Matthew 27:53 - Syin Chin Bible

⁵³ Amate in thaan nusia in, Jesus ii thina pan a thaw kik zawkciang, Khuapi Thiangtho sungah tum uh a, tua munah mihing tam mama in amate mu uh hi.

Matthew 27:53 Iomraidhean Croise

Nehemiah 11:1

Jerusalem ah lampuite teang in, a taanglai mite sung pan innkuan sawm ciang innkuan khat veu, Jerusalem khuapi thiangtho sungah teang tu in lai meetang sawkin teal a, a dang teng sia khuapi le khua dangte ah teangsak hi.

Isaiah 48:2

Tuaciang a thiangtho khuapi ah a teang mite ka hi uh a, Israel te ii Pathian ahi Vaanglianbelpa Topa a suangte ka hi uh hi ci in, na kiphasak lalai uh hi.

Daniel 9:24

“Mawna le ngamtat siatna pan na mite le na khuapi thiangtho a suataksak natu in Pathian in kum sawmsali ii a salivei hunsung ciangtan zo hi. Mawna kimaisak tu a, tawntung thukhaikim thu om tu hi, tuasia ciang mukholna le kamsaanna taangtung takpi tu a, a Biakinnpi thiangtho sia aapna kinei kik tu hi.

Matthew 4:5

Tua zawkciang Doaimangpa in Jesus sia Khuapi Thiangtho Jerusalem ah paipui a, Biakinn khuvum a saangbel na ah suanhto hi.

Thupualaakna 11:2

Ahihang a huang puanung sia na tee heak in, banghang ziam cile tua mun sia Pathian he ngawlte atu a kipiasa hi a, amate in Khuapi Thiangtho sia tha sawmli le tha nii sung tuanhcil tu uh hi.

Thupualaakna 21:2

Mothak khat a pasal tu taw kimu tu in a kipua bangin vantung Pathian kung panin Khuapi Thiangtho ahi Jerusalem khuathak hong tuaksuk sia ka mu hi.

Thupualaakna 22:19

Tuaciang khat pawpo in hi laibu sungah kamsaanna kammalte a dok le, Pathian in ama sia hi laibu sungah a kison nuntakna thingkung nga le Khuapi Thiangtho pan a nga tu tel teng taansak tu hi.