Matthew 28:10 - Syin Chin Bible

¹⁰ Jesus in, “Lau heak vun; Pai tavun a, ka suapuite tungah, Galilee ah pai tu in sawl tavun, tua munah amate in kei hong mu tu hi,” ci hi.

Matthew 28:10 Iomraidhean Croise

Matthew 14:27

Jesus in amate tungah thakhatin, “Na thin uh kiliansak vun! Lau heak vun! Keima khi hi,” ci in paupui hi.

Matthew 25:40

Kumpipa in, ‘A maan tak ka ci ciang, hi ka suapuite a nobel khat tungah na vawt uh sia kei tung a hong vawt na hi uh hi!’ ci in zo tu hi.

Matthew 25:45

Kumpipa in, ‘Kei kong cina pan, hi lai ah mihing thupi ngawlbelte khat na hu nop ngawl uh ciang, keima hong hu nuam ngawl na hi uh hi.’

Matthew 26:32

Ahihang nuntakna sungah hong kiphokto kik ciangin, note mai Galilee ah ka na paikhol tu hi,” ci hi.

Matthew 28:16

Nungzui sawm le khat te in Galilee ngam mual tungah Jesus sawl bangin pai uh hi.

Matthew 28:5

Vantunglalang in numeite paupui hi. “Lau heak vun. Thinglamtee tungah a kithat Jesus sia zong nu hi ci in kong he hi.

Matthew 28:7

Tu in manlangin pai tavun a, a nungzuite munah, ‘Ama sia thina pan kithosak zo a, tu in ama in note mai Galilee ah pai tu hi; tua munah ama na mu tu uh hi!’ ci tavun. Kong son sate ciamtee tavun,” ci hi.

Matthew 28:9

Thakhatin Jesus in amate taw kisi a, “Thinnopna na nga tavun,” ci hi. Amate in ama kungah hong neak uh a, a peang koai in bia uh hi.

Mark 16:7

Tu in Peter pan kipan a nungzuite munah hi thu puak tavun: ‘Ama note mai Galilee ah paikhol zo hi; tua munah ama ii hong son ngei bangin, na mu tu uh hi,’ ” ci hi.

John 20:17

“Hong len top heak in, banghang ziam cile Pa kungah paito ngawl lai khi hi. Ahihang ka suapuipate kungah pai in va son ta'n. Ka Pa le amate ii Pa, ka Pathian le amate ii Pathian kungah heak kik tu khi hi,” Jesus in ci hi.

John 6:20

Jesus in, “Lau heak vun, keima khi hi!” ci hi.

Romete 8:29

Pathian teal sate a Tapa taw a kiban natu in, doituam a, tua hu in a Tapa in unau tam mama sung panin ta upabel suaksak hi.

Thukhente 10:16

Tua ahikom amate in ngamdang pathiante vawkin, Topa bia uh hi; tuasia ciang ama sia Israel te ii ngim ngana tungtaang ah a thinnuam ngawl hi.