Matthew 27:60 - Syin Chin Bible

⁶⁰ ama ii thaankuul sungah koi hi. Tua thaankuul sia suangpi a khuak thak ahi hi. Tua zawkciang, ama in suangtumpui khat thaan kuavang mai ah liik in a kha zawkciang cia hi.

Matthew 27:60 Iomraidhean Croise

Pianciilna 50:5

‘Ka pa a thi mahiat in Canaan ngamsung, ama atu in a kinginna sa thaankuul ah ka phum natu in kamciamna hong vawtsak hi. Tua ahiciang hesuakna in ka pa a phum tu in hong paisak ta'n, tua zawkciang kong cia kik tu hi,” ci hi.

Isaiah 22:16

“Nang akua kisa ni ziam? Mualpangh suang sungah nangma atu thaan khuk khuak tu in bang thu nei ni ziam?

Isaiah 53:9

Ama in leilot thu khat zongh son ngeingawlin, ahibuale khialna khat zongh vawt ngeingawl hi napi, mi seksolte taw thaan sungah kisial khawmin, sumhaute taw kiphum khawm hi,” ci in zo kik uh hi.

Matthew 27:59

Tua ahikom Joseph in la a, puanneal kaang thak taw a tun zawkciang,

Matthew 27:66

Tua ahikom amate pai in, thaan kongvang sia a bit thei natu in, suang tungah tepteena khen in ngalkapte ii cin tu in nusia uh hi.

Matthew 28:2

Thakhatin nasia tak zinliing hi. Topa vantunglalang khat van pan hong tuaksuk a, thaan kong hukna suangtum liikkeak in a tungah to hi.

Luke 24:2

Thaan kongvang panin, suangtumpui sia a kiliik sa in mu uh a,

John 11:38

Jesus, khatvei ma hong khuangai kik mama a, suanghawng khat ii kongvang ah suangtum khat taw a kikhak thaan khat ah pai hi.

John 11:41

Amate in suangtum lakeak uh hi. Jesus in khuadak to a, “Pa awng, ka thu nong ngai hu in lungdam kong ko hi.

John 19:41

Jesus a kithalupna munah huan khat om a, tua munah kuama a kiphum ngeingawl lai thaankuul thak khat om hi.

John 20:1

Nipi ni zingsang tuung khuavak ma in, Mary Magdalene thaan vil tu a pai ciang, a kongvang pan suangtumpui sia kilakeak sa in a om mu hi.