Matthew 28:2 - Syin Chin Bible

² Thakhatin nasia tak zinliing hi. Topa vantunglalang khat van pan hong tuaksuk a, thaan kong hukna suangtum liikkeak in a tungah to hi.

Matthew 28:2 Iomraidhean Croise

Matthew 27:60

ama ii thaankuul sungah koi hi. Tua thaankuul sia suangpi a khuak thak ahi hi. Tua zawkciang, ama in suangtumpui khat thaan kuavang mai ah liik in a kha zawkciang cia hi.

Matthew 27:66

Tua ahikom amate pai in, thaan kongvang sia a bit thei natu in, suang tungah tepteena khen in ngalkapte ii cin tu in nusia uh hi.

John 20:1

Nipi ni zingsang tuung khuavak ma in, Mary Magdalene thaan vil tu a pai ciang, a kongvang pan suangtumpui sia kilakeak sa in a om mu hi.

Sawltakte 16:26

Thakhat thu in, nasia tak zinliing a, thonginn phungkawng tawdap theampo dong ngawk hi. Thakhat thu in, kongkhapi theampo kihong a, thongtaak theampo tung pan thikkolte peal siat hi.

Sawltakte 5:19

Ahihang tua zanin Topa vantunglalang khat in thong kongkha hon a, sawltakte a pusuasak zawkciangin, amate tungah,

1 Timothy 3:16

Eite biakna in a lian thuku khat a hina sia kuama in, a nial thei buatu hi: Ama sia mihing mealin hong kilangh a, Thumaan hi ci in Thaa in lakin, vantunglalangte in mu hi. Ama sia minamte sungah a thu kihil a, leitung theampo in ama umin, tuaciang vantung ah ama kila to hi.

1 Peter 1:12

Vantung panin Thaa Thiangtho ii vang taw a sawl, Lungdamna Thupha a thangsak, thupuakte tung pan tu in na zaak uh thute Pathian in hi kamsaangte tungah a pualaakna ah cileang, amate nasep sia in amate phattuam na tu in a seam hi ngawl a, noma atu in a seam hizaw hi. Hi thute sia vantunglalangte dong ii a tel nop uh thu ahi hi.

Thupualaakna 11:19

Vantung ah Pathian biakinn sia kihong a, Thuciamna Thingkuang sia tua munah kimu hi. Tuasia zawkciang khualengin, vanto ngawp a, zinliing in ngial nasia takin kia hi.