Matthew 28:20 - Syin Chin Bible

²⁰ tuaciang ka thu piakte theampo a zui natu hil tavun. Tuaciang hun bo dongin note taw kong omkhawm tawntung tu hi,” ci hi.

Matthew 28:20 Iomraidhean Croise

Pianciilna 39:21

Ahihang thong ukpa ii Joseph tungah a lungkim natu in Topa in Joseph panpui a, thupha pia hi.

1 Kumpite 1:36

Benaiah in, “Na dei bangin ka seam tu hi, tuaciangin Topa in hong kipsak tahen.

1 Khangtaanghthu 16:36

Israel te ii Pathian Topa pok vun! Tu le a tawntungin ama pok vun! Tuasia ciang mi theampo in, “Amen,” ci in Topa pok uh hi.

Psalm Late 46:11

Vaanglianbelpa Topa in ei taw hong omkhawm hi. Jacob ii Pathian sia ih bukna ahi hi.

Psalm Late 46:7

Topa, Vaanglianbelpa in ei taw omkhawm hi; Jacob ii Pathian sia ih bukna ahi hi.

Psalm Late 72:19

Ama min tuanngen sia a tawntungin pok vun! Ama ii minthanna in leitung bup ah dim tahen. Amen! Amen!

Pusuana 3:12

Pathian in, “Nang taw kong omkhawm tu a, Egypt pan Israel te na paipui ciang, hi mual tungah nong bia tu hi. Tuasia in nangma hong paisak tatak ka hina, a kilakna hi tu hi,” ci in zo hi.

Pusuana 8:27

Ama hong thupiak bangin Topa ka Pathian tungah sangaw biakpiakna pia tu in, ni thum khualhaw in sennealngam sungah ka pai uh kul tu hi,” ci in zo hi.

Isaiah 41:10

Lau heak in — nang kong ompui hi! Keima in na Pathian ka hi hi — bangma lau heak in! Kong thahatsak tu a, kong hu tu hi; kong dal tu a, kong ngum tu hi.

Jeremiah 26:2

Topa in keima tungah, “Biakinnpi huang sungah ding in a, Judah ngam khuapite pan tua munah Pathian bia tu in hong pai mihingte tungah son tu a kong sawlte theampo thangsak in. Kheet nei heak in.

Ezekiel 46:10

Kumpipa sia mihingte pai ciang tum tu a, mihingte pusua ciangin pusuak tu hi.

Matthew 1:23

Ngaknu thiangtho khat naungil om tu a, tapa khat hing tu hi, a min Immanuel kiphuak tu hi.” (Tua in “Eite taw Pathian omkhawm hi,” a cinopna hi.)

Matthew 13:49

Hun bo ciangin hi bangin kingamta tu hi: vantunglalangte pai in mihing phate kawm panin mihing ngilote khawmtua in,

Matthew 18:20

Banghang ziam cile ka min taw nii le thum kikhopna sungah amate taw ka omkhawm hi,” ci hi.

Matthew 24:3

Jesus in Olive Mual tungah a to laitakin, a nungzuite ama kungah hong pai tuam uh hi. “Hi thu sia bang hun ciangin hong tung tu a, tuaciang nong pai kik tu hun le hun bo tu hun, a lak tu in bang hong piang tu ziam?” ci in dongh uh hi.

Matthew 6:13

Ze etna haksa hong thuaksak heak in a, Ngilopa ii khutsung pan hong tan ta in. Uk zawkna, vaangletna le minthanna Nang aa hi tawntung tahen, Amen.

Mark 16:20

Nungzuite mun theampo ah pai in, thuhil uh hi, tuaciang Topa in amate taw naseam khawm a, amate thuhilnate sia maan hi ci in a kilak natu in, nalamdang laknate vawtsak thei hi.]

Sawltakte 2:42

Amate in a hun neite uh sia, sawltakte tung pan thusinna in zangh a, kipawlna sung, pawl anneakkhopna le thungetna sungah kihel tek uh hi.

Sawltakte 20:27

Banghang ziam cile Pathian tupna a buppi in kong sonna ah bangma kheet nei ngawl khi hi.

1 Corinth te 11:2

Nong phaw tawntung uh hu le note tungah kong piak hilciannate na zui uh hu in kong pok hi.

1 Corinth te 11:23

Banghang ziam cile Topa ii hilcianna ama ii tung pan ka saante sia note tungah kong pia sawn hi: a thu in Topa Jesus a kileeheak tu nitakin, ama in anluum la a,

1 Corinth te 14:37

Mihing khat po in ama le ama Pathian kamtaipa a kisa a, tua ahibuale thaa letsong nei a kisa le, tu a note tungah kong at teng sia Topa thupiak hi ci in tel nanak tu hi.

Thuhil kikna 12:32

“Kong thupiak theampo zui siat vun; khat zongh belap heak vun a khat zongh vawk heak vun.

Thuhil kikna 5:32

“Israel mite awng, Topa na Pathian ii hong thupiak theampo, pha tak zui vun. Ama thukhamte bangma paltan heak vun.

Colossae te 1:28

Tua ahikom Christ sia mihing khat sim tungah ka hil uh hi. Pathian omna munah mihing khat simin Christ taw kikop in, a khanthin natu in ciimna theampo taw hil in a kidop natu thu ka pia uh hi.

2 Timothy 4:17

Ahitazong Topa sia kei kungah hong om a, thahatna hong pia hi. Tuasia ciangin Gentile te theampo ii a zaak tu in ngupna thu a cing in ka thangsak thei hi; tuaciang kei sia thidaan panin hong suaktasak hi.

Joshua 1:5

Joshua awng, na nuntak lai teng nang sia kuama in hong zo zo ngawl tu hi. Moses ka ompui bangma in nang kong ompui tu hi. Nang taw a tawntungin kong omkhawm tu hi; nang kong nusia buatu hi.

2 Peter 3:2

Taanghlai in a thiangtho kamsaangte sonnate le noma ii sawltakte tung pan na nga uh Topa le Hunpa thupiak sia na teptee tu ka dei hi.

Thupualaakna 1:18

Keima in a nungta pa ka hi hi! Keima sia ka thi zo a, ahihang tu in a tawntung a tawntungin, ka nungta hi. Thina le mithite khua ka uk hi.

Thupualaakna 22:14

Nuntakna thingnga neak thei natu le khuapi sungah kongkha kaantan in pai thei natu in a puantual a sawp thiangte in mihing hamphate ahi uh hi.