a om nungzuite in Jesus bia uh hi. “Pathian Tapa takpi ma na hi hi!” ci in au uh hi.

Matthew 23:7

amate in vanhzuakna munah ngual ii paupui tu thangai a, ‘Syapa’ ci in a sap tu uuk uh hi.

Matthew 28:10

Jesus in, “Lau heak vun; Pai tavun a, ka suapuite tungah, Galilee ah pai tu in sawl tavun, tua munah amate in kei hong mu tu hi,” ci hi.

Matthew 28:17

Ama a mu ciangin, pawlkhat in um tak ngawl ahitazong, amate in bia uh hi.

Matthew 28:8

Tua ahikom amate in, thaan sia manlang takin nusia a, lau kawm si lungdamna taw kidim si in, nungzuite kungah thupuak tu in tai uh hi.

Luke 1:28

Vantunglalang in ama kungah pai in, “Thinnopna na nga ta in! Topa sia nang taw hong omkhawm a, nasia takin thupha hong pia hi!” ci hi.

Luke 24:52

Amate in, ama a biak zawk uh ciang, lungdamna lianpi taw kidim uh a, Jerusalem ah heak kik in,

Luke 7:38

Jesus ii nungsang a peang hui ah dingin, kap in a thitui taw Jesus ii peang kawtsak hi. Tua zawkciang a sam taw Jesus peangte nawlin, a peangte namh a, tuate tungah paaknamtui buak hi.

John 12:3

Tua zawkciang Mary in a manham mama nard sathau namtui litre lang hong paipui a, Jesus peang tungah buakin, a sam taw nawlsak hi. Sathau namtui in inn sung bup zel hi.

John 20:19

Nipi nitak khua niam sang hi a, nungzuite in inn kikalh in kikhawm tua uh hi, banghang ziam cile amate in Jew thuneite kiita uh hi. Tuasia ciang Jesus hong tum a, amate sungah hong ding hi. Ama in “Note sungah thinnopna om tahen,” ci hi.

John 20:28

Thomas in, “Ka Topa le ka Pathian awng!” ci in zo hi.

2 Corinth te 13:11

Tuaciang tu in suapuite awng, mangpha na man tavun! Cialcin natu na hanciam vun; kong thuumna hong ngai tavun; khat le khat na kithukim vun a; kilem takin na nungta vun. Tuaciangin ki itna le thinnopna — Pathian sia note taw hong omkhawm tu hi.

Thupualaakna 3:9

Ngai vun! Jew mi a kici theam a leilot, tua Satan pawlte ahile, na peang uh ah a bok tu in kong paisak tu hi. Amate theampo in note kong it sia he tu uh hi.